1 Bakalenga 1:5 - MUKANDA WA MYIDI MUKULU

⁵ Tshikondu atshi Adoniya, muana uvua Davide mulele ne mukajende Agite, uvua nsongalume muimpe mutambe. Adoniya kuakula bu mupinganyi wa mukalenga, wamba ne: “Meme nengikale mukalenga!” Bualu katshia Absalome wafua, Adoniya uvua mushale muanabute wa Davide. Uvua mumane kusumba matempu a mvita ne tubalu. Uvua kabidi ne bena mvita makumi atanu, bavua banyema lubilu kumpala kua matempu ende a mvita.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Hashishe Adoniya, muana wa Hagita, wakadibandisha, wamba ne, Meme nengikale mukelenge: yeye wakadilongoluela makalu ne badi benda ha tubalu ne bantu makumi atanu bua kunyemabo ku mpala kuandi.

1 Bakalenga 1:5 ပူးပေါင်းရင်းမြစ်များ

2 Samuele 15:1

Pashishe, Absalome kusumba ditempu, ne nyama ya tubalu, kusangisha kabidi bena mvita makumi atanu bavua banyema lubilu kumpala kua ditempu diende.

2 Samuele 3:4

Muana muinayi udi Adoniya, muana wa Angite. Muana muitanu udi Shefatya, muana wa Abitale.

1 Bakalenga 1:11

Nanku, muambi Natane kuya kudi Batsheba, mamuende wa Shelomu umuambila ne: — Bushuwa ukadi mumane kumvua ne: Adoniya, muana wa Agite, mmuditeke mu bukalenga. Kadi mukalenga Davide kena mumanye bualu ebu.

1 Bakalenga 1:4

Kupetabu nsongakaji muimpe mutambe wa mu musoku wa Shuneme, dina diende Abishayi. Bena mudimu kuya nende kudi mukalenga Davide. Nsongakaji kutuadija kuenzela mukalenga Davide mudimu, umulama. Kadi mukalenga Davide kavua usangila nende to.

1 Bakalenga 2:13

Dituku dikuabu, Adoniya, muana uvua Davide mulele ne mukajende Agite, kuya kudi Batsheba, mamuende wa Shelomu. Batsheba kukonka Adoniya ne: — Udi mufike ne muoyi wa kungenzela bimpe anyi? Adoniya kuitaba ne: — Eyowa.

1 Bakalenga 2:15

Adoniya kumuambila ne: — Udi mumanye ne: meme mvua ne bua kuangata bukalenga ebu. Kabidi bena Izrayele bonsu bavua batekemena bua meme kuikala mukalenga. Kadi bualu kuenzeka mushindu mukuabu. Muanetu Shelomu kushala mu bukalenga pa muaba wanyi. Bualu Maweja-Nangila uvua musue bua bienzeke nanku.

1 Bakalenga 2:24

Maweja-Nangila uvua munjadike mu nkuasa wa bukalenga wa tatu wanyi Davide, mmundaye bukalenga meme ne ndelanganyi yanyi. Bu mudiye ne muoyi, ndi nditshipa ne: Adoniya udi ufua anu lelu!

1 Kulondolola 28:5

Mpindiewu udi usungula muana wa balume mu bana banyi bavule bavuaye mumpeshe bua ampingane, adie bukalenga bua Izrayele mu dina dia Maweja-Nangila.

1 Kulondolola 29:1

Mukalenga Davide kuambila bena Izrayele bonsu bavua muaba awu ne: — Muananyi Shelomu udi Maweja-Nangila musungule, utshidi muana mutekete, kena muanji kujingulula bimpe mudi panu. Kadi mudimu wa kuenza mmupite bunene, bualu ki nnzubu wa bukalenga bua muntu udiye ne bua kuasa to. Kadi nnzubu wa Maweja-Nangila Mvidi Mukulu.

1 Kulondolola 3:2

Muana muisatu uvua Abshalome. Mamuende uvua Maaka, muana wa Talmayi, mukalenga wa bena Ngeshure. Muana muinayi uvua Adoniya. Mamuende uvua Agite.

Ekesode 9:17

Kadi utshidi anu uditambisha, ubenga mua kutekela bantu banyi.

Nsumuinu 16:18

Udi uditambisha neabutuke. Udi udisua neapone panshi.

Nsumuinu 18:12

Bantu badi baditambisha nebabutuke. Udi udipuekesha neapete lumu.

Yeshaya 2:7

Buloba bua Yakobe mbuwule ne mpawungi, tshiamu tshitoke tshia mushinga mukole, kabidi ne mpetu mikuabu, bungi kabuyi kubala. Tubalu ne matempu a mvita, mbipite bungi mu ditunga.

Luke 14:11

Bualu muntu yonsu udi uditambisha, nebamufuishe bundu. Muntu yonsu udi udipuekesha, neapete lumu.

Luke 18:14

Ndi nnujadikila ne: muntu ewu mmupingane kuende, mutokela Mvidi Mukulu ku muoyi, kadi mukuabu awu to. Bualu muntu yonsu udi uditambisha, nebamupuekeshe. Kadi yonsu udi ndipuekesha, neapete lumu.

Balombodi 9:2

— Nuye kukonka balombodi ba mu tshimenga ne: nudi basue kuikala ku bumfumu bua bana ba Yerubaale bonsu makumi muanda mutekete, anyi ku bumfumu bua muana umue? Nuvuluke kabidi ne: meme ndi mulela wenu.