1 Bakalenga 1:37 - MUKANDA WA MYIDI MUKULU

³⁷ Alame Shelomu bu nuwuaye mukulame wewe. Atumbishe bukalenga bua Shelomu, buikale ne lumu bupite buebe wewe Davide!

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Bu muakadi Yehowa ne mukelenge wanyi, ikale kabidi ne Solomo bua nkuasa wandi wa bukelenge ahite wa mukelenge Davidi bunene.

1 Bakalenga 1:37 ပူးပေါင်းရင်းမြစ်များ

2 Samuele 24:3

Yowabe kuandamuna mukalenga ne: — Mukalenga, meme ndi musue bua Maweja-Nangila Mvidi Mukulu webe avudije bena Izrayele misangu lukama. Ndi musue bua wikale ne muoyi, umone bionsu ebi. Kadi udi musue kuenza bualu bua mushindu ewu bua thinyi?

1 Bakalenga 1:36

Benaya kuandamuna ne: — Eyowa, mbimpe mukalenga wanyi! Maweja-Nangila Mvidi Mukulu webe udi muakuile mukana muebe.

1 Bakalenga 1:47

Balombodi ba bukalenga, mbafike kudi mukalenga Davide, bamuela tuasakidila bamuamba ne: “Tudi tujinga bua Mvidi Mukulu webe atumbishe bikole Shelomu. Ikale ne lumu lupite luebe wewe Davide. Mvidi Mukulu atumbishe kabidi bukalenga bua Shelomu buikale ne lumu, bupite buebe wewe Davide.” Nanku, pavua mukalenga Davide mu bulalu buende, kuinyikaye mutu panshi bikole,

2 Bakalenga 2:9

Bobu bamane kusabuka, Eliya kuambila Elisha ne: — Undombe tshiudi musue, bua meme kukuenzela, bangabanga ne Maweja-Nangila kungambula, bua tuetu kushiyangana nebe. Elisha kuandamuna ne: — Ndi musue kupiana mueyelu webe wa buambi misangu ibidi bukole buawu. Eliya kumuandamuna ne:

1 Kulondolola 28:20

Pashishe Davide kuamba kabidi ne: — Muananyi, kolesha muoyi, utantamane. Tuadija mudimu ewu. Kutshinyi, kuzakadi! Maweja-Nangila Mvidi Mukulu wanyi kena ukulekela to. Udi nebe, ubambuluisha too ne muwajikija mudimu ewu wa nzubu wende.

1 Kulondolola 29:25

Bena Izrayele kudimuena mudi bukalenga bua Shelomu budiunda. Maweja-Nangila wakamupesha butumbi buvua bupite bua bonsu bavua bamudianjidile mu nkuasa wa bukalenga mu bena Izrayele.

2 Kulondolola 1:1

Shelomu, muana wa Davide, uvua mukoleshe bukalenga buende bimpe. Maweja-Nangila Mvidi Mukulu uvua umuambuluisha, bua ikale mukalenga wa lumu lunene.

Misambu 46:11

Udi wamba ne: “Lekelayi mvita! Numanye ne: Meme ke Mvidi Mukulu: Ndi ku mutu kua bisamba ne kua buloba bujima!”

Misambu 46:7

Padi Mvidi Mukulu wakula, bisamba bidi bizakala, makalenga atutakana, buloba bunyungakana.

Misambu 72:8

Mukalenga adie bumfumu ku mayi manene too ne ku makuabu, ku musulu wa Perate too ne ku ntengu ya buloba.

Misambu 89:27

Neambikile ne: ‘Wewe udi Tatu wanyi, Mvidi Mukulu wanyi, dibue dia lupandu luanyi.’

Ekesode 3:12

Mvidi Mukulu kumuandamuna ne: — Meme ndi nebe. Ndi nkupa tshimanyinu tshidi tshileja ne: Meme ke udi mukutume. Wewe mumane kupatula bena Izrayele mu ditunga dia Ejipitu, nenuntendelele pa mukuna wa Sinayi ewu.

Yeshaya 8:10

Elayi meji a kuenza bualu kampanda, kadi kanuakubukumbaja munudi basue. Umvuanganayi, kadi kanuena ne tshinuenza. Bualu Emanuwele udiku, mmumue ne: Mvidi Mukulu udi netu.

Danyele 7:14

Kumupeshabu bukokeshi, butumbi ne bukalenga bua bantu ba matunga onsu, ba bisamba bionsu ne ba miakulu yonsu. Bukokeshi buende nebushale kashidi, kabuena bujika. Bukalenga buende kabuena bufue.

Matayi 1:23

“Nsongakaji utshidi kamama neimite difu, nealele muana wa balume. Nebamuinyike dina ne: Emanuwele,” (mmumue ne: “Mvidi Mukulu udi netu.”)

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Yoshua 1:17

Netutumikile diyi diebe menemene, bu mutuvua tutumikila dia Moshe. Maweja-Nangila Mvidi Mukulu webe neikale nebe bulelela, bu muvuaye ne Moshe.

Yoshua 1:5

Matuku onsu autshidi panu ne muoyi aa, muntu kena mua kukupita bukole to. Meme nengikale nebe, bu mumvua ne Moshe. Kashidi tshiendelele tshiena nkulekela. Nenkuambuluishe misangu yonsu.

1 Samuele 20:13

Kadi, pikalaye musue kukuenzela bibi, pangikala tshiyi mukumanyishe, Maweja-Nangila annyoke ne dinyoka dikole. Diba adi nenganyishe bua wewe kuya. Neuye bimpe kabayi bakuatshisha to. Ndi njinga ne: Maweja-Nangila ikale nebe muvuaye ne tatu wanyi Shawule.