1 Bakalenga 1:20 - MUKANDA WA MYIDI MUKULU

²⁰ Mukalenga wanyi, mpindiewu bena Izrayele bonsu mbindile ne muoyi mujima bua wewe kubambila patoke dina dia muntu udi ukupingana mu bukalenga.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Katataka, mukelenge wanyi, mesu a Bena Isalele bonso adi kûdi bua wewe kubambila washikama mu nkuasa wa mukelenge wanyi ku nyima kuandi.

1 Bakalenga 1:20 ပူးပေါင်းရင်းမြစ်များ

2 Samuele 23:2

Mueyelu wa Mvidi Mukulu udi ungakuisha, uteka diyi diende pa ludimi luanyi.

1 Bakalenga 1:19

Kabidi, Adoniya mmulongolole tshibilu tshinene. Mu tshibilu atshi, mmulambule ngombe milume, nyama mikuabu ya manyi, ne mikoku ya bungi. Uvua mubikilemu bana bebe ba balume bonsu, mutuangaji Abiyatare, ne Yowabe, mfumu wa bena mvita. Kadi kavua mubikile muanebe Shelomu to.

1 Bakalenga 1:21

Wewe kuyi muenze nanku, pawikala mumane kufua, meme Batsheba ne muananyi Shelomu nebatukengeshe bu bena tshibawu.

1 Kulondolola 28:10

Mpindiewu, udi mumone mudi Maweja-Nangila mukusungule bua wewe kumuashila nzubu, bua ikale muaba wende wa tshijila. Nenku, kolesha muoyi, ubange amu mudimu ewu.”

1 Kulondolola 29:1

Mukalenga Davide kuambila bena Izrayele bonsu bavua muaba awu ne: — Muananyi Shelomu udi Maweja-Nangila musungule, utshidi muana mutekete, kena muanji kujingulula bimpe mudi panu. Kadi mudimu wa kuenza mmupite bunene, bualu ki nnzubu wa bukalenga bua muntu udiye ne bua kuasa to. Kadi nnzubu wa Maweja-Nangila Mvidi Mukulu.

2 Kulondolola 20:12

Maweja-Nangila Mvidi Mukulu wetu, kuena mua kubanyoka anyi? Katuena ne bukole bua kuluangana ne bena mvita aba bungi nenku, badi bavua kutuluisha. Tudi bapange tshia kuenza. Ke patudi batangile kuudi, tukusengelela.

Misambu 123:2

Bu mudi mesu a bapika, matangile tshianza tshia mfumuabu, bu mudi mesu a muena mudimu mukaji matangile tshianza tshia mamuende wa nzubu, ke mudi mesu etu matangile kudi Maweja-Nangila Mvidi Mukulu wetu, too ne muatuambuluishaye.

Misambu 25:15

Mesu anyi adi diba dionsu kudi Maweja-Nangila, bualu amu yeye neankopole mu buteyi.

Zekâya 3:9

Nenteke dibue kumpala kua Yeshuwa. Dibue adi nedikale dimue, kadi nedikale ne nseke muanda mutekete ikenka. Nentape meme nkayanyi miaku pa dibue edi. Nanku, munkatshi mua dituku dimue nengumushe bubi bua bantu, budi bunyanga buloba. Eyo, meme Maweja-Nangila wa bukole buonsu, ndi njadika nanku.