Yowele 2:31 - Mukanda wa Nzambi Dihungila Dikulukulu ne Dihungila Dihia-dihia 2003

³¹ Diba nedikudimuke midima ne ngondo neakudimuke mashi, diambedi dituku adi dinene dia Yehowa, didi dikuatshisha bantu buowa, kadiyi dianze kulua.

Yowele 2:31 ပူးပေါင်းရင်းမြစ်များ

Yirmeya 4:28

Bua bualu ebu ba ha buloba nebase miadi, diulu nedikale difike; bualu bua nakuamba bualu ebu, nakubuhangidisha, ne tshiakukudimuna mutshima wanyi bua bualu ebu, tshiena akudimuka kabidi.

Yezekiyele 32:7

Hanakujimisha, neabuikile diulu, nenkudimune mitoto ilue midima; nembuikile diba ne ditutu, ne ngondo kena ukenka.

Yowele 2:1

Elai mpungi mu Siona, elai mbila mu mukuna wanyi wa tshijila! Bena buloba ebu bonso bazakale; bualu bua dituku dia Yehowa didi diamba kulua, didi ha buihi!

Yowele 2:10

Buloba budi buzakala ku mpala kuai; diulu didi dikanka; ngondo ne diba bidi bilua mîdima, ne mitoto idi ikanda dinkenke diai.

Yowele 2:11

Yehowa udi wela dî dikole ku mpala kua masalayi andi; bualu bua tshisumbu tshiandi tshia masalayi tshidi tshinene, bualu bua muenji wa dî diandi udi ne bukole. Bualu bua dituku dia Yehowa didi dinene, didi dikuatshisha bantu buowa bukole; nganyi washindama ku mpala kuadi?

Yowele 2:2

Ndituku dia mîdima ne dia mufitu, ndituku dia matutu ne dia mîdima mikole. Bu mudi kabundubundu ka lunkelu katshila ha mutu ha mikuna, bantu aba banene ne bakole badi nunku. Kakuena kuanji kuikala bakuabo bu bobo diambedi; kakuena kuikala bakuabo bu bobo ku nyima kuabo, tô ne ku bidimu bia mulongo ne mulongo.

Yowele 3:1

Monai, mu matuku au ne mu tshikondo atshi, hangumusha Bena Yuda ne Bena Yelushalema mu buhika bua kubaha diakalengele,

Yowele 3:15

Diba ne ngondo biakuandamuka mîdima, mitoto kayena ikenka.

Zekâya 14:6

Mu dituku adi munya kawena utema bikole, ne mufitu kawena wikalaku;

Malaki 4:1

Yehowa wa misumba udi wamba ne, Monai, dituku nedilue didi diosha bu kahia ka mu tshikutu, ne bonso badi badisue ne benji ba malu mabi honso nebikale bu bisonsa; ne dituku adi didi dilua nedibashidishe, kadiena dibashila nansha muji nansha ditamba.

Malaki 4:5

Monai, nennutumine Eliya muprofete diambedi dituku dia Yehowa kadiyi dianji kulua, dituku adi dinene ne didi dikuatshisha bantu buowa.

Matayi 24:29

Hashika dikenga dia matuku au, diba nedifikuluke, ngondo kena ukenka, mitoto neituke mûlu, neihone, nebanyukule bukole buakadi buendesha bintu ebi mu diulu;

Matayi 27:45

Mîdima yakadi ha buloba buonso munda munya tô ne diba ha isatu.

Luke 21:25

Bimanyinu nebikale mu diba ne mu ngondo ne mu mitoto; ha buloba nehikale dikenga dikole dia bantu, nebatshine tshiona tshinene tshia mai manene ne tshia mavuala;

Bienzedi 2:20

Diba nedikudimunyibue midima, Ne ngondo mashi, Diambedi dituku dia Mukelenge kadî dianze kulua, Adi ndituku dinene dia kukema.

Didimanyisha 8:12

Muanjelo muinai wakela mpungi, ne tshituha tshisatu tshia diba tshiakakuambila, ne tshituha tshisatu tshia ngondo, ne tshituha tshisatu tshia mitoto; bua tshituha tshiabi tshisatu tshikale midima, ne bua munya wa dituku kautemi bu tshituha tshiadi tshisatu, ne butuku muomumue.