1 Bakalenga 1:29 - MUKANDA WA MYIDI MUKULU

²⁹ mukalenga kumuambila uditshipa ne: — Bu mudi Maweja-Nangila ne muoyi, uvua mungambuluishe misangu yonsu imvua munkatshi mua makenga makole,

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Mukelenge wakaditshiha ne, Bu mudi Yehowa ne muoyo, wakuhikula muoyo wanyi mu makenga onso,

1 Bakalenga 1:29 ပူးပေါင်းရင်းမြစ်များ

Genese 48:16

Mutumibue wa Mvidi Mukulu, uvua mungepule ku malu mabi onsu, neele bana banyi aba lupemba. Dina dianyi ne dia bankambua banyi, Abrahame ne Izake, disanguke ku bukole bua bana ba balume aba! Bana aba bikale ne ndelanganyi ya bungi, buwuje ditunga edi!

2 Samuele 12:5

Davide kufikila mubanji awu munda bikole. Kuambilaye muambi Natane ne: — Maweja-Nangila udi ne muoyi, anteleje! Muntu udi muenze nanku, udi ne bua kufua!

2 Samuele 4:9

Davide kuela mbila ne: — Bu mudi Maweja-Nangila ne muoyi, udi unsungidila ku makenga onsu,

1 Bakalenga 1:28

Ke mukalenga Davide kutuma diyi ne: — Numbikidile Batsheba! Padi Batsheba upingana tshiakabidi kumpala kua mukalenga Davide,

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

1 Bakalenga 18:10

Bu mudi Maweja-Nangila Mvidi Mukulu webe ne muoyi, ndi nkujadikila ne: mfumuanyi Akabe mmutume bantu mu bisamba bionsu ne mu makalenga onsu bua kukukebabu. Pavua bamfumu ba matunga bamba ne: “Muambi Eliya kena kuetu to,” bavua ne bua kuditshipa bua kujadika ne: kabena bakumona to.

1 Bakalenga 2:24

Maweja-Nangila uvua munjadike mu nkuasa wa bukalenga wa tatu wanyi Davide, mmundaye bukalenga meme ne ndelanganyi yanyi. Bu mudiye ne muoyi, ndi nditshipa ne: Adoniya udi ufua anu lelu!

2 Bakalenga 4:30

Kadi mamuende wa muana kuambila muambi Elisha ne: — Bu mudi Maweja-Nangila ne muoyi, ne wewe kabidi muikale ne muoyi, tshiena mua kupingana nkayanyi, katuyi nebe! Nanku Elisha kuya ne mukaji awu.

2 Bakalenga 5:16

Kadi muambi Elisha kuandamuna ne: — Bu mudi Maweja-Nangila undi nkuatshila mudimu ne muoyi, ndi nkujadikila ne: tshiena ngangata tshintu nansha tshimue. Namane uvua anu umusengelela, kadi muambi Elisha kubenga.

2 Bakalenga 5:20

Ngeyazi, muena mudimu wa muambi Elisha kuela meji ne: “Mfumuanyi Elisha mmubenge bintu bionsu bivuabu bamulambula kudi Namane, muena Siriya. Nanku, bu mudi Maweja-Nangila ne muoyi, ndi ndonda Namane bua kupeta bintu bikuabu bidiye nabi!”

Misambu 136:24

kutusungidilaye kudi bena lukuna betu, bualu dinanga diende ndia kashidi.

Misambu 138:7

Pandi meme nsomba mu dikenga, neundame ne muoyi nansha mudi baluishi banyi bamfikila munda, neolole tshianza tshiebe tshia bukole tshimpandishe.

Misambu 72:14

Neabepule ku tshinyangu ne kabutu, bualu udi ubananga, musue bua bashale ne muoyi.

Balombodi 8:19

Ngideyone kuela mbila ne: — Bivua bana betu, bana ba mamu mundedi. Nanku ndi nditshipa kudi Maweja-Nangila udi ne muoyi, bu nuenu kanuyi bashipe bana betu aba, meme kabidi tshivua mua kunushipa to!

1 Samuele 14:39

Bu mudi Maweja-Nangila, Musungidi wa bena Izrayele ne muoyi, ndi nditshipa ne: muntu udi muenze bibi neafue, nansha yeye muananyi wa balume Yonatane. Munkatshi mua bena mvita bonsu, muntu nansha umue kena muandamune to.

1 Samuele 14:45

Kadi bena mvita kuambila Shawule ne: — Yonatane udi mupeteshe bena Izrayele ditshimuna mu mvita eyi minene, neafue bua tshinyi? Kabiena mua kuenzeka to. Bu mudi Maweja-Nangila ne muoyi, katuena tuitabe nansha bua lusuki lua Yonatane lumate panshi to. Bualu bionsu bidiye muenze lelu ebi, mmuenze ne diambuluisha dia Mvidi Mukulu. Nanku, bena mvita kusungidila Yonatane bua kafu to.

1 Samuele 19:6

Shawule kumvua mibelu ya Yonatane. Kuambaye ne: — Bu mudi Maweja-Nangila ne muoyi, ndi nditshipa ne: kabena mua kushipa Davide to.

1 Samuele 20:21

Pashishe nentume muana muena mudimu wanyi, bua kukeba miketa ayi. Pangambila muena mudimu ne: “Tangila, miketa kayena kule to, pingana uyangule,” neujadike ne: kakuena bualu to. Diba adi udi mua kupingana bualu kakuena njiwu to. Ndi nkujadikila bualu ebu, kumpala kua Maweja-Nangila.