Yowanane 12:34 - Mukanda wa Nzambi Dihungila Dikulukulu ne Dihungila Dihia-dihia 2003

³⁴ Bantu bakamukonka ne, Tuakunvua mu mikenshi ya Nzambi ne, Kilisto udi wikala tshiendelele; ahu munyi mûdi wamba ne, Budi nʼabu Muana wa muntu mbua kubishibua? Eu Muana wa muntu nganyi?

MUKANDA WA MYIDI MUKULU

³⁴ Bantu bavule kumuandamuna ne: — Tudi balonge mu Mikanda ya mikenji yetu ne: Meshiya neashale ne muoyi tshiendelele. Nanku muudi mua kuamba ne: Muana wa muntu nebamuele kulu mbishi? Awu Muana wa muntu nnganyi?

Yowanane 12:34 ပူးပေါင်းရင်းမြစ်များ

2 Samuele 7:13

Yeye neibakile dina dianyi nsubu, nenjadike nkuasa wa bukelenge buandi tshiendelele.

Misambu 110:4

Yehowa wakuditshiha, kena ukudimuna mutshima wandi ne, Wewe udi muakuidi tshiendelele wa ku mulongo wa Melekisedeke.

Misambu 72:7

Mu matuku andi bantu bakane nebikale ne diakalengele, ditalala divule nedikaleku tô ne hajimina ngondo tshiendelele.

Yeshaya 53:8

Wakumushibua ku kumukengesha ne kumulumbuluisha kubi; ne nganyi wa munkatshi mua bena mulongo bandi wakelangana meji bua bualu buakamukuata, bua yeye wakumushibua mu buloba bua badi ne muoyo, ne bua matomboka a bantu banyi wakashihibua?

Yeshaya 9:7

Kukudisha kua bukokeshi buandi ne kua ditalala kakuena kuikala ne nshikidilu, bua kujadika nkuasa wa bukokeshi wa Davidi, ne bukelenge buandi, ne bua kubukolesha ku kulumbulula kuakane ne ku buakane, mpindiu tô ne tshiendelele. Lukunukunu lua Yehowa wa misumba neluenze bualu ebu.

Danyele 2:44

Mu matuku a bakelenge aba Nzambi wa mu diulu neajadike bukelenge bukuabo budi kabuyi bubutudibua tshiendelele. Bukokeshi buabu kabuena buhianyibua kudi bantu bakuabo, kadi nebutshibule makelenge â onso bituha bituha, nebuabutule, ne buobu nebujalame tshiendelele.

Danyele 7:14

Bakamuha bukokeshi, butumbi ne bukelenge, bua bantu bonso, ba bisamba bionso ne ba miaku yonso bamukuatshile mudimu. Bukokeshi buandi budi bukokeshi bua tshiendelele, budi kabuyi mua kujimina, bukelenge buandi m bukelenge budi kabuyi mua kubutudibua.

Danyele 7:27

Nebafile bukelenge ne bukokeshi ne butumbi bua makelenge a muinshi mua diulu dionso kudi bantu ba bansanto ba Nzambi Mutambe Bunene wa mu diulu. Bukelenge buabo nebuikale bukelenge bua tshiendelele, ba mu makokeshi onso makuabo nebabakuatshile mudimu ne nebatumikile mei abo.

Mika 4:7

Nenyishe badi benda bazobele difuka dia tshisamba, nenvuishe bantu bakihatabo diambedi bu tshisamba tshinene, ne Yehowa neabakokeshe mu mukuna wa Siona ku dituku edi tô ne tshiendelele.

Matayi 16:13

Hakalua Yesu mu luseke lua Kaisalia wa Filipoi, wakakonka bayidi bandi ne, Bantu badi bamba Muana wa muntu ne, Nganyi?

Matayi 21:10

Hakabueleye mu Yelushalema, bantu bonso ba mu musoko bakakema, bakakonka ne, Eu nganyi?

Matayi 8:20

Yesu wakamuambila ne, Mibuabua idi ne mena ai, nyunyu ya mulu idi ne masua ai; kadi Muana wa muntu kena ne ha kuladika mutu wandi.

Yowanane 10:34

Yesu wakabakonka ne, Kabena bafunde mu mikenshi yenu ne, Nakuamba ne, Nuenu nudi banzambi, anyi?

Yowanane 12:32

Ne meme, biambishabo ha buloba, nenkoke bantu bonso kundi.

Yowanane 15:25

Nunku bakushikisha dî diakadi difunda mu mikenshi yabo ne, Bakadi nʼanyi lukuna tshianana.

Yowanane 8:28

Yesu wakamba ne, Hanuabisha Muana wa muntu, nenumanye ne, Meme nyeye, ne tshitu ngadienzela bualu, kadi ntu ngamba anu malu akunyisha Tatu.

Rome 3:19

Tudi bamanye ne, Mei onso adi mikenshi yamba, idi yâmbila badi munshi mua mikenshi, bua kubuikila mukana muonso, ne bua ba ha buloba bonso babueshibue munshi mua dilumbuluisha dia Nzambi.

Rome 5:18

Ke mudi bualu bubi bumue baakavuisha dihila kudi bantu bonso, nunku kabidi bualu buakane bumue buakuvuisha dibingishibua dia muoyo kudi bantu bonse.

Ebrewu 7:24

kadi yeye, bualu bua udi ushala tshiendelele, udi ne buakuidi budi kabui bushintuluka.