1 Bakalenga 10:1 - MUKANDA WA MYIDI MUKULU

¹ Mukalenga mukaji wa mu ditunga dia Saba, kumvuaye lumu lua Shelomu. Kuyaye bua kumonangana nende, kumukonka malu makole bua kujadika muvua lungenyi luende.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakunvua mukelenge mukashi wa mu Sheba lumu lua butumbi bua Solomo ne bua dina dia Yehowa, yeye wakalua bua kunuteta makonka makole.

1 Bakalenga 10:1 ပူးပေါင်းရင်းမြစ်များ

Genese 10:28

Obale, Abimayele, Saba,

Genese 10:7

Kushe kulela bankambua ba bena Seba, Avila, Sabta, Ragma ne Sabteka. Ragma kulela bankambua ba bena Saba ne bena Dedane.

Genese 25:3

Yokshane ke tatuende wa Saba ne wa Dedane. Ndelanganyi ya Dedane ivua nunku: Bena Ashure, bena Letushe, ne bena Leyume.

1 Bakalenga 10:24

Bualu Mvidi Mukulu uvua mumupe lungenyi lua bungi. Bantu bavua bafuma nseke yonsu, bua kuebeja Shelomu malu.

1 Bakalenga 5:14

Bantu ba mu bisamba bionsu, bavua balua bua kumvua muvua Shelomu wakula ne meji. Bantu abu, bavua babatume kudi bakalenga bonsu ba pa buloba, bavua bamane kumvua lumu lua meji a Shelomu.

Yobe 28:28

Pashishe uvua wambila bantu ne: “Meji nkunemeka Maweja-Nangila. Lungenyi nkumuka ku malu mabi.”

Yobe 6:19

Bena ngendu ba ku Tema ne ba ku Saba, badi bakeba mayi, baatekemena ne muoyi mujima.

Misambu 49:4

Ndi nnulongesha miaku ya meji, nnumanyishe malu a lungenyi.

Misambu 72:10

Bakalenga ba mu Tarshishe ne ba mu bidila bia kule, nebamutumine malambi, ba mu Saba ne ba mu Seba bamutuadile milambu.

Misambu 72:15

Mukalenga akole bobobu! Bantu bamulambule mpawungi wa mu Saba, batendelela, bamulombele diba dionsu, basengelela Mvidi Mukulu buatshia buila bua amuele lupemba.

Yeshaya 60:6

Ditunga diebe nediuwule ne nyama ya tumelu tente. Bangenda mushinga ba mu Madiyane ne ba mu Efa nebafume ku Saba, bisumbu ne bisumbu, ne tumelu tuabu. Nebakutuadile tshiamu tshia mpawungi ne musenga wa kamonya. Nebende batumbisha Maweja-Nangila.

Yirmeya 6:20

Milambu yabu ya ku Saba, ne mitshi ya dipembu ya mu ditunga dia kule, bidi mua kungenzela tshinyi? Nyama idibu bangoshila pa tshilambuilu, kayena insankisha to. Tshiena musue milambu yabu.

Yezekiyele 16:14

Lumu luebe kumuangalaka mu buloba bujima, bualu uvua mulengele, kuyi kalema. Kadi uvua mukulengeje bimpe nanku, mmeme. Meme Maweja-Nangila Mvidi Mukulu, ndi njadika bualu ebu.”

Yezekiyele 38:13

Bena mu Saba, bena mu Dedane, ne bena misoku idi pamue nabu, bangenda mushinga ba mu Tarshishe, nebakuebeje ne: ‘Udi musangishe bena tshiluilu tshiebe bua kupawula bintu bia bantu ne kubakengesha anyi? Udi mufike bua kuangata tshiamu tshitoke tshia mushinga mukole, ne tshiamu tshia mpawungi, bimuna ne bubanji, bua wikale ne bintu bipeta mu mvita bia bungi anyi?’ ”

Matayi 12:42

Dituku didi Mvidi Mukulu ukosa nsambu, mukalenga mukaji wa mu ditunga didi kuinshi, neabike bua kufunda bena lelu ku tshilumbu. Bualu yeye uvua mumuke ku ndekelu kua buloba, bua kuvua kuteleja miaku ya Shelomu ya meji. Kadi apa padi muntu udi mupite Shelomu!

Matayi 13:11

Ke Yezu kubandamuna ne: — Mbanyishe bua nuenu numanye malu masokome a Bukalenga bua mu diulu, kadi ki mbanyishe bua bantu bakuabu baamanye nansha!

Matayi 13:35

Uvua wenza nanku bua kukumbaja miaku ivua Mvidi Mukulu mumanyishe muambi ne: “Nembambile malu mu nsumuinu. Nembamanyishe malu avuabu basokoke bantu, biangatshile ku tshibangidilu tshia buloba.”

Marke 4:34

Uvua wakula nabu mu nsumuinu. Kavua uyukila nabu kayi wela nsumuinu. Kadi patataye ushala nkayende ne balongi bende, uvua ubumvuija bionsu.

Luke 11:31

Dituku didi Mvidi Mukulu ukosa nsambu, mukalenga mukaji wa mu ditunga dia kuinshi, neimane kumpala kua bena lelu, abadiwule. Bualu uvua mufume ku ditunga dia kule bua kuteleja mibelu ya meji ya kudi Shelomu. Kadi patudi apa padi muntu mupite Shelomu!

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.