Yowanane 5:30 - Mukanda wa Nzambi Dihungila Dikulukulu ne Dihungila Dihia-dihia 2003

³⁰ Meme nkayanyi tshiena mumanye mua kuenza bualu; ndi ndumbulula bu mundi ngunvua; ndi ndumbulula biakane, bua tshiena nkeba kuenza bu mundi musue, ndi nkeba kuenza bu mudi wakuntuma musue.

MUKANDA WA MYIDI MUKULU

³⁰ — Tshiena mua kudienzela bualu nansha bumue to. Ndi nkosa nsambu bilondeshile bidi Mvidi Mukulu ungambila. Ndi nkosa nsambu pa yoyi, bualu tshiena nkeba kuenza tshindi musue, kadi amu tshidi uvua muntume musue.

Yowanane 5:30 ပူးပေါင်းရင်းမြစ်များ

Genese 18:25

Bualu ebu kabuikadi kudi bua wewe kuenza nunku bua kushiha bantu bakane ne bantu babi hohamue, biwenza nunku bantu bakane nebikale muomumue ne bantu babi, bualu ebu kabuikadi kûdi, Mulumbuluishi wa buloba buonso katu wenza bimpe, anyi?

Misambu 96:13

ku mpala kua Yehowa, bualu bua yeye udi ulua, bua udi ulua bua kulumbuluisheye ba ha buloba. Nealumbuluishe ba ha buloba bu mudi buakane buandi, nealumbuluishe bukua bantu bu mudi lulamatu luandi lua bushuwa.

Yeshaya 28:6

Neikale nyuma wa kulumbulula kuakane kudi muntu udi mushikame mu tshilumbuluidi, neikale bukole kudi bantu badi bihata bena nvita badi bafika ku tshibuelelu tshia musoko.

Sefanya 3:15

Yehowa wakûmusha bilumbu biebe, wakuihata badi nʼebe lukuna; Mukelenge wa Isalele, Yehowa mene, udi munkatshi muenu; kuena umona makenga kabidi.

Matayi 26:39

Wakaya biandi ku mpala tshituha, wakatua mpala hanshi, wakatendelela Nzambi, wakamba ne, Tatu wanyi, biwamanya mua kuenza nunku, luhanza elu lûmuke kundi; kadi bualu buenjibua bu mûdi musue, kabuenjibu bu mundi musue,

Yowanane 14:10

Kuena witabusha ne, Meme ndi munda mua Tatu, Tatu udi munda muanyi, anyi? Tshiena ndiambila mei andi nuambila; Tatu udi muikale munda muanyi utu wenza malu andi.

Yowanane 17:4

Nakukutumbisha ha buloba, nakushikisha mudimu uwakumpa.

Yowanane 18:11

Yesu wakambila Petelo ne, Hingasha muele webe mu luhaha; tshiena nua luhanza luakumpa Tatu, anyi?

Yowanane 4:34

Yesu wakabambila ne, Bidia bianyi bidi kuenza bu mudi wakuntuma musue ne kushikisha mudimu wandi.

Yowanane 5:19

Yesu wakabakudimuna dî ne, Bulelela, bulelela, ndi nuambila ne, Muana kena mumanye mua kudienzela bualu, utu wenza anu budiye umona Tatu wandi wenza; malu onso adi Tatu wenza Muana utu wênza muomumue.

Yowanane 6:38

Tshiakufika mu diulu bua kuenza bu mundi musue, anu bu mudi wakuntuma musue.

Yowanane 8:28

Yesu wakamba ne, Hanuabisha Muana wa muntu, nenumanye ne, Meme nyeye, ne tshitu ngadienzela bualu, kadi ntu ngamba anu malu akunyisha Tatu.

Yowanane 8:42

Yesu wakabambila ne, Bu Nzambi muikale Tatu wenu, nuakadi kunsua meme; bualu bua nakufuma kudi Nzambi, ndi mulueku; tshiakudivuila, kadi yeye wakuntuma.

Yowanane 8:50

Kadi meme tshiena nkeba butumbi buanyi; wabukeba udihu, yeye nealumbuluishe bantu.

Rome 15:3

Bua Kilisto kabidi kakadisankisha, kadi bu muakafundabo ne, Bihendu bia bakadi bakuhenda, biakahona hamʼbidi hanyi.

Rome 2:2

Tudi bamanye ne, Dilumbulula dia Nzambi didiye ulumbuluisha nʼadi batu benza malu a nunku didi dia bushua.

Rome 2:5

Bualu bua tshitshu tshiebe ne mutshima webe wa buhidia, wewe udi udibutshila tshishi tô ne ku dituku dia tshishi ne dia dibuluibua dia kulumbulula kuakane kua Nzambi.