1 Bakalenga 1:33 - MUKANDA WA MYIDI MUKULU

³³ kubatuminaye diyi ne: — Nubikile bena mvita bonsu batshidi bangitaba. Nubandishe muananyi Shelomu pa nyama wa mpunde wa bukalenga. Nuye nende ku mpokolu wa ku Ngikone.

Mukanda wa Nzambi Dihungila Dikulukulu ne Dihungila Dihia-dihia 2003

³³ Mukelenge wakabambila ne, Angatai bantu ba mukelenge wenu, nuendeshe Solomo, muanʼanyi, ha nyima ha mpunda wanyi mene, nuye nʼandi ku Gihona.

1 Bakalenga 1:33 ပူးပေါင်းရင်းမြစ်များ

Genese 41:43

Kumubandishaye mu ditempu divuabu babande amu kudi tshindonda tshiende. Bantu bavua banyema badianjidila kumpala kuende, bela mbila, bamba ne: “Mushilayi njila, apite”. Ke muvua Yozefe mupete bumfumu bua ditunga dijima dia bena Ejipitu nanku.

2 Samuele 13:29

Bena mudimu kukumbaja bionsu bivua Absalome muambe. Kushipabu Amnone. Bana bakuabu ba mukalenga Davide kujuka ku mesa diakamue, kubanda muntu yonsu pa nyama wende wa mpunde, kunyema.

1 Bakalenga 1:38

Mutuangaji Sadoke, muambi Natane, Benaya, muana wa Yoyada, bena Kreti ne bena Peleti bavua balame mukalenga Davide, kuya kudi Shelomu. Kumubandishabu pa nyama wa mpunde wa mukalenga Davide wa bukalenga, kuya nende ku mpokolu wa ku Ngikone.

1 Bakalenga 1:5

Tshikondu atshi Adoniya, muana uvua Davide mulele ne mukajende Agite, uvua nsongalume muimpe mutambe. Adoniya kuakula bu mupinganyi wa mukalenga, wamba ne: “Meme nengikale mukalenga!” Bualu katshia Absalome wafua, Adoniya uvua mushale muanabute wa Davide. Uvua mumane kusumba matempu a mvita ne tubalu. Uvua kabidi ne bena mvita makumi atanu, bavua banyema lubilu kumpala kua matempu ende a mvita.

1 Bakalenga 2:35

Mukalenga Shelomu kupingaja Benaya muaba wa Yowabe, bua ikale mfumu mulombodi wa bena mvita. Kupingajaye kabidi Sadoke, muaba wa Abiyatare bua ikale mutuangaji muaba wa tshijila.

1 Kulondolola 29:22

Dituku adi, bena Izrayele kudia, kunua kumpala kua Maweja-Nangila, bikale ne disanka dinene. Ewu ke musangu muibidi, udibu baleja bantu mudi Shelomu muana wa Davide, mukalenga wabu. Kumulababu manyi a bukalenga, bua akuatshile Maweja-Nangila mudimu. Amu diba adi kujidilabu Sadoke bua ikale mutuangaji munene.

2 Kulondolola 32:30

Izkiya ke uvua mujibikile mushiku wa mpokolu wa Ngikone, bua mayi apuekele muinshi mua buloba, aye ku luseke ludi diba dibuelela, afike ne munda mua Tshimenga tshia Davide. Izkiya uvua ne diakalenga mu bionsu bivuaye wenze.

2 Kulondolola 33:14

Malu onsu mamane kupita, Menashe kuibaka tshimana tshitumbuke ku mpenga kua Tshimenga tshia Davide. Tshimana atshi tshivua tshipitshila luseke ludi diba dibuelela lua mpokolu wa Ngikone, tshilonda tshibandabanda tshia Sedrone, tshinyungulula tshitupa tshia tshimenga tshia Ofele, tshiya too ne ku tshiibi tshia Minyinyi ya mu mayi. Uvua muteke balombodi ba bisumbu bia bena mvita mu bimenga bionsu bia bena Yuda bivuabu bakoleshe ne bimana.

Lewitiki 19:19

“Nulame kabidi mikenji eyi: Kanuteki mu bimuna bienu nyama ya mishindu ibidi mishilangane bua kulelanganayi. Kanumiaminyi mu madimi enu maminu a mishindu ibidi mishilangane. Kanuvuadi bilamba bitela ne manda a mishindu ibidi mishilangane.