1 Bakalenga 1:42 - MUKANDA WA MYIDI MUKULU

⁴² Anu Yowabe ukonka nanku, Yonatane, muana wa mutuangaji Abiyatare, kufika. Adoniya kuambila Yonatane ne: — Buelaku, bualu udi muntu wa bushuwa, kabidi udi mufike ne malu a disanka.

Mukanda wa Nzambi Dihungila Dikulukulu ne Dihungila Dihia-dihia 2003

⁴² Hakatshidiye wakula nunku, Yonatana, muana wa Ebeyatâ muakuidi, wakafika kudibo; Adoniya wakamuambila ne, Buela biebe, bualu bua wewe udi muena kalolo, udi ulua ne lumu luimpe.

1 Bakalenga 1:42 ပူးပေါင်းရင်းမြစ်များ

2 Samuele 15:27

Mukalenga Davide kuambila kabidi mutuangaji Sadoke ne: — Tangila, upingane mu tshimenga anu bimpe. Uye ne muanebe wa balume Akimase. Uye kabidi ne mutuangaji Abiyatare ne muanende wa balume Yonatane.

2 Samuele 15:36

Akimase, muana wa Sadoke, ne Yonatane, muana wa Abiyatare, bonsu babidi badi ne batatuabu mu tshimenga amu. Neubatume bua kungambilabu malu onsu awikala mumvue.

2 Samuele 17:17

Yonatane, muana wa Abiyatare, ne Akimase, muana wa Sadoke, bavua basombela pabuipi ne mpokolu wa Enrojele. Ke batuangaji abu kubatumina mukaji muena mudimu bua kubamanyisha malu avuabu mua kuya kuambila mukalenga Davide. Bualu Yonatane ne Akimase kabawa mua kubuela mu Yerushalayime to, bua kabamanyi kudi bantu.

2 Samuele 18:27

Mutentekedi kuamba kabidi ne: — Muntu udi kumpala, mushindu udiye unyema, udi bu Akimase, muana wa Sadoke. Mukalenga kuandamuna ne: — Mmuana wa mushinga mukole. Bulelela, udi ne bualu bua disanka.

1 Bakalenga 1:41

Adoniya, ne bantu bonsu bavuaye mubikile, bamane kujikija kudia, kumvuabu mitoyi. Yowabe mumane kumvua muadi wa mpungi, kukonkaye ne: — Awu mutoyi mukole udi mu tshimenga ngua tshinyi?

1 Bakalenga 1:43

Yonatane kuandamuna ne: — Eyi nansha! Ndi mufike bua kunumanyisha ne: mukalenga Davide mmumane kusungula Shelomu bua amupingane mu bukalenga.

1 Bakalenga 22:18

Akabe mukalenga wa bena Izrayele, kuambila Yosafate ne: — Mvua mumane kukuambila! Mika udi ungambila anu malu mabi misangu yonsu. Katshia kena muanji kungambila bualu buimpe to!

2 Bakalenga 9:22

Anu Yorame usambakena ne Yehu, kumukonkaye ne: — Yehu, malu kaayi? Yehu kuandamuna ne: — Udi unkonka nanku bua tshinyi? Udi mumanye bimpe ne: mamuebe Yezabele utshidi utendelela mvidie ya dishima, kabidi utshidi wenza majimbu…

Yeshaya 57:21

Mvidi Mukulu wanyi udi wamba ne: “Lupandu kaluena bua bantu babi to.”