Yowanane 4:36 - Mukanda wa Nzambi Dihungila Dikulukulu ne Dihungila Dihia-dihia 2003

³⁶ Udi unowa udi wangata difutu, udi usangisha bintu bia ku muoyo wa tshiendelele; bua mukunyi ne munowi basanke hohamue.

MUKANDA WA MYIDI MUKULU

³⁶ Muntu udi unowa ukadi upeta diende difutu. Udi usangisha ntete bua muoyi wa tshiendelele. Nanku udi ukuna ne udi unowa badi basanka popamue.

Yowanane 4:36 ပူးပေါင်းရင်းမြစ်များ

Nsumuinu 11:18

Muntu mubi udi wangata difutu didi dimudinga, kadi udi ukuna buakane udi uheta difutu dia bushuwa.

Nsumuinu 11:30

Mamuma adi muntu muakane akuama adi mutshi wa muoyo, udi ubandisha mioyo ya bakuabo udi ne meji.

Danyele 12:3

Badi ne meji nebakenke bu bintu bia mu diulu, ne badi balombola bantu ba bungi ku buakane nebakenke bu mitoto kashidi ne kashidi.

Matayi 19:29

Muntu yonso wakushia nsubu yandi, anyi bana babo balume anyi bana babo bakashi, anyi tatuʼandi, anyi baba wandi, anyi bana bandi, anyi madimi andi, bualu bua dina dianyi yeye neahete masanka misangu lukama matambe a diambedi, neahiane muoyo wa tshiendelele kabidi.

Yowanane 3:36

Udi witabusha Muana udi ne muoyo wa tshiendelele; kadi udi uhidia Muana kena umona muoyo, tshishi tshia Nzambi tshidi tshishala ngandi.

Yowanane 4:14

kadi wanua mai anamuha kena wikala ne nyota kabidi tshiendelele; mai anamuha neikale munda muandi bu mushimi wa mai abanda mu muoyo wa tshiendelele.

Yowanane 5:24

Bulelela, bulelela, ndi nuambila ne, Unvua dî dianyi, witabusha wakuntuma, udi ne muoyo wa tshiendelele, kena ulua ku tshilumbu, wakumuka mu lufu, wakubuela mu muoyo.

Rome 1:13

Bana betu, tshiena musue nuhange kumanya ne, Misangu ya bungi nakadisunguila bua kulua kunudi (ne nakuhumbishibua tô ne katataka), bua meme kuangata mamuma munkatshi muenu kabidi bu munakuângata munkatshi mua bisamba bikuabo bia bende.

Rome 2:7

Badi bakeba butumbi ne buneme ne malu adi kâl manyanguka, ku dinanukila diabo mu mudimu muimpe, neabafute muoyo wa tshiendelele.

Rome 6:22

Kadi katataka hanuakahikudibua ku bubi, ne hanuakavuishibua bahika ba Nzambi, nudi ne mamuma enu a ku dijidila dienu, kunshikidilu kua malu au mmuoyo wa tshiendelele.

Rome 6:23

Bualu bua difutu dia bubi ndufu, kadi diha dia luse dia Nzambi mmuoyo wa tshiendelele mu Kilisto Yesu Mukelenge wetu.

1 Korente 9:17

Bua bingenza nunku bua kudisunguila kuanyi, ndi ne difutu; kadi bingikala tshî ngenza nunku bua kudisunguila kuanyi, ndi ne bulami butekibue mu bianza bianyi.

1 Korente 9:18

Nunku difutu dianyi didi tshinyi? Didi nunku; ne, Bua hangambila bantu lumu luimpe, ndi mua kuyuisha lumu luimpe kalui bua mushinga kudibo, bua meme tshienzeshi bantu ne bukokeshi buanyi buonso bua mu lumu luimpe.

1 Tesalonike 2:19

Bua ditekemena dietu didi tshinyi, anyi disanka dietu, anyi tshifulu tshia butumbi? Kabiena nuenu nkayenu, anyi, ku mpala kua Mukelenge wetu Yesu ku dilua diandi?

1 Timote 4:16

Wikale mudimuke ku malu ebe ne ku diyisha diebe. Unanukile kushala mu malu â; bua bawenza nunku, neudisungile wewe ne bobo kabidi badi bunvue mei ebe.