Yowanane 5:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bualu bua Tatu udi musue Muana, udi umulesha malu onso atshidiye wenza; yeye neamuleshe malu a kukema matambe â, bua nuenu kukema.

MUKANDA WA MYIDI MUKULU

²⁰ Bualu Tatu udi munange Muana, unuleja bionsu bidiye wenza. Neamuleje malu a kuenza mapite aa bunene. Malu awu neanukemeshe.

Yowanane 5:20 ပူးပေါင်းရင်းမြစ်များ

Matayi 11:27

Tatu wanyi wakafila bintu bionso mu bianza bianyi; kakuena muntu udi mumanye Muana, anu Tatu; kakuena muntu udi mumanye Tatu, anu Muana ne udi Muana musue kulesha Tatu.

Matayi 17:5

Hakatshidiye wamba nunku, monai, ditutu diengelela diakababuikila; dî diakaluhuka mu ditutu ne, Eu udi Muanʼanyi munanga, yeye udi unsankisha bimpe, munvuilai.

Matayi 3:17

ne unvuai, dî diakafuma mu diulu ne, Eu udi Muana wanyi munanga, yeye udi unsankisha bimpe.

Matayi 4:8

Diabolo kabidi wakaya nʼandi ku mutu kua mukuna wakadi mule be, wakamulesha makelenge onso a ha buloba ne butumbi buau;

Luke 10:22

Tatu wanyi wakufila bintu bionso mu bianza bianyi; kakuena muntu udi mumanye Muana, anu Tatu; kakuena muntu udi mumanye Tatu, anu Muana ne udi Muana musue kulesha Tatu.

Yowanane 1:18

Kakuena muntu wakuanza kutangila Nzambi; Muana umuehele mulela udi mu tshiadi tshia Tatu, yeye wakamuamba.

Yowanane 10:32

Yesu wakabandamuna ne, Nakunulesha malu mimpe a bungi a Tatu anakuenza, nudi nungelela mabue bua muanda kai unakuenza?

Yowanane 14:12

Bulelela, bulelela, ndi nuambila ne, Wangitabusha nenze biandi kabidi malu antshidi ngenza; nenze biandi malu adi mahite andi ngenza, bualu bua meme ndi nya kudi Tatu.

Yowanane 15:15

Tshiena nubikila kabidi bahika; bualu bua muhika kena mumanye budi mukelenge wandi wenza; kadi nakunubikila balunda; bualu bua nakunumanyisha malu onso anakunvua kudi Tatu wanyi.

Yowanane 17:26

nakubamanyisha dina diebe, nembamanyishedi kabidi, bua dinanga diwakunnanga nʼadi meme kuikaladi munda muabo, ne meme munda muabo.

Yowanane 3:35

Tatu udi musue Muana wandi, wakafila bintu bionso mu bianza biandi.

Yowanane 5:21

Bu mudi Tatu ubisha bafue, ubaha muoyo; nunku kabidi Muana udi uha badiye musue muoyo.

Yowanane 5:25

Bulelela, bulelela, ndi nuambila ne, Diba nedilue, didiku katataka mene, diunvua bafue dî dia Muana wa Nzambi; badi bunvua nebikale ne muoyo.

Yowanane 5:29

nebajuke; bakenzenza bimpe nebajuke mu dibika dia muoyo, bakenzenza bibi nebajuke mu dibika dia dihila.

2 Petro 1:17

Bualu bua yeye wakangata buneme ne butumbi kudi Nzambi Tatu hakalua dî dia nunku kudiye munkatshi mua Butumbi bua Buneme ne, Eu udi Muana wanyi munanga, disanka dianyi dionso didi kudiye;