Zekâya 2:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Monai, nenkume tshianza tshianyi ha mutu habo, ne bobo nebikale bintu bia kuhaulabo kudi bakadi babakuatshila mudimu; nenumanye ne Yehowa wa misumba wakuntuma.

MUKANDA WA MYIDI MUKULU

⁹ Nenku, Maweja-Nangila udi wamba ne: “Meme mene nengikale mu tshimenga etshi, bu tshimana tshia kapia tshidi tshitshinyungulukila. Nensombemu ne butumbi buanyi buonsu.”

Zekâya 2:9 ပူးပေါင်းရင်းမြစ်များ

Yeshaya 10:32

Dituku edi mene neatule ku Nobo, neavunge mbala ku mukuna wa muana mukashi wa Siona, mukuna wa Yelushalema mene.

Yeshaya 11:15

Yehowa neakamishe diboko dia mai manene a mu Ejipitu tshishiki; neakuhe tshianza tshiandi ha mutu ha Musulu wa Pelata, ne luhehele luandi ludi lûmisha, nenutahulule mu tusulu muanda mutekete, neasabulehu bantu ne bisabata biabo kabiyi bibola.

Yeshaya 12:6

Bandisha dî diebe, ela mbila, wewe muena musoko wa Siona; bualu bua udi munene munkatshi muebe nyeye Wa Tshijila wa Isalele.

Yeshaya 13:2

Bisha dibendela ha mutu ha mukuna udi kauyi ne mitshi hamʼbidi hau, ubabikile ne dî dikole; kuha tshianza bua bantu babuele biabo mu bibuelelu bia bakokeshi banene.

Yeshaya 14:2

Ba mu bisamba bia ba bende nebabangate, nebabafile ku muaba wabo. Ba mu Bena Isalele nebadiangatshile bantu aba bu buhianyi buabo mu buloba bua Yehowa bua kuikalabo bahika babo balume ne bahika babo bakashi. Nunku nebabueshe bantu aba mu buhika bakadi bababuesha mu buhika diambedi, ne nebakokeshe ku mutu kua bakadi babakengesha.

Yeshaya 19:16

Mu dituku adi Bena Ejipitu nebikale bu bakashi. Nebazakale ne nebatshine bua kukuha kua tshianza tshia Yehowa wa misumba tshidiye ukuha ha mutu habo.

Yeshaya 26:1

Mu dituku adi nebimbe musambu eu mu buloba bua Yuda, bimba ne, Tudi ne musoko mukole; yeye neajadike luhandu bua kuikalalu ngumbu yau ne bibumba biau bikole.

Yeshaya 33:1

Mulau wikale kûdi, wewe udi ubutula, ne kabakubutula; udi mutungidianganyi wa tshitungu kadi kabena banze kukutungila wewe tshitungu. Hawamana kulekela kubutula bakuabo, nebakubutule wewe; hawamana kutungila bantu bakuabo tshitungu, nebakutungile wewe tshitungu.

Yeshaya 33:21

Kadi mu muaba wawa Yehowa neikale nʼetu mu butumbi, neikale nʼetu mu muaba wa misulu minene ne misulu mikese, kudi buatu buitshibue ne nkaya kabuyi buendahu, ne buatu bunene bulengele kabuena buhitaku.

Yeshaya 33:23

Mionshi ya buatu buebe yakusululuka; kayakamanya mua kujadika tshitaku tshia mutshi mu dihoka diau kudi kusuikaku tshilulu tshia kuendesha nʼatshi buatu, kayakamanya mua kutshibalulusha. Hashishe, bakuabanyangana bintu bia bungi biakunyengabo mu nvita; bantu balema bakuangata bintu biakanyengabo.

Yeshaya 4:5

Mu diba adi Yehowa neafuke ditutu didi ne muishi wa kahia mu munya, ne dinkenke dia kahia kadi katema butuku, bua kubiteka ha mutu ha muaba wonso wa mu Mukuna wa Siona udi bantu bashikamemu, ne ha mutu ha bitendelelu bidibo badisangishilamu. Bualu bua nebâdishe tshibuikidi ha mutu ha butumbi buonso.

Yeshaya 48:16

Semenai ha buihi nʼanyi, unvuai bualu ebu! Ku tshibangidilu tô ne mpindiu tshiakuamba dî mu busokoko; katshia ku tshikondo tshiakenjibuabu meme nakadiku; ne katataka Mukelenge Yehowa wakuntuma ne Nyuma wandi.

Yeshaya 60:18

Kabena bunvua diyoyo kabidi mu buloba buebe, kabena bunvua kubutuka anyi kuoneka ku matshika a buloba buebe; kadi neubikile ngumbu yebe ne, Luhandu, newidike bibi biebe ne, Butumbi.

Yeshaya 60:19

Diba kadiena dikala munya webe mu diba dia munya, ne ngondo kena ukutemena dinkenke; kadi Yehowa neikale munya wa tshiendelele kûdi, ne Nzambi webe neikale butumbi buebe.

