Yoshua 8:2 - Mukanda wa Nzambi Dihungila Dikulukulu ne Dihungila Dihia-dihia 2003

² ne wewe newenzele Ai ne mukelenge wa musoko bu muwakenzela Yeleko ne mukelenge wau; kadi bintu bia mu musoko ne bimuna, nubiangate bu bintu bienu; utume balaminyi ku nyima kua musoko.

MUKANDA WA MYIDI MUKULU

² Nenuenzele tshimenga atshi ne mukalenga watshi, anu bu munuvua benzele tshimenga tshia Yeriko ne mukalenga watshi. Kadi wewe ne bena mvita bebe bonsu, nenuangate bintu bionsu binuasangana mu tshimenga atshi too ne bimuna, bishale bintu bienu. Utume bantu panyima pa tshimenga baye kujikidila baluishi padibu kabayi banji kudilongolola.

Yoshua 8:2 ပူးပေါင်းရင်းမြစ်များ

2 Kulondolola 13:13

Kadi Yalobama wakamana kuteka bâlaminyi ku nyima kuabo; nunku bakuabo bakadi ku mpala kua Bena Yuda, ne bâlaminyi bakadi ku nyima kuabo.

2 Kulondolola 20:22

Hakabangabo kuimba misambu ne kutumbisha Nzambi, Yehowa wakateka balaminyi kudi Bena Amona ne kudi Bena Moaba ne ba ku mikuna ya Seî, bakaluila kuluisha Bena Yuda; bakadi bashihibue.

Misambu 39:6

Bulelela, muntu yonso udi bu mundidimbi hadiye wendakana. Bulelela, badi batatakana anu bua bualu bua hatuhu. Muntu udi ubumba mishiki ya bintu, kadi kena mumanye ne, Wabisangisha nganyi?

Nsumuinu 13:22

Muntu muimpe udi ushila bana ba bana bandi buhianyi, kadi biuma bia muenji wa malu mabimbitekela bantu bakane.

Nsumuinu 28:20

Muntu udi mua kueyemenyibua neavudishibue ne masanka a bungi, kadi udi ne lukuluku bua kudivuisha mubanji kena ubinga.

Yirmeya 17:11

Bu mudi nkuadi usangisha bana badiye kayi mutoye, mbu mudi muntu uheta bubanji budiye wangata ku bienzedi bidi kabiyi bimpe; munkatshi mua matuku andi nebimushiye, ne kunshikidilu kuandi neikale muhote.

Yirmeya 51:12

Bishai dibendela dia nvita bua bashimbule ngumbu ya Babulona, nanukilai bua kutentekela musoko, nutekeku batentekedi, nubalamine bua kubakuata; bualu bua Yehowa wakuhangidisha ne wakuenza dî diakambeye bualu bua bantu badi bashikame mu Babulona.

Dielulula 2:35

kadi tuakadiangatshila bimuna, ne bintu biakadi mu misoko ituakanyenga.

Dielulula 20:14

kadi bakashi ne bana bakese ne bimuna ne bintu bionso bia mu musoko, nenudiangatshile ebi; nuenu nenudie bintu bionso bia badi nʼenu lukuna, bidi Yehowa, Nzambi wenu, munuhe.

Dielulula 3:2

Yehowa wakangambila ne, Kumutshinyi nansha; bualu bua nakumufila ne bantu bandi bonso ne buloba buandi mu tshianza tshiebe; wewe neumuenzele yeye bu mu wakenzela Sihona, mukelenge wa Bena Amole, wakadi ushikama mu Heshebona.

Yoshua 10:1

Kakunyua Adoni-sedeke, mukelenge wa Yelushalema, bu muakanyenga Yoshua Ai, ne muakauhauleye; ne bu muakenzeleye Yeleko ne mukelenge wau ne bu muakenzeleye Ai ne mukelenge wau; ne bu muakaheta Bena Gibeona budishikaminyi kudi Bena Isalele, ne bu muakashikamabo munkatshi muabo;

Yoshua 10:28

Ku dituku adi Yoshua wakanyenga musoko wa Makeda kabidi, wakabashiha ne mukelenge wabo ku muele wa nvita; wakashiha bantu bonso bakadimu, kakuakadi muntu wakashala; yeye wakenzela mukelenge wa Makeda bu muakenzeleye mukelenge wa Yeleko.

Yoshua 11:14

Bena Isalele bakadiangatshila bintu bionso bia mu misoko ei ne bimuna; kadi bakashiha muntu yonso ne muele wa nvita tô ne hakababutulabo bonso; kabakashiya umue uhuyakana.

Yoshua 6:21

Bakashiha bionso biakadi mu musoko ku miele yabo, balume ne bakashi, bana ne bakulumpe, ngombe ne mikoko ne mpunda.

Yoshua 8:12

Wakangata bantu bu binunu bitanu, wakabatuma bu balaminyi hankatshi ha Betele ne Ai ku luseke lua wesete lua musoko.

Yoshua 8:14

Hakatangila mukelenge wa Ai bualu ebu, wakabika lubilu ne dinda ne bantu bandi bonso, bakaluhuka mu musoko bua kuluangana ne Bena Isalele mu muaba wakasungulabo ku mpala kua mpata wa Alabâ; kadi yeye kakamanya ne balaminyi bakadi ku nyima kua musoko.

Yoshua 8:19

Balaminyi bakabika lukasa ku muaba wabo, bakanyema lubilu hakabandisheye tshianza tshiandi, bakabuela mu musoko, bakaunyenga; bakosha musoko ne kahia.

Yoshua 8:24

Hakashikisha Bena Isalele kushiha Bena Ai bonso bakadi mu madimi ne mu tshihela kuakabalondabo, ne hakahonabo bonso ku miele ya nvita, tô ne hakajiminabo bonso, hashishe Bena Isalele bonso bakahingana ku Ai, bakaubutula ku miele ya nvita.

Yoshua 8:3

Nunku Yoshua wakabika ne bena nvita bonso bua kuya ku Ai; Yoshua wakasungula bantu ba bukitu ne ba dikima binunu makumi asatu, wakabatuma butuku.

Yoshua 8:7

Hashishe nuenu balaminyi nenubike, nenunyenge musoko; bualu bua Yehowa, Nzambi wenu, neaufile mu bianza bienu.

Yoshua 8:8

Hanuanyenga musoko nenuwoshe ne kahia; nuenze bu mu dî dia Yehowa; monai, nakanuambila.

Yoshua 8:9

Yoshua wakabatuma, bakaya, bakalalaku bu balaminyi: bakashikama hankatshi ha Betele ne Ai, ku wesete kua Ai; kadi Yoshua wakalala munkatshi mua bantu butuku abu.

Yoshua 9:3

Kakunyua Bena Gibeona muakenzela Yoshua Yeleko ne Ai,