Yowanane 3:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Luhehele ludi luheha kudilu lusue, wewe udi unvua tshiona tshialu, kadi kuena mumanye kudilu lufuma ne kudilu luya; muntu yonso udi muledibue kudi Nyuma udi nunku.

MUKANDA WA MYIDI MUKULU

⁸ Lupepele ludi lutuuta kudilu lusue. Udi umvua tshiona tshialu. Kadi kuena mumanye kudilu lufuma, nansha kudilu luya. Ke mudibi bienzekela muntu yonsu udibu balela kudi Mueyelu wa Tshijila.

Yowanane 3:8 ပူးပေါင်းရင်းမြစ်များ

Misambu 107:25

Bualu bua wakela mukenji, wakahehesha tshihehele tshiakadi bu tshihuhu, tshiakabandisha mavuala a mu mai manene.

Misambu 107:29

Wakaholesha tshihuhu bua tshituye biatshi, mavuala a mai manene akabatama.

Misambu 135:7

Yeye udi ubandisha dibungi ku matengu a buloba, udi wenzela nvula miele ya nvula, udi uhatula luhehele mu bibutshilu biandi.

Muambi 1:6

Luhehele ludi luya ku Sude, ludi luhingana ku nôde; lufu luanyunguluka bua kuhingana kabidi ku muaba wakafumalu.

Yezekiyele 37:9

Hashishe yeye wakangambila ne, Ela di diebe dia buprofete kudi luhehele; ela dî diebe, wewe muana wa muntu, ambila luhehele ne, Mukelenge Yehowa udi wamba ne, Lua ku mpehele inai, wewe muhuya, buela munda mua bantu aba bashihibue bua bobo bikale ne muoyo.

Yowanane 1:13

bakadi kabai baledibue kudi mashi, anyi kudi disua dia mubidi, anyi kudi disungula dia muntu, kadi bakaledibua kudi Nzambi.

Yowanane 3:7

Kukemi bua dî dinakukuambila ne, Bunudi nʼabu mbua kuledibua tshiakabidi.

Yowanane 3:9

Nikodemo wakamuebesha ne, Malu â adi mamanye mua kuikala nunku munyi?

Bienzedi 2:2

Tshiona tshiakafuma lubilu mulu bu tshihehele tshikole tshihita, tshiakûsha mu nsubu muonso muakadibo bashikame tente.

Bienzedi 4:31

Hakatendelelabo Nzambi nunku, muaba wakadibo badisangisha wakakankishibua; buonso buabo bakadi bûle tente ne Nyuma Muimpe, bakamba dî dia Nzambi ne dikima.

1 Korente 12:11

kadi Nyuma umue muomumue udi wenzesha malu â onso, udi utahuluila muntu ne muntu tshihedi tshiandi bu mudiye musue.

1 Korente 2:11

Bualu bua munkatshi mua bantu nganyi udi mumanye malu a muntu? Anu nyuma wa muntu udi munda muandi udi muamanye. Nunku kakuena mukuabo udi mumanye malu a Nzambi, anu Nyuma wa Nzambi udi muamanye.

1 Yone 2:29

Binuamanya ne, Yeye udi muakane, nudi bamanye ne, Muntu yonso kabidi utu wenza malu makane wakuledibua kudiye.