Yowanane 3:34 - Mukanda wa Nzambi Dihungila Dikulukulu ne Dihungila Dihia-dihia 2003

³⁴ Udi mutuma kudi Nzambi udi wamba mei a Nzambi; bualu bua yeye kena umulobela Nyuma.

MUKANDA WA MYIDI MUKULU

³⁴ Uvua Mvidi Mukulu mutume udi wamba miaku ya Mvidi Mukulu. Bualu Mvidi Mukulu udi mumupeshe Mueyelu wende wa Tshijila kayi upima.

Yowanane 3:34 ပူးပေါင်းရင်းမြစ်များ

2 Bakalenga 2:9

Hakasabukabo, Eliya wakambila Elisha ne, Ulombe tshindi mua kukuenzela diambedi tshiyi muanze kubandishibua kudi Elisha wakamuambila ne, Ndi nkusengelela ne, Witabushe bua bituha bibidi bia nyuma webe bikale kundi.

Misambu 45:7

Udi unanga malu makane ne udi ne malu mabi lukuna. Bua bualu ebu Nzambi, Nzambi webe mene, wakukuna manyi a disanka ha mutu hebe ne diela dia manyi ditamba diakeleye bakuebe.

Yeshaya 59:21

Yehowa udi wamba ne, Bu mundi ngamba, etshi ntshihungidi tshindi mpunga nʼabo: Nyuma wanyi udi hamʼbidi hebe, ne mei anakuteka mukana muebe, kabiena biumuka mukana muebe, anyi mukana mua bana bebe baledibue, anyi mukana mua bikulu bebe, ku dituku edi to ne tshiendelele. Yehowa udi wamba nunku.

Lewitiki 7:35

Etshi ntshintu tshia tshijila tshia Alona ne tshia bana bandi balume munkatshi mua milambu ya Yehowa idibo bosha ha kahia mu dituku diakabasunguleye bua kuenzelabo Yehowa mudimu wa buakuidi,

Dibadika 11:25

Yehowa wakahueka mu dî ditu, wakasomba nʼandi, wakangata tshituha tshia Nyuma wakadiye nʼandi, wakamuteka kudi bakulu makumi muanda mutekete, hashishe hakalua. Nyuma kudibo, bakamba dî dia Nzambi, kadi kabakenza kabidi musangu mukuabo.

Matayi 12:18

Tangila, muntu wanyi unakusungula; Wanyi munanga udi usankisha mutshima wanyi; Nenteke Nyuma wanyi hamʼbidi handi; Yeye neambile bisamba bia bende malu mimpe.

Luke 4:18

Nyuma wa Nzambi udi hamʼbidi hanyi, Bualu bua yeye wakangela manyi ha mutu ne, Ambila bantu bahele lumu luimpe; Yeye wakuntuma ne, Ambila bena lukanu bualu bua dikohoka diabo, Ne bafofo bualu bua kutabasha kua mesu abo, Uhe badi batata budishikaminyi,

Yowanane 1:16

Buonso buetu tuakuangata tshiuwidi tshiandi, ne ngasa ha mutu ha ngasa.

Yowanane 15:26

Kadi halua Musambi unanutumina, Nyuma wa bulelela mene mene, wafuma kudi Tatu, yeye neangambe;

Yowanane 16:7

Kadi ndi nuambila bulelela ne, Meme muye mbimpe bienu; bingikala tshî nya, Musambi kena ulua kunudi; kadi binaya, nenutumineye.

Yowanane 3:17

Nzambi kakatuma Muana wandi ha buloba bua kulumbuluisha ba ha buloba, kadi bua ba ha buloba basungidibue kudiye.

Yowanane 5:26

Bu mudi Tatu ne muoyo munda muandi, nunku yeye wakaha Muana kabidi bua kuikaleye ne muoyo munda muandi;

Yowanane 7:16

Yesu wakabakudimuna dî ne, Diyisha dianyi kandianyi, ndia udi muntume.

Yowanane 8:40

Kadi katataka nudi nukeba mua kunshiha, meme muntu wakunuambila bualu bulelela bunakunvua kudi Nzambi; Abalahama kakenza nunku.

Yowanane 8:47

Wa Nzambi udi unvua mei a Nzambi; ebu mbualu bunudi kanui nûnvuila, bua kanuena ba Nzambi.

Bienzedi 1:2

tô ne ku dituku diakangatshibueye mu diulu, hakamaneye kuambika bapostolo bakasunguleye mikenshi yandi kudi Nyuma Muimpe.

Bienzedi 10:38

nudi bamanye kabidi bualu bua Yesu wa mu Nazaleta bu muakamuela Nzambi Nyuma Muimpe ne bukole; yeye wakendakana wenza malu mimpe, wondaha ukolesha bonso bakadi bakengeshibua kudi diabolo, bua Nzambi wakadi nʼandi.

Rome 8:2

Bualu bua mukenshi wa Nyuma wa muoyo wa mu Kilisto Yesu wakampikula ku mukenshi wa bubi ne wa lufu.

Efeze 3:8

Kundi meme, udi mutambe basanto bonso kuhuekela, bakampa ngasa eu bua meme kuambila ba bisamba bia bende bua bubanshi bua Kilisto budibo kabai bamanye mua kubuidikisha;

Kolose 1:19

Bualu bua Tatu wakasanka bua tshiuwidi tshionso tshia Bunzambi tshikale munda muandi;

Kolose 2:9

Bualu bua munda mua Kilisto nkayandi mudi muikale tshiuwidi tshijima tshia Bunzambi mu tshikadilu tshia mubidi.

Didimanyisha 21:6

Yeye wakangambila ne, Akuenjibua. Meme ndi A ne Z, tshibangidilu ne nshikidilu. Nempe udi ne nyota mai a ku mushimi wa muoyo tshianana.

Didimanyisha 22:1

Wakandesha musulu wa mai a muoyo, matoke tô bu ntalatala, uluhuka mu nkuasa wa butumbi wa Nzambi ne wa Muana wa Mukoko