1 Bakalenga 1:53 - MUKANDA WA MYIDI MUKULU

⁵³ Mukalenga Shelomu kutuma muntu bua kukeba Adoniya, uvua pabuipi ne tshilambuilu. Kumukabu nende muaba awu, kuyaye kutua mpala panshi kumpala kua mukalenga Shelomu. Ke mukalenga Shelomu kumuambila ne: — Udi mua kupingana ku nzubu kuebe!

Mukanda wa Nzambi Dihungila Dikulukulu ne Dihungila Dihia-dihia 2003

⁵³ Nunku mukelenge Solomo wakatuma bantu, bakalua nʼandi ku tshishihelu. Yeye wakalua, wakakukuila mukelenge Solomo. Solomo wakamuambila ne, Ya ku nsubu kuebe.

1 Bakalenga 1:53 ပူးပေါင်းရင်းမြစ်များ

2 Samuele 1:2

Dituku disatu, nsongalume kufika, ufumina mu mitanda ya Shawule. Uvua ne bilamba bipandike, ne maloba mu mutu, bua kuleja madilu. Anu nsongalume ufika pabuipi ne Davide, kudielaye mpala panshi.

2 Samuele 14:24

Mukalenga Davide kumuambila ne: — Absalome aye amu ku nzubu kuende! Kafiki muaba undi to! Nanku Absalome kuya ku nzubu kuende. Kena mumonangane ne mukalenga Davide to.

2 Samuele 14:28

Absalome kushala mu Yerushalayime bidimu bibidi. Mukalenga Davide kubenga bua Absalome kafiki ku nzubu kuende.

2 Samuele 14:33

Yowabe kuya kumanyisha mukalenga Davide bionsu bivua Absalome muambe. Mukalenga Davide kubikidisha Absalome. Absalome kuya lubilu, kudiela mpala panshi kumpala kua mukalenga. Ke mukalenga Davide kumupukila.

1 Bakalenga 1:16

Batsheba kutua binu, kuinyika mpala panshi bikole menemene kumpala kua mukalenga Davide. Mukalenga kumukonka ne: — Tshiudi ujinga ntshinyi?

1 Bakalenga 1:31

Ke Batsheba kutua binu, kuinyika mpala panshi kumpala kua mukalenga Davide, wamba ne: — Mukalenga wanyi Davide akuate ku mundundu kashidi!

1 Bakalenga 1:52

Shelomu kuandamuna ne: — Pikala Adoniya wenza malu mimpe, tshiena mua kumuenzela bibi to. Kadi pikalaye ne meji mabi, neafue!

1 Bakalenga 2:1

Mukalenga Davide umvua ne: nkadi pa kufua, kubelaye muanende Shelomu, umuambila ne:

1 Bakalenga 2:36

Shelomu kubikidisha Shimeyi, umuambila ne: — Asa nzubu webe mu Yerushalayime. Ndi musue bua usombe amu ku nzubu aku. Ndi nkukandika bua kupatuki mu tshimenga to.

Nsumuinu 24:21

Muananyi, unemeke Maweja-Nangila, unemeke ne mukalenga kabidi. Kubuelakanyi ne bantu badi basue kukudimuna malu onsu.