Yirmeya 27:7

Ba mu bisamba bionso nebamukuatshile mudimu ne muanʼandi mulume, muana wa muanʼandi mulume, tô ne hakumbana tshikondo tshia buloba buandi bua kufuabu; hashishe ba mu bisamba bia bungi ne bakelenge banene nebamuvuishe biandi muhika wabo.

Yirmeya 28:9

Hamba muprofete dî bua ditalala, halua dî dia muprofete dilelela, nunku nebamanye bua muprofete eu ne, Yehowa udi mumutume bulelela.

Yirmeya 8:19

Unvuai! Dî dia muadi wa muana mukashi wa bantu banyi didi difuma ku buloba budi kule kutamba, diamba ne, Yehowa kena mu Siona, anyi? Mukelenge wandi kenamu, anyi? Bualu kai bakunkuatshika tshiji ku mpingu yabo misonga ne bintu bia hatuhu ya bantu ba bende?

Yezekiyele 39:10

Nunku kabena ne bua kudiangatshila nkunyi mu madimi abo, anyi kutaha mutshi mukuabo muitu bua kutshiaba nkunyi, bualu bua nebatemeshe kahia kabo ne bielelu abi bia nvita; nebahaule bantu aba bakabahaula, nebanyenge bintu bia bantu aba bakanyenga bintu biabo. Mukelenge Yehowa udi wamba dî edi!

Yowele 2:27

Nenumanye ne meme ndi munkatshi mua Bena Isalele, meme Yehowa, ndi Nzambi wenu, ne kakuena Nzambi mukuabo; bantu banyi kabena bafuishibua bundu kabidi kashidi.

Abakuke 2:17

Malu a tshimbambila awakuenzela Lebanona neakuandamukile, ne kubutula kua nyama nekukuatshishe buowa; bualu bua wakumatshisha mashi a bantu, ne bua malu a tshimbambila awakuenzela buloba, musoko ne bonso badi bashikamemu.

Abakuke 2:8

Bualu bua wewe wakuhaula bintu bia bisamba bia bungi, difuka dia bantu badi bashala nebahaule bintu biebe, bualu bua kumatshisha kuebe kua mashi a bantu, ne tshimbambila tshiebe kudi buloba ne misoko yabo, ne kudi bantu bonso badi bashikamemu.

Sefanya 2:9

Yehowa wa misumba, Nzambi wa Isalele mene, udi wamba ne, Bu mundi ne muoyo, Moaba neikale bu Sodoma, Bena Amona nebikale bu Amola, bu buloba bûle tente ne mpesa ne mena a luehu, bu tshihela tshia tshianana tshiendelele. Difuka dia bantu banyi nedibahaule, ba mu tshisamba tshianyi badi bashala ne muoyo nebabahiane.

Sefanya 3:15

Yehowa wakûmusha bilumbu biebe, wakuihata badi nʼebe lukuna; Mukelenge wa Isalele, Yehowa mene, udi munkatshi muenu; kuena umona makenga kabidi.

Zekâya 2:11

Bisamba bia bungi nebilamate Yehowa dituku adi, nebikale bantu banyi; ne meme nenshikame munkatshi muenu, ne wewe neumanye ne Yehowa wa misumba wakuntuma kûdi.

Zekâya 2:8

Udi ubisha tshianza tshiandi kudi Bena Isalele udi utu mu kamonyi ka disu dia Yehowa. Bua bualu ebu, Yehowa wa misumba, mumane kuntuma bua kumuhetela butumbi kudi ba mu bisamba bia bantu bakanuhaula, udi wamba ne,

Zekâya 4:9

Bianza bia Zelubabela biakujadika bishimikidi bia nsubu eu; bianza biandi nebimushikishe; hashishe, neumanye ne Yehowa wa misumba wakuntuma kûdi.

Zekâya 6:15

Bantu badi kule nebalue, nebenze mudimu wa kuasa ntempelo wa Yehowa, nenumanye ne, Yehowa wa misumba wakuntuma kunudi. Muanda eu neulue nunku, binuananukila kutumikila dî dia Yehowa Nzambi wenu.

Zekâya 9:15

Yehowa wa misumba neabalame, ne bobo nebatshimune, nebadiate badi bahela mabue; nebanue mashi abo, nebateke diyoyo bu badi bakuatshike nvinyo; nebukute bu malonga adi ne mashi a mulambu, bu matumba a tshioshelu.

Yowanane 13:19

Katataka ndi mbanga kunuambila bualu budi kabui buanze kulua, bua, haluabu, nuenu nuitabushe ne, Meme nyeye.

Yowanane 16:4

Nakunuambila malu â bua nuenu kuavuluka, halua diba diau ne, Nakumana kunuambilau. Tshiakanuambila malu â ku tshibangidilu, bualu bua nakadi nʼenu.