Yowanane 7:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Ba ha buloba kabena bamanye mua kuikala nʼenu lukuna; kadi badi nʼanyi lukuna, bualu bua ndi mbamba ne, Malu adibo benza nmabi.

MUKANDA WA MYIDI MUKULU

⁷ Ba pa buloba kabena mua kunukina. Kadi badi bankina meme, bualu ndi njadika ne: midimu idibu bakuata mmibi.

Yowanane 7:7 ပူးပေါင်းရင်းမြစ်များ

1 Bakalenga 21:20

Ahaba wakakonka Eliya ne, Wewe, muena lukuna wanyi, wakusangana, anyi? Yeye wakamukudimuna ne, Nakukusangana bualu bua wewe wakadihanyisha bua kuenza malu mabi ku mesu kua Yehowa.

1 Bakalenga 22:8

Mukelenge wa Isalele wakambila Yehoshafata ne, Muntu mukuabo udiku utudi mua kuebesha Yehowa mukana muandi, dina diandi Mikaya, muana wa Yimela; kadi ndi nʼandi tshiji bualu bua yeye katu wangambila malu mimpe, utu wangambila anu malu mabi, Yehoshafata wakamba ne, Mukelenge kambi nunku nansha.

Misambu 109:5

Bakumpingashila malu mabi ku malu mimpe kabidi, ne lukuna bu difutu bua dinanga dianyi.

Nsumuinu 15:12

Mubuidi kena musue bantu bamubele; kena uya kudi bena meji nansha.

Nsumuinu 8:36

Kadi wahanga kunsangana udi wenzela muoyo wandi bibi; bonso badi bankina badi bananga lufu.

Yeshaya 29:21

Badi bavuisha muntu bu muhishibu mu tshilumbu ku dî diabo dia mashimi, badi belela muntu buteyi udi ubela bantu babi ku tshilumbuluidi tshia ku tshibuelelu tshia musoko, badi basesuisha kubinga kua muntu mubinge mu tshilumbu anu bua bualu bua tshianana.

Yeshaya 49:7

Yehowa, Muhikudi wa Isalele ne Wa Tshijila wandi, udi wambila muntu udibo bahetula kudi bantu, udibo bakenuka kudi bantu, udi muhika wa bakokeshi babi, ne, Bakelenge nebamone butumbi buebe, nebajuke; bana ba bakelenge nebajuke kabidi, nebakukukuile hanshi; bualu bua Yehowa utudi mua kueyemena, Wa Tshijila wa Isalele, wakukusungula.

Yirmeya 20:8

Misangu yonso hanakeba kuamba dî, ndi ndila bianyi, ndi ndila ne, Nvita ne kubutuka; bualu bua dî dia Yehowa diakulua kundi bu tshintu tshia kuhendabo ne tshia kusekabo dituku dijima.

Lewitiki 13:10

muakuidi neatangile, ne bikala tshima tshitoke tô mu dikoba, ne bikala miosa miandamuke mitoke tô, ne bikala munyinyi mubishe mu tshima,

Zekâya 11:8

Nakashiha balami basatu mu ngondo umue bualu bua mutshima wanyi wakabanga kuikala nʼabo lutulu, ne mitshima yabo yakandengulula.

Malaki 3:5

Yehowa wa misumba udi wamba ne, Nensemene ba buihi nʼenu bua kulumbulula bilumbu bienu; nengikale mumonyi udi utuisha batempeshi ba mbuku ne bena masandi lubilu, bantu badi baditshiha ne mitshihu ya mashimi, badi bakengesha muena mudimu hadibo bamufuta difutu diandi ne mukashi wa mu lufuila ne muanʼa nshiya, bantu badi bakengesha muntu wa tshisamba tshia bende ne badi kabayi bantshina mene.

Luke 6:26

Nuenu badi batumbisha kudi bantu bonso, mulau ulualua kunudi, bualu bua bankambua babo bakenzela baprofete bakadi ne mashimi nunku kabidi!

Yowanane 17:14

Nakubaha dî diebe, ba ha buloba badi nʼabo lukuna, bualu bua bobo kabena ba ha buloba, bu mundi meme tshî wa ba buloba.

Yowanane 3:19

Etshi ntshilumbu tshia bantu ne, Munya wakalua ha buloba, kadi bantu bakasua midima, kabakasua munya, bua bienzedi biabo biakadi bibi.

Rome 8:7

Bua meshi mateka ku malu a mubidi adi ne Nzambi lukuna, kêna manze kudihuekesha munshi mua mikenshi ya Nzambi; bualu bukuabo kabidi, kêna ne bukole bua kuenza nunku.

Ngalate 4:16

Nunku nakulua muena lukuna wenu bualu bua ndi nuambila bualu bulelela, anyi?

Yakobe 4:4

Nuenu, bena masandi. Kanuena bamanye ne, Bulunda bua malu a ha buloba budi ne Nzambi lukuna, anyi? Nunku muntu yonso wasua kuikala mulunda wa malu a ha buloba, udi udivuisha nmona lukuna kudi Nzambi.

1 Yone 4:5

Bobo badi ba ku buloba; bua bualu ebu badi bakula bu ba ku buloba, ne ba ha buloba badi babunvuila.