Yoshua 4:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ nunku mabue au neikale munkatshi muenu bu tshivulukidi, ne hanukonka bana benu mu tshikondo tshialua ne, Mabue â ntshinyi?

MUKANDA WA MYIDI MUKULU

⁶ Mabue aa neanu-vuluije bionsu bivua binuenzekela muaba ewu. Nanku mu matuku adi kumpala, padi bana benu banukonka ne: Mabue aa avua a tshinyi,

Yoshua 4:6 ပူးပေါင်းရင်းမြစ်များ

Misambu 44:1

Nzambi, tuakunvua ku matshu etu, batatu betu bakuambila, bua malu awakenza mu matuku abo, mu matuku akahita kale.

Misambu 71:18

Nzambi, kundekedi nansha, tô ne ku bununu buanyi ne hangikala ne nvi; kundekedi tô ne bangambila ba mu tshikondo tshialua bua tshianza tshiebe tshikole, ne hangambila badi bandonda ku nyima bua bukole buebe.

Ekesode 12:14

Dituku edi nedikale kunudi bu tshmilukidi, nenudilame bu disanka dia Yehowa, nuenu nenuvuluke dituku edi ne tshivulukidi etshi tshiendelele.

Ekesode 13:14

Hanukonka muanʼenu wa balume ne, Bualu ebu ntshinyi? nemmuambile ne, Yehowa wakatuhatula mu buloba bua Ejipitu ne mu nsubu wa lukanu ku bukole bua tshianza tshiandi.

Ekesode 13:9

Bualu ebu nebuikale bu tshimanyinu ku tshianza tshiebe ne bu tshivulukidi hankatshi ha mesu ebe, bua dî dia Yehowa dikale mukana muenu, bualu bua Yehowa wakanuhatula mu Ejipitu ne tshianza tshikole.

Ekesode 31:13

Wambile Bena Isalele kabidi ne, Nuenu nuvuluke matuku anyi a Lumingu dituku edi didi bu tshivulukidi hankatshi hetu ku bikondo bienu bionso bualu bua kunumanyisha ne, Meme ndi Yehowa wakunujidila.

Yeshaya 38:19

Udi ne muoyo, muntu udi ne muoyo, neakutumbishe, bu mundi ngenza dituku edi; tatu neamanyishe bana bandi lulamatu luebe lua bushuwa.

Yeshaya 55:13

Mu muaba muakadi meba mutshi wa cyprès neutoloke, mu muaba muakadi mungonge mutshi wa myrte neutoloke; Yoyo neyikale kudi Yehowa bu tshivulukidi, bu tshimanyinu tshia tshiendelele tshidibo kabayi mua kujimisha.

Yezekiyele 20:12

Nakabaha matuku anyi a mbingu kabidi, bua kuikalau tshimanyinu hankatshi hanyi nʼabo, bua bobo bamanye ne, Meme Yehowa ngudi ubajidila.

Yezekiyele 20:20

Nujidile matuku anyi a mbingu kabidi, ikale biau tshimanyinu hankatshi banyi nʼenu, bua nuenu numanye ne, Meme ndi Yehowa Nzambi wenu.

Dibadika 16:38

malonga a bantu aba babi bakadijinushila mioyo yabo, wenze nʼau tshibuikilu tshia tshioshelu bobo bakâfila ku mpala kua Yehowa, nunku adi bintu bia tshijila, neikale bu tshivulukidi kudi Bena Isalele.

Bienzedi 2:39

Mulayi wa bualu ebu udi kunudi ne kudi bana benu balela ne kudi bonso badi kule, kudi bonso mene babikila Mukelenge Nzambi wetu kudiye.

Dielulula 11:19

Numanyishe bana benu mei â, nubambileu hanuashikama mu nsubu yenu ne hanuenda mu nshila ne hanuaya ne hanuabika.

Yoshua 22:27

kadi netshikale bu mumanyi wa bualu hankatshi hetu nʼenu, ne hankatshi ha milongo idi ilonda ku nyima kuetu, bua tuetu kuenzela Yehowa mudimu ku mpala kuandi ne milambu ya kuosha ne milambu yetu ya kuvuisha nʼai ditalala; ne bua bana benu kabambidi bana betu mu matuku alualua ku mpala ne, Nuenu kanuena ne buhianyi kudi Yehowa.

Yoshua 4:21

Yeye wakambila Bena Isalele ne, Biakonka bana benu batatuʼabo mu matuku atshidi ku mpala ne, Mabue â ntshinyi?

Yoshua 4:5

Yoshua wakabambila ne, Hitai ku mpala kua mushete wa Yehowa, Nzambi wenu, munkatshi mua Yadene, muntu ne muntu ambule dibue, aditeke ha diaha diandi, bu bungi bua bisamba bia Bena Isalele;