1 Bakalenga 1:2 - MUKANDA WA MYIDI MUKULU

² Nanku bena mudimu bende kumuambila ne: — Mukalenga, netuye kukukebela nsongakaji udi mua kukuenzela mudimu, kabidi udi mua kukulama. Nealale pamue nebe, bua wewe kumvua luya.

Mukanda wa Nzambi Dihungila Dikulukulu ne Dihungila Dihia-dihia 2003

² Nunku bantu bandi bakamuambila ne, Bakebele mukelenge wanyi nsongakashi utshidi kamama, imane biandi ku mesu kua mukelenge, akukube, alale mu tshiadi tshiebe bua mukelenge wanyi unvue luya.

1 Bakalenga 1:2 ပူးပေါင်းရင်းမြစ်များ

Genese 16:5

Ke Sarayi kuambila Abrame ne: — Badi bampenda bipendu bionsu ebi bualu buebe. Meme kukupesha mupika wanyi bua ikale muena kuebe. Kadi katshia wimita difu, kena unnemeka kabidi to. Maweja-Nangila nkayende akose tshilumbu tshidi pankatshi petu nebe.

2 Samuele 12:3

Mupela uvua anu ne kana ka mukoku kamue, kavuaye musumbe. Uvua ukadishe, koku kenda kakola ku nzubu kua mupela awu pamue ne bana bende. Kana ka mukoku aku, kavua kadia ne mupela awu diampa dimue, kanua nende kabidi mabela dikopu dimue, kalala anu pabuipi ne mupela awu. Uvua mukengeleke anu bu muanende wa bakaji.

1 Bakalenga 1:1

Mukalenga Davide ukavua mumane kukola mukulakaje. Pavuabu bamubuikila bilamba, katshivua umvua luya pambidi to.

1 Bakalenga 1:3

Bena mudimu kukeba mu ditunga dijima dia bena Izrayele, nsongakaji muimpe.

2 Kulondolola 29:11

Nuenu balunda banyi, kanuena mua kulengulula bualu ebu to. Bualu nuenu ke badi Maweja-Nangila musungule, bua nuimane kumpala kuenda, numutendelela, nuosha musenga wa kamonya mu dina diende.

Estere 2:2

Ke bafidi ba ngenyi ba mu ditunga diende kumuambila ne: — Bakukebele nsongakaji itshidi tumama, idi imueneka ne mpala muimpe.

Muambi 4:11

Padi babidi baladila pamue, badi bapeteshangana luya. Nkaya kena udipetela luya nansha.

Mika 7:5

Kanuitabi bena mutumba benu, kanutekemenyi balunda benu. Nudimuke panudi nuakula, nansha ku mesu kua mukajenu, udi ununanga.

Dielulula 10:8

Tshikondu atshi Maweja-Nangila kupesha bena Levi midimu mishilangane eyi: kuambula mushete wa ndondu wa Maweja-Nangila, kuenzela Maweja-Nangila mudimu, kuela bantu lupemba mu dina dia Maweja-Nangila. Midimu eyi, ke itshidibu benza too ne mpindiewu.

Dielulula 13:6

Muambi yonsu, nansha muntu udi Mvidi Mukulu uleja malu, padiye unumusha kudi Maweja-Nangila Mvidi Mukulu wenu, uvua munupatule ku bupika mu Ejipitu, numushipe. Bualu uvua musue kunumusha mu njila uvua Maweja-Nangila Mvidi Mukulu wenu munuambile bua kulonda. Nanku numushe bubi buonsu munkatshi muenu.