1 Bakalenga 1:52 - MUKANDA WA MYIDI MUKULU

⁵² Shelomu kuandamuna ne: — Pikala Adoniya wenza malu mimpe, tshiena mua kumuenzela bibi to. Kadi pikalaye ne meji mabi, neafue!

Mukanda wa Nzambi Dihungila Dikulukulu ne Dihungila Dihia-dihia 2003

⁵² Solomo wakamba ne, Bienzeye malu a kalolo, lusuki lumue lua ku mutu kuandi kaluena luhona hanshi; kadi bikaleye ne malu mabi munda muandi, neafue.

1 Bakalenga 1:52 ပူးပေါင်းရင်းမြစ်များ

2 Samuele 14:11

Mukaji kuandamuna kabidi ne: — Mukalenga uditshipe mu dina dia Maweja-Nangila Mvidi Mukulu webe bua muntu udi ne bua kusombuela bua lufu lua muananyi, kankengeshi bibi bipite, kashipi muananyi undi mushale nende. Mukalenga Davide kumuambila ne: — Bu mudi Maweja-Nangila ne muoyi, ndi nditshipa ne: nansha lusuki lua muanebe lua ku mutu kaluakumata panshi to.

1 Bakalenga 1:51

Muntu mukuabu kuya kumanyisha Shelomu ne: — Adoniya udi ukutshina bikole. Mmunyeme muye pabuipi ne tshilambuilu. Padiye muaba awu, udi wamba ne: “Bua meme kumuka muaba ewu, anu pikala mukalenga Shelomu munjadikile, mundaye ne: tshiena nkushipa to.”

1 Bakalenga 1:53

Mukalenga Shelomu kutuma muntu bua kukeba Adoniya, uvua pabuipi ne tshilambuilu. Kumukabu nende muaba awu, kuyaye kutua mpala panshi kumpala kua mukalenga Shelomu. Ke mukalenga Shelomu kumuambila ne: — Udi mua kupingana ku nzubu kuebe!

Yobe 15:22

Kabena batekemena mua kupatuka mu miidima. Badi bela meji ne: muele mmufuane kututapa.

Nsumuinu 13:6

Muntu wa malu makane, buakane buende budi bumulama. Kadi bantu badi benza bibi, bubi buabu budi bubafila ku kabutu.

Nsumuinu 21:12

Mukalenga muakane udi umona bionsu bidi bienzeka mu nzubu mua bantu babi. Udi ubabueja lukasa mu dikenga.

Matayi 10:30

Kadi nuenu mimanye ne: nansha nsuki yenu idi mibadika yonsu.

Luke 21:18

Kadi lusuki lua ku mutu wenu nansha lumue kaluakujimina.

Bienzedi 27:34

Nenku ndi nnulomba bua nudie. Amu nuenu badie, ke kushisha kushala ne muoyi. Muntu nansha umue wa kunudi kakujimija lusuki lua ku mutu wende to.

1 Samuele 14:45

Kadi bena mvita kuambila Shawule ne: — Yonatane udi mupeteshe bena Izrayele ditshimuna mu mvita eyi minene, neafue bua tshinyi? Kabiena mua kuenzeka to. Bu mudi Maweja-Nangila ne muoyi, katuena tuitabe nansha bua lusuki lua Yonatane lumate panshi to. Bualu bionsu bidiye muenze lelu ebi, mmuenze ne diambuluisha dia Mvidi Mukulu. Nanku, bena mvita kusungidila Yonatane bua kafu to.