Yowanane 15:2 - Mukanda wa Nzambi Dihungila Dikulukulu ne Dihungila Dihia-dihia 2003

² Ditamba dianyi dionso didi kadî dikuama mamuma, yeye neadiumushe, kadi ditamba dionso didi dikuama mamuma yeye neadilengeshe bua kukuamadi mamuma makuabo.

MUKANDA WA MYIDI MUKULU

² Udi ukosa katamba kuonsu kadi kundi, kadi kakayi kakuama bimuma; udi upempa, ulengeja katamba kuonsu kadi kakuama bimuma bua kakuame bivule.

Yowanane 15:2 ပူးပေါင်းရင်းမြစ်များ

Yobe 17:9

Kadi muntu muakane neananukile kuenda mu nshila wandi, ne udi ne bianza bitoke neadiundediunde mu bukole buandi.

Misambu 92:14

Nebakuame mamuma tô ne mu bununu buabo, nebikale mitshi miule tente ne mai ne idi mibishi tshiendelele,

Nsumuinu 4:18

Kadi nshila wa bantu bakane udi bu diba dia kabundubundu, didi ditema ne dikenkakenka tô ne hakumbana diba dia munda munya.

Yeshaya 27:9

Bua muanda eu bubi bua Yakoba nebujimishibue, ne au mmamuma onso adi Yehowa musue bua kumûmushila bubi buandi: bua yeye avuishe mabue onso a bioshelu biandi bu mabue a luhemba adibo babotesha, bua Bashela ne mpingu idibo batendelela nʼai diba kabikadiku kabidi.

Yeshaya 29:19

Bena kalolo kabidi nebavudishe disanka diabo mu Yehowa, bahele ba munkatshi mua bantu nebasanke mu Wa Tshijila wa Isalele.

Danyele 11:35

Bamue ba munkatshi mua badi ne meji nebahone bua kulengeshibua, bua kuvuishibua balengele ne bua kutokeshibua, tô ne hafika tshikondo tshia kunshikidilu. Bualu bua tshikondo tshiakasungulabo tshitshidi ku mpala.

Osheya 6:3

Tumumanye bietu, tunanukile kukeba kumanya Yehowa. Kulua kuandi kudi kujadikibua bulelela bu mudi butuku butshia; nealue kutudi bu nvula mbedi, bu mudi nvula mishishe iloka ha buloba.

Malaki 3:3

Yeye neashikame hanshi ukunjisha ne ulengesha tshiamu tshia argent, nealengeshe bana ba Lewi. Neabakenkeshe bu or ne argent, bua bobo bikale kudi Yehowa bu bantu badi bafila milambu kudiye mu buakane.

Matayi 13:12

Bualu bua muntu yonso udi ne bintu, nebamuhe binga, neikale ne bia bungi; kadi muntu yonso udi kai ne tshintu, nebamunyenge tshidiye nʼatshi.

Matayi 13:33

Yeye wakabelela lusumuinu lukuabo ne, Bukelenge bua mu diulu budi bu luevene luakangata mukashi, wakalusokoka mu bihikilu bisatu bia bukula tô ne hakenduluka luevene mu bukula buonso.

Matayi 15:13

Kadi yeye wakandamuna ne, Nebajule mutshi wonso udi kawi mutentula kudi Tatu wanyi udi mu diulu.

Matayi 21:19

Hakamoneye mutshi wa nfigi kukala kua nshila, wakaluaku, wakasangana mutshi mutuhu, anu mabeshi; yeye wakambila mutshi ne, Wewe kukuami mamuma tshiendelele. Mutshi wa nfigi wakafuba lukasa.

Matayi 25:29

Udi ne bintu nebamuhe binga bintu, neikale ne bia bungi; udi kai ne tshintu nebamunyenge tshidiye nʼatshi.

Matayi 3:10

Katataka tshisui tshidi tshiladika ha muji wa mutshi wonso; mutshi wonso udi kawi ukuama mamuma mimpe nebaushimbule, nebawele mu kahia.

