Yoshua 6:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Bakuidi muanda mutekete nebaye ne mpungi muanda mutekete ya nsengu ya bimpanga ku mpala kua mushete wa tshihungidi; dituku dia muanda mutekete nenunyunguluke musoko misangu muanda mutekete, ne bakuidi nebele mpungi.

MUKANDA WA MYIDI MUKULU

⁴ Batuangaji muanda mutekete nebadianjidile kumpala kua mushete wa tshijila. Mutuangaji yonsu neikale ne mpungi. Kadi dituku dia muanda mutekete, nenunyungulule tshimenga misangu muanda mutekete. Batuangaji nebikale benda bela mpungi.

Yoshua 6:4 ပူးပေါင်းရင်းမြစ်များ

Genese 2:3

Nzambi wakavudishila dituku dia muanda mutekete disanka, wakadijidila, bualu bua yeye wakikisha dituku diadia ku mudimu wandi wonso wa kufuka ne kuenza.

1 Bakalenga 18:43

Wakambila muntu wandi ne, Ya, utangile ku luseke lua ku mai manene. Wakaya, wakatangila, wakamba ne, Kakuena tshintu. Yeye wakamba ne, Ya kabidi misangu muanda mutekete.

2 Bakalenga 5:10

Elisha wakatuma messager wandi kudiye ne, Ya, wowe mai mu Yadene misangu muanda mutekete, musunyi webe neulue kûdi kabidi; wewe newikale muakane.

2 Bakalenga 5:14

Hashishe wakahueka, wakadila mu mai a Yadene misangu muanda mutekete bu muakadi dî dia muntu wa Nzambi; musunyi wakahingana bu wa muana mukese, wakadi muakane.

2 Kulondolola 13:12

Tangilai, Nzambi udi nʼetu ku mutu kuetu, ne bakuidi bandi badi ne mpungi ya kuela bua kunudimusha. Nuenu Bena Isalele, kanuluanganyi ne Yehowa, Nzambi wa bankambua benu; bualu bua kanuena mua kumuhita bukole.

2 Kulondolola 20:17

Kanuena ne bua kuluangana nvita ei; nudijadike, nuimane talalâ, numone luhandu lua Yehowa ludi nʼenu, nuenu Bena Yuda ne Bena Yelushalema; kanutshinyi, kanukemi; nuye kudibo hatshiabu; bualu bua Yehowa udi nʼenu.

2 Kulondolola 20:19

Bena Lewi ne bana ba Kohata ne bana ba Kola bakajuka, bakatumbisha Yehowa, Nzambi wa Isalele ne dî dikole.

2 Kulondolola 20:21

Hakahungeye dî ne bantu, yeye wakasungula bantu bua kuimbilabo Yehowa misambu ne bua kumutumbishabo mu buakane buandi hakadibo baye ku mpala kua bena nvita, bamba ne, Tumbishai Yehowa, bualu bua luse luandi ludi lujalame tshiendelele.

Yobe 42:8

Nunku nudiangatshile balume ba ngombe muanda mutekete ne bimpanga muanda mutekete, nuye nʼabi kudi muntu wanyi Yobo. Nubifile bu milambu ya kuosha bua bualu buenu; ne muntu wanyi Yobo nennulombele Nzambi. Bualu bua ne-ngunvue disengelela diandi bua bualu buenu, bua tshinuenzedi bibi bua buhote buenu. Bua kanuakuamba mei malelela bua bualu buanyi, bu muakuamba muntu wanyi Yobo.

Yeshaya 27:13

Mu dituku adi nebele mpungi munene; bakadi bamba kufua mu buloba bua Ashû, ne bakadi bihatshibue bua kubuelabo mu buloba bua Ejipitu, nebalue; nebatendelele Yehowa mu mukuna wa tshijila wa ku Yelushalema.

Lewitiki 14:16

neafue munu wandi wa ku tshianza tshia balume mu manyi adi mu tshianza tshiandi tshia bakashi, neamiamine manyi ne munu wandi misangu muanda mutekete ku mpala kua Yehowa.

Lewitiki 4:6

muakuidi neafue munu wandi mu mashi, neamiamine mashi misangu muanda mutekete ku mpala kua tshilulu tshikudika tshidi hankatshi ha nsubu wa tshitendelelu ku mesu kua Yehowa.

