1 Bakalenga 1:31 - MUKANDA WA MYIDI MUKULU

³¹ Ke Batsheba kutua binu, kuinyika mpala panshi kumpala kua mukalenga Davide, wamba ne: — Mukalenga wanyi Davide akuate ku mundundu kashidi!

Mukanda wa Nzambi Dihungila Dikulukulu ne Dihungila Dihia-dihia 2003

³¹ Hashishe Betasheba wakatua mpala wandi hanshi, wakakukuila mukelenge, wamba ne, Mukelenge wanyi Davidi, ikale ne muoyo tshiendelele!

1 Bakalenga 1:31 ပူးပေါင်းရင်းမြစ်များ

2 Samuele 9:6

Mefibaale, muana wa Yonatane, muikale muikulu wa Shawule, mumane kufika kua Davide, kudielaye mpala panshi kumpala kua mukalenga Davide. Davide kumukonka ne: — Wewe ke Mefibaale anyi? Mefibaale kuitaba ne: — Eyowa, mukalenga, mmeme.

1 Bakalenga 1:25

Bualu lelu, Adoniya mmupueke ku “Dibue-dia-busenu,” mmulongolole tshibilu tshinene. Mu tshibilu atshi, mmulambule ngombe ya bungi, nyama mikuabu ya manyi, ne mikoku. Uvua mubikilemu bana bebe ba balume. Uvua mubikile kabidi bamfumu balombodi ba bena mvita, ne mutuangaji Abiyatare. Bantu bonsu aba, badi badia, banuane Adoniya diba ditudi edi, bamba ne: “Mukalenga Adoniya akuate ku mundundu!”

Nehemya 2:3

Ke meme kuambila mukalenga ne: — Mfumuanyi, ndi nkujingila diakalenga kashidi! Meme tshiena mua kuikala ne disanka to, bualu tshimenga tshidibu bajike bankambua banyi ntshinyangakaja, kabidi biibi biatshi mbiosha ne kapia.

Estere 3:2

Bena mudimu bonsu ba mu nzubu wa bukalenga bavua batua binu, binyika ne mitu kumpala kua Amane, bu muvua diyi dia mukalenga. Kadi amu Mordekayi nkayende ke uvua ubenga kuenza nanku.

Danyele 2:4

Bena bilengulengu kuandamuna mukalenga mu muakulu wa bena Arame ne: — Mukalenga, kuata ku mundundu! Tuawilaku tshilota, netukujinguluiletshi!

Danyele 3:9

Kuambilabu mukalenga Nebukadnesare ne: — Mukalenga, kuata ku mundundu!

Danyele 5:10

Mukalenga mukaji, mamuende wa mukalenga, kumvua mbila ivua mukalenga ne bantu banene ba mu bukalenga buende bela. Yeye kubuela mu nzubu muvuabu badie, kuambaye ne: — Mukalenga, kuata ku mundundu! Kupampakanyi nansha! Mpala webe katokoloki to!

Danyele 6:21

Pakafikaye pabuipi ne buina, kubikilaye Daniyele ne diyi dia dibungama, umukonka ne: — Daniyele, muntu wa Mvidi Mukulu udi ne muoyi, Mvidi Mukulu webe uudi utendelela ku dituku ku dituku, wakusungididi ku nzadi ya nyama ya ntambue anyi?

Danyele 6:6

Nanku bantu aba kuamba ne: “Katuena mua kupeta bualu bua kufunda nabu Daniyele, anu tuetu bakeba mu mikenji ya Mvidi Mukulu wende.”

Matayi 21:37

Ku ndekelu kubatuminaye muanende, wela meji ne: “Nebanemeke muananyi.”

Efeze 5:33

Kadi budi bunutangila ne nuenu kabidi. Nanku mulume yonsu anange mukajende bu mudiye mudinange. Mukaji yonsu anemeke bayende.

Ebrewu 12:9

Tuvuluke batatuetu ba pa buloba! Bavua batunyoka, tuetu kubanemeka. Nenku tudi ne bua kutumikila Tatu wetu wa mu diulu bipitshidile, bua tuikale ne muoyi.

1 Samuele 20:41

Muena mudimu mumane kuya, Davide kupatuka muaba uvuaye musokome, kuinshi kua dibue. Kutuaye mpala panshi misangu isatu kumpala kua Yonatane. Pashishe, kupukilanganabu, badila muadi bikole.

1 Samuele 24:8

Ke muvua Davide ubela bantu bende bua kabaluishi Shawule to. Shawule kupatuka mu lubuebue, kutungunuka ne luendu.