Zekâya 10:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Tshiji tshianyi tshidi kudi balami, nenkengeshe balombodi; bualu bua Yehowa wa misumba udi ulama mikoko yandi, Bena Yuda mene, neabavuishe bu kabalu kandi ka lumu mu nvita.

MUKANDA WA MYIDI MUKULU

³ “Balami ba bisamba bikuabu, badi balombola bantu banyi, babakengesha, ndi mubafikile munda; nembanyoke. Eyo, meme Maweja-Nangila wa bukole buonsu, ndi ngamba nanku. Meme nkayanyi nendame mikoku yanyi, tshisamba tshia bena Yuda. Nenye natshi mu mvita, bu kabalu kanyi kadi katshimuna.

Zekâya 10:3 ပူးပေါင်းရင်းမြစ်များ

Yobe 39:25

Misangu yonso idibo bela mpungi kadi kamba ne, Eyo, tuyai! Kadi kunyua muhuya wa nvita hatshidiku kule, kadi kunyua dî dikole dia tupitene ne mbila ya bena nvita.

Ekesode 4:31

Bantu bakitabusha ne hakunvuabo ne, Yehowa wakulua kudi Bena Isalele, wakumona dikenga diabo, bakinama mitu yabo, bakatendelela.

Nsumuinu 21:31

Badi basakila kabalu bintu bia nvita difuku dia kuluangana, kadi luhandu lulualua kudi Yehowa.

Musambu wa Solomo 1:9

Wanyi munanga, nakakuelekesha ne kabalu kadi kakoka dikalu dia Palô.

Yeshaya 10:12

Kadi halua Mukelenge kushikisha mudimu wandi wonso udiye wenzela mukuna wa Siona ne musoko wa Yelushalema, yeye neakengeshe bienzedi bia mu mutshima wa diambu wa mukelenge wa Ashû, neuhuekeshe butumbi bua kudilesha kuandi.

Yeshaya 24:21

Mu dituku adi Yehowa neakengeshe tshisumbu tshia bakokeshi ba mu diulu ne bakelenge ba hanshi ha buloba.

Yirmeya 10:21

Bualu bua balami bonso bakuandamuka bahote, kabakulomba lungenyi kudi Yehowa; nunku kabakuheta diakalengele, ne bisumbu bionso bia bimuna biabo biakutangadika.

Yirmeya 11:22

Nunku Yehowa wa misumba udi wamba ne, Mona, nembakengeshe; bansongalume babo nebafue ku miele ya nvita, bana babo balume ne bana babo bakashi nebafue ku tshiole.

Yirmeya 25:12

Yehowa udi wamba ne, Hashishe, hakumbana bidimu ebi makumi muanda mutekete, nenkengeshe mukelenge wa Babulona ne tshisamba atshi bualu bua bubi buabo, ne buloba bua Bena Kasada; nembuvuishe bu tshikulu tô ne tshiendelele.

Yirmeya 25:34

Nuenu, balami ba mikoko, asai miadi, nudile; nuenu, bakokeshi ba tshisumbu tshia mikoko, nudibonde mu butue bua kahia; bualu bua matuku a kunushiha ne a kunutangadisha akumana kulua, ne nenufue bu mudibo bashiha mulondo wa mushinga mukole.

Yirmeya 50:6

Bantu banyi bakadi bu mikoko mijimine, balami babo bakubahambuisha mu nshila, bakubalekelela bua kuendakanabo hatuhu ha mikuna; bakuendakana ku mukuna munene tô ne ku mukuna mukese; bakuhua muaba wa tshikishilu tshiabo muoyo.

Yezekiyele 34:11

Bualu bua Mukelenge Yehowa udi wamba ne, Monai, meme, meme nkayanyi nendonde mikoko yanyi, nenyikebe.

Yezekiyele 34:12

Bu mudi mulami wa mikoko ukeba tshisumbu tshia mikoko yandi mu dituku didiyi mitangadishibue, nunku nenkebe mikoko yanyi; nenyisungile ku miaba kudiyi mitangadishibue mu dituku dia matutu ne dia mîdima mikole.

Yezekiyele 34:2

Muana wa muntu, diula balami ba mikoko ba Bena Isalele, amba mei a buprofete, ubambile bobo, balami aba ba mikoko mene, ne, Mukelenge Yehowa udi wamba ne, Mulau wikale kudi balami ba mikoko ba Bena Isalele, badi badidisha! Balami kabakadi kudisha mikoko, anyi?

Danyele 11:32

Bua milayi yandi ya lubombo ne mashimi neanyange bantu aba badi bahidia tshihungidi; kadi bantu badi bamanye Nzambi wabo nebatantamane, nebenze malu makole.

Sefanya 1:8

Mu dituku didibo bafila mulambu wa Yehowa nenkengeshe bakokeshi ne bana ba mukelenge, ne bonso bakuabo badi baluata bivualu bia bantu ba bende.

Sefanya 2:7

Buloba budi ku muelelu wa mai manene nebuikale bua difuka dia Bena Yuda. Nebadishilemu mikoko yabo. Butuku nebalale mu nsubu ya mu Ashekelona. Bualu bua Yehowa Nzambi wabo neahingane kudibo, neabumushe mu buhika bua kubaha diakalengele.

Zekâya 11:17

Mulau wikale kudi mulami wa tshianana, udi ushiya mikoko! Muele wa nvita utahe diboko diandi ne disu diandi dia ku tshianza tshia balume! Diboko diandi difube, ne disu diandi dia ku tshianza tshia balume difue tshiendelele!

Luke 1:68

Batumbishe Mukelenge, Nzambi wa Isalele, Bua yeye wakulua kutangila bantu bandi, wakubahidia,

1 Petro 2:12

nuikale ne bienzedi bienu bimpe munkatshi mua bisamba bia bende, bualu bua, mu mianda idibo banusonguela nuenu bu benji ba malu mabi, bobo batumbishe Nzambi mu dituku dialueye, bua midimu yenu mimpe idibo bamona.

Rute 1:6

Hashishe yeye wakabika ne ba mamuenʼandi bua kumukeye mu buloba bua Moaba, bualu bua yeye wakamana kunvua lumu mu buloba bua Moaba ne, Yehowa wakashala kuhingana kudi bantu bandi bua kubaheye bia kudia kabidi.