Yoshua 8:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa wakambila Yoshua ne, Kutshinyi, kukuatshila buowa, angata bena nvita bonso; bika biebe, ya ku Ai; tangila, nakamana kufila mukelenge wa Ai ne bantu bandi ne musoko wandi ne buloba buandi mu tshianza tshiebe;

MUKANDA WA MYIDI MUKULU

¹ Maweja-Nangila kuambila Yoshuwa ne: — Kutshinyi, kuzakadi. Angata bena mvita bebe bonsu. Nuye kuluisha bena tshimenga tshia Ayi. Meme ndi nkupesha mukalenga wa bena Ayi, bantu bende, tshimenga tshiende, ne ditunga diende dijima.

Yoshua 8:1 ပူးပေါင်းရင်းမြစ်များ

Misambu 27:1

Yehowa udi munya wanyi ne luhandu luanyi; nentshine nganyi? Yehowa udi ngumbu ya nvita mu muoyo wanyi; udi mua kunkuatshisha buowa nganyi?

Misambu 44:3

Bualu bua kabakadinyengela buloba abu ku muele wabo wa nvita, ne diboko diabo kadiakabasungila mu nvita; kadi tshianza tshiebe tshia balume ne diboko diebe ne munya wa ha mpala hebe biakabasungila. Bualu bua wewe wakadi nʼabo luse.

Misambu 46:11

Yehowa wa misumba udi nʼetu; Nzambi wa Yakoba udi tshinyemenu tshietu.

Yeshaya 12:2

Mona, Nzambi udi luhandu luanyi; nemmueyemene, ne tshiena ntshina nansha; bualu bua Yehowa, Yehowa mene, udi bukole buanyi ne musambu wanyi, ne yeye wakulua luhandu luanyi.

Yeshaya 43:2

Hawahitshila mu mai, nengikale nʼebe; hawahitshila mu misulu, kayena ihasalala ha mutu hebe; hawahita mu kahia, kuena ushila, ludimi lua kahia kaluena lukuosha.

Yirmeya 46:27

Kadi wewe, Yakoba, muntu wanyi, kutshinyi, ne wewe, Isalele, kukuatshiki buowa! Bualu bua mona, nenkusungile ku buloba budi kule, nensungile bana bebe baledibue mu buloba bua buhika buabo, Yakoba neahingane, neikale ne ditalala, kena wikale ne ntatu, kakuena muntu wamukuatshisha buowa.

Yirmeya 49:3

Wewe, Heshebona, asa muadi, bualu bua bakubutula musoko wa Ai! Nuenu, bana bakashi ba Laba, nudiluatshishe ne bilulu bikayabala, asai madilu, nuendakane mu mpangu nudila; bualu bua nebaye ne Milekoma mu buhika hohamue ne bakuidi bandi ne baminyampala bandi.

Danyele 2:21

Yeye udi ukudimuna bikondo ne bidimu; udi umusha bakelenge, udi ujadika bakelenge; udi ufila meji kudi bena meji, ne lungenyi kudi badi bamanye mua kujingulula malu.

Danyele 4:25

nebakuihate munkatshi mua bantu, neushikame ne nyama ya mu mpata, neudie mashinde bu mudi ngombe idia; neuboleshibue ne dibungi dia mulu. Bidimu muanda mutekete nebihie tô ne hawamanya ne, Mutambe Bunene wa mu diulu udi ukokesha bukelenge bua bantu, ne udi ubuhesha muntu yonso udiye musue.

Danyele 4:35

Bonso ba ha buloba badi hatuhu ku mesu kuandi. Yeye utu wenza bu mudiye musue munkatshi mua misumba ya ba mu diulu ne munkatshi mua ba ba buloba; kakuena muntu udi mua kukauda tshianza tshiandi, anyi kumuebesha ne, Udi wenza tshinyi?

Matayi 8:26

Yeye wakabambila ne, Nuenu bena ditabusha dikese, nudi nutshinyina tshinyi? Hashishe, yeye wakabika, wakabuikila luhehele ne mai a dishiba, muaba au wakatalala talalâ.

Dielulula 1:21

Tangilai, Yehowa, Nzambi wenu, wakateka buloba ku mpala kuenu: yai bienu, nubuhiane, bu muakanuambila Yehowa, Nzambi wa batatuʼenu; kanutshinyi, kanuikadi ne buowa.

Dielulula 31:8

Yehowa mene uyaya ku mpala kuebe, yeye neikale hebe, kena ukuhanga, kena ukulekela: kutshinyi, kuzakadi.

Dielulula 7:18

Kanubatshinyi: nuvuluke malu akenzela Yehowa, Nzambi wenu, Palô ne Bena Ejipitu bonso;

Dielulula 7:21

Kanutshinyi ku mesu kuabo, bualu bua Yehowa, Nzambi wenu, udi munkatshi muenu, udi Nzambi munene udi uvuisha ditshina dikole.

Yoshua 1:9

Tshiakukuambila, anyi? Ikala ne bukole ne mutshima wa dikima; kutshinyi, kukuatshiki buowa, bualu bua Yehowa, Nzambi webe, udi nʼebe kuonso kuwaya.

Yoshua 10:7

Nunku Yoshua wakumuka ku Gilegala, yeye ne bena nvita bonso bakadi nʼandi ne bena ngulu bonso ba bukitu.

Yoshua 10:8

Yehowa wakambila Yoshua ne, Kubatshinyi nansha, bualu bua nakubafila mu tshianza tshiebe; kakuena muntu wa kudibo udi mua kuimana ku mpala kuebe.

Yoshua 2:24

Bobo bakambila Yoshua ne, Bulelela, Yehowa wakadia buloba buonso mu bianza bietu; ne bualu bukuabo kabidi, bena buloba bonso badi batekete-teketê ku mpala kuetu.

Yoshua 6:2

Yehowa wakambila Yoshua ne, Mona, nakulala Yeleko ne mukelenge wa musoko ne bena nvita bonso ba dikima mu tshianza tshiebe.

Yoshua 7:9

Bualu bua Bena Kanâna ne bena buloba bonso nebulue lumu elu, nebatunyunguluke, nebajimishe dina dietu ha buloba; ne wewe newenze tshinyi bua dina diebe dinene?