Yowele 1:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Mulambu wa bia kudia ne mulambu wa bia kunua yakushika, kayena mu nsubu wa Yehowa kabidi. Bakuidi, bena mudimu ba Nzambi, badi basa muadi.

MUKANDA WA MYIDI MUKULU

⁹ Batuangaji badi benzela Maweja-Nangila mudimu, badi badila, bualu bantu kabatshiena bafika mu nzubu wa Mvidi Mukulu, ne milambu ya ntete, nansha ya maluvu.

Yowele 1:9 ပူးပေါင်းရင်းမြစ်များ

2 Kulondolola 13:10

Kadi bua tuetu, Yehowa udi Nzambi wetu, katuakamulekela; tudi ne bakuidi, bana ba Alona, ne Bena Lewi badi bakuatshila Yehowa mudimu;

Ekesode 28:1

Ubikile Alona mukuluʼebe kûdi, ne bana bandi balume balue nʼandi ba munkatshi mua Bena Isalele, yeye ankuatshile mudimu wa buakuidi, Alona mene ne Nadaba ne Abihu, Eleazâ ne Itamâ, bana balume ba Alona.

Yeshaya 61:6

Kadi nuenu nenubikidibue ne, Bakuidi ba Yehowa; bantu nebanuidike dina ne, Bi kuatshi ba mudimu wa Nzambi wetu. Nenudie biuma bia bisamba bia bantu, ne nenuditumbishe mu butumbi buabo.

Muadi 1:16

Bua malu â onso udi ndila; binsonshi bidi bihatuka ku mesu kuanyi; bualu bua musambi udi mua kukankamisha mutshima wanyi udi nʼanyi kule; bana banyi badi ne kanyinganyinga, bualu bua bena lukuna bakutamba bukole.

Muadi 1:4

Nshila ya ku Siona idi idila muadi, bualu bua kakuena badi bendelamu bua kuya ku masanka a tshijila a Yehowa; bibuelelu biandi bidi bishala hatuhu; bakuidi bandi badi batua mikemu. Mishikankunde yandi yakukengeshibua, ne yeye muine wakushala mu kanyinganyinga.

Osheya 9:4

Kabena bahongoluela Yehowa milambu ya nvinyo, ne milambu yabo ne nyama mimushihula kayena imusankisha kabidi. Bia kudia biabo nebikale bu bia kudia bia bena madilu, bualu bua bonso badi babidia nebabihe. Bualu bua bia kudia biabo bidi biabo nkayabo; kabiena mua kubuela mu nsubu wa Yehowa.

Yowele 1:13

Luatai bilulu bikayabala, asai muadi, nuenu bakuidi, asai muadi, nuenu bakuatshi ba mudimu wa tshioshelu; luai bienu, lalai baluate bilulu bikayabala bufuku bujima, nuenu badi bakuatshila Nzambi wanyi mudimu! Bualu bua mulambu wa bia kudia ne mulambu wa bia kunua yakûmushibua mu nsubu wa Nzambi wenu.

Yowele 1:16

Bia kudia kabiena biumushibue ku mesu kuetu, anyi? Disanka ne musangelu kabiena biumushibue mu nsubu wa Nzambi wetu, anyi?

Yowele 2:14

Nganyi udi mumanye ne kena ukudimuna mutshima wandi, kena uhanga kunushila disanka, disanka mene dia mulambu wa bia kudia ne mulambu wa bia kunua bia Yehowa Nzambi wenu?

Yowele 2:17

Bakuidi, bakuatshi ba mudimu wa Yehowa, badidile muadi hankatshi ha mbalanda wa ntempelo ne tshioshelu; bambe biabo ne, Sungila bantu bebe, Yehowa, kufidi buhianyi buebe kudi bahendianganyi bua babahende, bua ba munkatshi mua bisamba bia bantu babaseke. Munyi muambilanganabo munkatshi mua bantu ne, Nzambi wabo udi nʼanyi?