Yowanane 18:32 - Mukanda wa Nzambi Dihungila Dikulukulu ne Dihungila Dihia-dihia 2003

³² Nunku bakashikisha dî dia Yesu diakambeye hakadiye wamba bualu bua lufu luafueye nʼalu.

MUKANDA WA MYIDI MUKULU

³² Ke muvua Yezu mukumbaje diyi divuaye muambe, divua dileja bantu mushindu uvuaye ne bua kufua.

Yowanane 18:32 ပူးပေါင်းရင်းမြစ်များ

Misambu 22:16

Bualu bua mbua yakunnyunguluka, tshisumbu tshia benji ba malu mabi tshidi tshingela munkatshi; bakuntaha mputa misompoke mu bianza ne mu makasa.

Matayi 20:19

nebamufile mu bianza bia bantu ba mu bisamba bia bende, bamuseke, bamukume, bamushihe ku mutshi mutshiamakane; kadi hahita matuku asatu yeye neabishibue.

Matayi 26:2

Nudi bamanye ne, Hahita matuku abidi, Kuhita kua Yehowa nekulue, nebafile Muana wa muntu bua kumushihabo ku mutshi mutshiamakane.

Marke 10:33

wakabambila ne, Unvuai, tudi tubanda ku Yelushalema; nebafile Muana wa muntu mu bianza bia bakuidi banene ba Nzambi ne bafundi; bobo nebamuhishe ne lufu, nebamufile mu bianza bia bisamba bia bende;

Yowanane 10:31

Bena Yuda bakamema mabue kabidi bua kumuela.

Yowanane 10:33

Bena Yuda bakamukudimuna ne, Katuena tukuelela mabue bua muanda muimpe uwakuenza, anu bua bihendu biudi uhenda nʼabi Nzambi, ne bua wewe muntu udi udivuisha Nzambi.

Yowanane 13:18

Tshiena nuamba buonso buenu; ndi mumanye banakusungula, kadi bualu ebu buakulua bua kushikisha dî diakafundabo ne, Utu wadia bidia bianyi wakuntua museba.

Yowanane 18:31

Pilato wakabambila ne, Nuenu numuangate, nulumbulule tshilumbu tshiandi bu mudi mukenshi wenu. Bena Yuda bakamuambila ne, Katuena ne bukokeshi bua kushiha muntu.

Yowanane 21:19

Yesu wakamba dî edi bua kumumanyisha lufu luatumbisheye nʼalu Nzambi. Hakambeye nunku, wakamuambila ne, Undonde.

Yowanane 3:14

Bu muakabisha Mose nyoka mu tshihela, nunku budi Muana wa muntu nʼabu mbua kubishibua muomumue;

Yowanane 8:28

Yesu wakamba ne, Hanuabisha Muana wa muntu, nenumanye ne, Meme nyeye, ne tshitu ngadienzela bualu, kadi ntu ngamba anu malu akunyisha Tatu.

Bienzedi 7:59

Bakadi bakuma Stefano mabue ulomba Mukelenge wamba ne, Mukelenge Yesu, angata muoyo wanyi,

Ngalate 3:13

Kilisto wakatuhikula ku mulau wa mikenshi, wakadivuisha bu mulau bua bualu buetu; bu muakafundabo ne, Muntu yonso udi mukudika ku mutshi udi ne mulau;

Dielulula 21:23

kabashiyi tshitalu tshiandi ku mutshi butuku bujima, bamujike anu dituku adi mene; muntu yonso muowa ku mutshi udi muedibue mulau kudi Nzambi; kanunyangi buloba budi Yehowa, Nzambi wenu, unuha bua nuenu kubuhiana.