Yoshua 7:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Kadi Bena Isalele bakenza bualu bubi ne tshintu tshia tshijila; bualu bua Akana, muana wa Kâmi, muana wa Zabedi, muana wa Zela wa mu tshisamba tshia Yuda, wakadiangatshila tshintu tshia tshijila; ne tshiji tshiakakuata Yehowa bualu bua Bena Isalele.

MUKANDA WA MYIDI MUKULU

¹ Bena Izrayele bavua benza bualu bubi butambe, bualu bavua bangata bintu bivua Maweja-Nangila mukandike. Nenku muntu wa mu tshisamba tshia Yuda, dina diende Akane, muana wa Karmi, (Karmi uvua muana wa Zabdi, kabidi muikulu wa Zera) uvua mudiangatshile ku bukole bimue bintu. Nenku Maweja-Nangila kufikila bena Izrayele munda.

Yoshua 7:1 ပူးပေါင်းရင်းမြစ်များ

Genese 34:27

Bana ba balume ba Yakoba bakalua munkatshi mua bantu bafue bakahaula musoko, bualu bua bobo bakanyanga muanʼabo wa bakashi

2 Samuele 24:1

Tshiji tshia Yehowa tshiakatemena Bena Isalele kabidi, wakenzesha Davidi bualu buabo, wamba ne, Ya, bala bungi bua Bena Isalele ne bua Bena Yuda.

2 Bakalenga 5:24

Hakafikabo ku mukuna, yeye wakabiangata mu bianza biabo, wakabiteka mu nsubu, wakahingisha bantu aba, bakaya.

1 Kulondolola 21:7

Bualu ebu buakafikisha Nzambi munda; nunku yeye wakashiha Bena Isalele bakuabo.

2 Kulondolola 24:18

Bakalekela nsubu wa Yehowa, Nzambi wa bankambua babo, bakakuatshila Bashela ne mpingu mudimu; tshiji tshia Nzambi tshiakadi kudi Bena Yuda ne ba mu Yelushalema bualu bua bobo bakenza bualu ebu bubi.

Ezela 9:6

nakamba ne, O Nzambi wanyi, bundu budi bunkuata bikole bua meme kuhandisha mesu anyi kûdi, Nzambi wanyi; bualu bua malu mabi etu akavulangana ha mitu hetu, ne kuhila kuetu kuakamana kufika mu diulu.

Yobe 35:8

Bubi buebe budi mua kukengesha muntu bu wewe, ne buakane buebe budi bumanye mua kukuatshisha muana wa muntu.

Muambi 9:18

Lungenyi ludi luhita bintu bia nvita bukole; kadi muntu mubi umue udi unyanga malu makane a bungi.

Danyele 9:7

Mukelenge wetu, buakane budi kudi, kadi tuetu tudi ne bundu ku mesu, bu mudibu lelu eu, kudi bantu ba mu Yuda ne kudi badi bashikame mu Yelushalema, kudi Bena Isalele bonso, kudi badi ha buihi ne kudi badi kule, mu maloba onso awakubatuma, bualu bua kutomboka kuabo kuakukutombokelabo.

Lewitiki 10:6

Mose wakambila Alona ne Eleazâ ne Itama ne, Kanutudi bifulu ku mitu yenu, kanuhandi bilulu bienu, bua kanufu bienu, ne bua tshiji tshia Yehowa katshilu kudi bantu bonso, kadi bana benu, tshisamba tshionso tshia Bena Isalele, badile bualu bua kahia kakatemesha Yehowa.

Yona 1:7

Bakambilangana ne, Tuye kuela nshobo bua kumanya ne bualu ebu bubi budi butukuata mbua nganyi? Nunku bakela nshobo, nshobo yakakuata Yona.

Yoshua 22:16

Tshisumbu tshionso tshia bantu ba Yehowa tshidi tshianza ne, Bualu ebu bubi bunuakuenzela Nzambi wa Isalele budi munyi? Munyi munuakulekela kulonda Yehowa hanuakadiashila tshioshelu bua kutombokela Yehowa lelu?

Yoshua 22:18

nuenu nudi basue kuhambuka lelu ne kuhanga kulonda Yehowa, anyi? Binuatombokela Yehowa lelu, makelela yeye neakuatshile tshisumbu tshionso tshia Bena Isalele tshiji.

Yoshua 22:20

Akana, muana wa Zela, kakenza bualu bubi hakangateye tshintu tshia tshijila, ne mulau kawakakuata tshisumbu tshionso tshia Bena Isalele, anyi? Muntu au kakafua nkayandi bua bualu bubi buakenzeye.