Matayi 3:12

tshihehudi tshiandi tshidi mu tshianza, yeye neatokeshe tshituilu tshiandi bimpe; yeye neasangishe mponda wandi mu mudiba, kadi yeye neoshe bisote mu kahia kadi kakai kajima tshiendelele.

Matayi 7:19

Mutshi wonso udi kawi ukuama mamuma mimpe nebaushimbule, nebawele mu kahia.

Marke 4:20

Kabobo aba bakadi bamiamina ha buloba buimpe; bobo badi bunvua dî, badi baditabusha, badi bavudisha maminu, bakuabo makumi asatu asatu, bakuabo makumi asambombo asambombo! bakuabo lukama lukama.

Luke 8:13

Ba ha dibue badi bu bantu badi bitabusha dî ne disanka, hakudiunvuabo; kadi Bobo kabena ne miji, badi bitabusha tshituha, ku dituku dia diteta dia munda badi basesuka.

Yowanane 15:1

Meme ndi muonshi mimene mulelela wa mamuma a nvinyo, Tatu wanyi udi mulami wau.

Yowanane 15:16

Nuenu kanuakunsungula, nakunusungula, nakunujadika bua nuenu kuya kukuama mamuma ne bua mamuma enu ikale tshiendelele, bua tshintu tshionso tshinualomba Tatu mu dina dianyi yeye anuhetshi.

Yowanane 15:3

Katataka nudi balengeshibue bualu bua dî dinakunuambila.

Yowanane 15:6

Bikala muntu kai ushala munda muanyi, nebamumushe bu ditamba, neafube; badi bunguisha matamba, baêla mu kahia, adi ahla.

Yowanane 15:8

Tatu wanyi udi utumbishibua mu bualu ebu ne, Nudi nukuama mamuma a bungi; nunku nenuikale bayidi banyi.

Yowanane 17:12

Hanakadi nʼabo, nakubalama mu dina diebe diwakumpa; ne nakabalama, ne kakuakadi umue wakujimina anu muana wa dibutuka, bua kushikisha dî diakadi difunda mu Mukanda wa Nzambi.

Rome 11:17

Bikala matamba makuabo akuahudibua, ne wewe, mutshi wa oleve wa tshisuku wakalamakashibua munkatshi muau, ne wakalua muangatshi nʼau wa bukole bua muji wa mafuta wa mutshi muimpe wa oleve;

Rome 11:22

Ka, mona buimpe ne mutshima mukole bia Nzambi,—mutshima mukole kudi bakahona, ne buimpe bua Nzambi kudi wewe, biwananukila mu buimpe buandi; kadi biwahanga kunanukila, wewe neukoshibue kabidi.

Rome 8:28

Tudi bamanye kabidi ne, Malu onso adi akuatshishangana bua kumusha diakalengele kudi bantu badi bananga Nzambi, kudi badi babikidibue bu mudi disungula diandi.

1 Korente 13:1

Biakula ne ndimi ya bantu ne ya banjelo, kadi bingikala tshi ne luse, nakulua bu tshiamu tshia mitaku tshidibo bakuma, anyi bu dikasa didi diakula.

Tite 2:14

Yeye wakadifila bua bualu buetu, bua kutuhikula ku malu mabi onso, ne bua kudilengeshila bantu badi mua kuikala bandi bine, bikala ne lukunukunu lua kuenza midimu mimpe.

Ebrewu 12:15

Nutangile bimpe bua muntu kikadiku udi uhanga ngasa wa Nzambi, ne bua muji wa bululu mutoloka kaunutatshishi, ne bua bualu buau bantu ba bungi neboneke;

1 Yone 2:19

Bobo bakumuka munkatshi muetu, kadi kabakadi betu mene; bu bobo bikale betu, bakadi kuikala nʼetu; kadi bakumuka bua bobo bamueneshibue ne, Buonso buabo kabakadi betu mene.

Didimanyisha 3:19

Bungi bua bandi munange, ndi mbabela, ndi mbakengesha; nunku, wikale ne lukunukunu ne ukudimune mutshima webe.