Zekâya 4:2

Wakankonka ne, Udi umona tshinyi? Nakamuitaba ne, Ndi mmona tshitekelu tshia minda tshia or mubidi watshi wonso, ne luhanza ludi ha mutu hatshi, ne minda yatshi muanda mutekete idihu; ne milonda muanda mutekete idi ifika ku minda idi ha mutu hatshi.

Zekâya 4:6

Nunku yeye wakitaba, wakangambila ne, Edi ndî dia Yehowa kudi Zelubabela ne, Kabiena bua bungi bua masalayi, anyi bua bukole, kadi mbua Nyuma wanyi; Yehowa wa misumba udi wamba nunku.

Dibadika 23:1

Belâma wakambila Balaka ne, Ungashile bioshelu muanda mutekete, undongoluele balume ba ngombe muanda mutekete ne bimpanga muanda mutekete.

Yoshua 6:13

Bakuidi muanda mutekete bakadi ne mpungi muanda mutekete ya nsengu ya bimpanga bakaya ku mpala kua mushete wa tshihungidi wa Yehowa, bakela mpungi; bena nvita bakaya ku mpala kuabo; bantu bakuabo bakadiunguisha ku nyima kua mushete wa Yehowa, bakuidi bakadi benda bela mpungi.

Yoshua 6:3

Nuenu bena nvita bonso nenunyunguluke musoko musangu umue. Nenuenze nunku tô matuku asambombo.

Yoshua 6:5

Nunku helabo mpungi bikole, hanunvua muadi wa mpungi, bantu bonso nebele mbila; ne lumbu lua musoko neludishimbukile hanshi mu muaba walu, ne muntu yonso neabuele mu muaba udi buludiludi nʼandi.

Didimanyisha 1:20

bualu busokoka bua mitoto muanda mutekete iwakatangila mu tshianza tshianyi tshia balume, ne bua bitekelu bia minda ya ngolo muanda mutekete. Mitoto muanda mutekete idi banjelo ba ekelesia muanda mutekete, ne bitekelu bia minda muanda mutekete bidi ekelesia muanda mutekete.

Didimanyisha 1:4

Yone kudi ekelesia muanda mutekete idi mu Asia, ngasa ikale kunudi ne ditalala, bia kudi Yeye udiku ne wakadiku ne udi ulua; ne kudi Nyuma muanda mutekete idi ku mpala kua nkuasa wandi wa butumbi;

Didimanyisha 10:3

ne wakela dî dikole, bu muadi wa nyama wa ntambue; ne hakeleye dî diandi, mikungulu muanda mutekete yakakula mei ai.

Didimanyisha 15:1

Nakatangila tshimanyinu tshikuabo mu diulu, tshinene ne tshia dikema: banjelo muanda mutekete bikale ne makenga muanda mutekete, adi a kunshikidilu, bualu bua kudiu kudi tshishi tshia Nzambi tshishika.

Didimanyisha 15:7

Ne tshimue tshia bifukibue binai bidi ne muoyo tshiakahesha banjelo muanda mutekete mpanza ya ngolo muanda mutekete miûle tente ne tshishi tshia Nzambi udi ne muoyo tshiendelele.

Didimanyisha 16:1

Nakunvua dî dikole difuma ku ntempelo diambila banjelo muanda mutekete ne, Yai bienu nuhongolole mpanza muanda mutekete ya tshishi tshia Nzambi ha buloba.

Didimanyisha 5:1

Mu tshianza tshia balume tshia yeye wakadi ushikama ha nkuasa wa butumbi, nakatangila mukanda mufunda munda ne ha nyima hau, mulamika bikole ne bimanyishilu muanda mutekete.

Didimanyisha 5:6

Nakatangila munkatshi mua nkuasa wa butumbi ne mua bifukibue bidi ne muoyo, ne mua bakulu, muana wa mukoko wakadi muimane bu mumane kushihibua, muikale ne nsengu muanda mutekete ne mesu muanda mutekete, bidi Nyuma ya Nzambi muanda mutekete idibo batuma ha buloba buonso.

Didimanyisha 8:2

Ne nakatangila banjelo muanda mutekete batu bimana ku mpala kua Nzambi; ne bakabalesha mpungi muanda mutekete.

Didimanyisha 8:6

Ne banjelo muanda mutekete bakadi ne mpungi muanda mutekete bakadilongolola bua kuyela.