1 Bakalenga 1:18 - MUKANDA WA MYIDI MUKULU

¹⁸ Kadi mpindiewu, ndi mumvue ne: Adoniya mmumane kuikala mukalenga, wewe kuyi mumanye.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Kadi katataka, mona, Adoniya udi ukokesha, ne wewe, mukelenge wanyi, kuena mumanye bualu ebu;

1 Bakalenga 1:18 ပူးပေါင်းရင်းမြစ်များ

2 Samuele 15:10

Pavuaye mu tshimenga atshi, kutumaye bantu bende mu musokoku mu bimenga bionsu bia bena Izrayele. Bantu abu, bavua baye bua kuambila bena Izrayele ne: “Panuikala bumvua miadi ya mpungi, nuele mbila ne: Absalome ke udi mushale mukalenga mu Ebrone.”

1 Bakalenga 1:11

Nanku, muambi Natane kuya kudi Batsheba, mamuende wa Shelomu umuambila ne: — Bushuwa ukadi mumane kumvua ne: Adoniya, muana wa Agite, mmuditeke mu bukalenga. Kadi mukalenga Davide kena mumanye bualu ebu.

1 Bakalenga 1:17

Batsheba kuandamuna ne: — Mukalenga wanyi, uvua mundaya kumpala kua Maweja-Nangila Mvidi Mukulu webe ne: muananyi Shelomu neakupingane mu bukalenga. Neasombe mu nkuasa webe wa bumfumu.

1 Bakalenga 1:19

Kabidi, Adoniya mmulongolole tshibilu tshinene. Mu tshibilu atshi, mmulambule ngombe milume, nyama mikuabu ya manyi, ne mikoku ya bungi. Uvua mubikilemu bana bebe ba balume bonsu, mutuangaji Abiyatare, ne Yowabe, mfumu wa bena mvita. Kadi kavua mubikile muanebe Shelomu to.

1 Bakalenga 1:24

Natane kuambila mukalenga Davide ne: — Mukalenga wanyi, wewe ke udi muambe bua Adoniya kukupingana mu bukalenga, kusomba mu nkuasa webe wa bumfumu anyi?

1 Bakalenga 1:27

Nanku mukalenga wanyi, wewe mumane kusungula muntu udi mua kukupingana, kadi kuena mutumanyishe tuetu bena mudimu bebe badi bakuitaba ne muoyi umue bua tshinyi?

1 Bakalenga 1:5

Tshikondu atshi Adoniya, muana uvua Davide mulele ne mukajende Agite, uvua nsongalume muimpe mutambe. Adoniya kuakula bu mupinganyi wa mukalenga, wamba ne: “Meme nengikale mukalenga!” Bualu katshia Absalome wafua, Adoniya uvua mushale muanabute wa Davide. Uvua mumane kusumba matempu a mvita ne tubalu. Uvua kabidi ne bena mvita makumi atanu, bavua banyema lubilu kumpala kua matempu ende a mvita.

Bienzedi 3:17

Kadi, bana betu, ndi mumanye se: nuenu ne bamfumu benu, nudi benze bualu ebu, bualu kanuvua bamanye Yezu.