Yowanane 2:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yesu wakabakudimuna dî ne, Bumbulai ntempelo eu, nemubishe kabidi matuku asatu.

MUKANDA WA MYIDI MUKULU

¹⁹ Yezu kubandamuna ne: — Upulayi nzubu wa Mvidi Mukulu ewu. Meme nemmuasulule mu matuku asatu.

Yowanane 2:19 ပူးပေါင်းရင်းမြစ်များ

Matayi 12:40

Bu muakadi Yona munda mua munyinyi mimene wa mu mai minya isatu ne mafuku asatu, nunku Muana wa muntu neikale munda mua buloba minya isatu ne mafuku asatu.

Matayi 16:21

Ku tshikondo atshi Yesu wakabanga kulesha bayidi bandi ne, Bundi nʼabu mbua kuya ku Yelushalema, ne bua kukengeshibua makenga a bungi kudi bakulu ne kudi bakuidi banene ba Nzambi ne kudi bafundi, ne bua kushihibua, ne bua kubishibua hahita matuku asatu.

Matayi 27:40

bakamba ne, Wewe muhudi wa ntempelo ne mumuibaki wa matuku asatu udisungile: biwikala Muana wa Nzambi, utuluke ku mutshi mutshiamakane.

Matayi 27:63

bakamba ne, Mukelenge, tudi bavuluke di dia muena mashimi au hakadiye ne muoyo ne, Hahita matuku asatu, nembike kabidi.

Marke 14:58

Tuakunvua wamba ne, Nembumbule ntempelo eu udi muasa ne bianza; nengibake mukuabo udi kai muasa ne bianza matuku asatu.

Marke 15:29

Bahitshi ba mu nshila bakamuhenda, bakakuha mitu yabo, bakamba ne, Ka kia! Wewe muhudi wa ntempelo ne mumuibaki wa matuku asatu,

Marke 8:31

Yeye wakabanga kumanyisha bayidi bandi ne, Budi Muana wa muntu nʼabu mbua kukengeshibua makenga a bungi, ne bua kuedibua kudi bakulu ne kudi bakuidi banene ba Nzambi ne kudi bafundi, ne bua kushihibua, ne bua kubika hahita matuku asatu.

Yowanane 11:25

Yesu wakamuambila ne, Meme ndi bianyi dibisha, ndi bianyi muoyo; udi ungitabusha, nasha biafueye, neikale ne muoyo kabidi;

Yowanane 5:19

Yesu wakabakudimuna dî ne, Bulelela, bulelela, ndi nuambila ne, Muana kena mumanye mua kudienzela bualu, utu wenza anu budiye umona Tatu wandi wenza; malu onso adi Tatu wenza Muana utu wênza muomumue.

Bienzedi 2:24

Nzambi wakamubisha, mumane kusulula nkanu ya lufu, bualu bua kakadi mua kusuikibua kudilu tshiendelele.

Bienzedi 2:32

Yesu eu, Nzambi wakamubisha ku lufu, buonso buetu tudi bamanyi ba bualu ebu.

Bienzedi 3:15

nuakushiha Mukelenge wa muoyo, wakabishabo ku lufu kudi Nzambi, tuetu tudi bamanyi ba bualu ebu.

Bienzedi 3:26

Nzambi mumane kubisha Muana wandi diambedi, wakamutuma kunudi bua kunusankisheye, hanumusheye muntu ne muntu ku mibi yandi.

Bienzedi 6:14

tuakumunvua wamba ne, Yesu eu wa mu Nazaleta neabutuishe muaba eu, neakudimune bilele biakatuha Mose.

Rome 4:24

kadi diakafundibua bua bualu buetu kabidi kudibo bamba kubadila ditabusha, badi bitabusha wakabisha Yesu Mukelenge wetu ku bafue, wakafidibua ka lufu bua malu mabi etu, wakabishibua bua dibingishibua dietu.

Rome 6:4

Ke tuakajikibua nʼandi ku dibatiza mu lufu, bualu bua bu mudi Kilisto mubishibue ku bafue bua butumbi bua Tatu, muomumue kabidi butudi nʼabu mbua kuenda mu muoyo muhia-muhia.

Rome 8:11

Bikala Nyuma wa yeye wakabisha Yesu ku bafue muikale munda muenu, yeye wakabisha Kilisto Yesu ku bafue neahe kabidi mibidi yenu ifuafua muoyo, bualu bua Nyuma wandi udi usomba munda muenu.

1 Korente 15:12

Bianuambilabo bualu bua Kilisto ne, Yeye wakabishibua ku bafue, munyi mudi bakuabo ba munkatshi muenu bamba ne, Kakuena dibika dia bafue?

Kolose 2:12

Nuakajikibua nʼandi mu dibatiza, munuakabishibua nʼandi munda muadi kabidi, bualu bua ditabusha dienu dia mu kuenza kua Nzambi wakamubisha munkatshi mua bafue.

1 Petro 3:18

Bualu bua Kilisto wakafua musangu umue bua malu mabi, muntu muakane wakafuila bantu babi, bua kulua nʼetu kudi Nzambi; wakashihibua mubidi wandi, kadi wakavuishibua muoyo mu nyuma wandi;