Yoshua 4:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ bua bantu bonso ba ha buloba bamanye ne, Tshianza tshia Yehowa tshidi tshikole; ne bua nuenu nutshine Yehowa, Nzambi wenu, tshiendelele.

MUKANDA WA MYIDI MUKULU

²⁴ Maweja-Nangila uvua muenze nanku, bua bantu bonsu ba pa buloba bamanye bukole buende. Kabidi bua nutumikile Maweja-Nangila Mvidi Mukulu wenu kashidi.

Yoshua 4:24 ပူးပေါင်းရင်းမြစ်များ

1 Bakalenga 8:40

bua bobo bakutshine matuku onso adibo bashikame mu buloba buwakaha bankambua babo.

1 Bakalenga 8:60

bua bantu bonso ba ha buloba bamanye ne, Yehowa udi Nzambi; kakuena mukuabo.

2 Bakalenga 19:19

Nunku ndi nkusengelela, Yehowa, Nzambi wetu, ne, Utusungile mu bianza biandi, bua bisamba bionso bia ha buloba bimanye ne, Wewe Yehowa, udi Nzambi nkayebe.

2 Bakalenga 5:15

Nunku wakahingana kudi muntu wa Nzambi, yeye ne tshisumbu tshiandi tshionso, bakimana ku mpala kuandi; wakamuambila ne, Katataka ndi mumanye ne, Kakuena Nzambi mukuabo ha buloba buonso anu mu Isalele; nunku ndi nkusengelela ne, Wangate kuha kudi muntu webe.

1 Kulondolola 29:12

Bubanji ne butumbi bidi bifuma kûdi, wewe udi ukokesha bionso; bukole ne bunene bidi mu tshianza tshiebe; tshianza tshiebe tshidi tshivuisha bantu bunene ne bukole.

Yobe 40:9

Wewe udi ne diboko bu dia Nzambi, anyi? Udi mua kuela dî diebe bu mukungulu wa nvula bu mudiye wenza, anyi?

Misambu 106:8

Kadi yeye wakabasungila bualu bua dina diandi, bua kumanyisheye bantu bua bukole buandi bunene.

Misambu 89:13

Wewe udi ne diboko didi ne bukole; tshianza tshiebe tshidi tshikole, tshianza tshiebe tshia balume tshidi tshibandishibue kulu.

Misambu 89:7

nNzambi udibo batshina bikole mu disangisha dia ba tshijila, Udi utamba bonso badi bamunyunguluka kutshinyishibua?

Ekesode 14:31

Bena Isalele bakatangila bualu bukole buakenzela Yehowa Bena Ejipitu, ne bantu bonso bakatshina Yehowa, bakeyemena Yehowa ne muntu wandi Mose.

Ekesode 15:16

Buowa ne ditshina biakubakuata, bualu bua bukole bua diboko diebe bobo badi bashikama holâ bu mabue, to ne hasabuka bantu bebe, Yehowa, tô ne hasabuka bantu bawakahikula.

Ekesode 20:20

Mose wakambila bantu ne, Kanutshinyi, bualu bua Nzambi wakulua bua kunuteta, ditshina diandi dikale ku mpala kuenu, bua nuenu kanuenji malu mabi.

Ekesode 9:16

Kadi bulelela, nakukubisha bua kukulesha bukole buanyi ne bua dina dianyi dimanyishibue ha buloba buonso.

Yeshaya 52:10

Yehowa wakuvula tshilulu ha diboko diandi dia tshijila ku mesu kua bisamba bionso bia bantu; ne bonso ba kunfudilu kua buloba bakumona luhandu lua Nzambi wetu.

Yirmeya 32:40

Nempunge nʼabo tshihungidi tshia tshiendelele ne, Tshiena ndekela kubalonda bua kubenzela bimpe; nenteke dintshina mu mitshima yabo, bua bobo kabahambuki kundi kabidi.

Dielulula 28:10

Bantu bonso ba ha buloba nebamanye ne, Nuenu nudi nubikidibua ku dina dia Yehowa; bobo nebanutshine.

Dielulula 6:2

bua nuenu nutshine Yehowa, Nzambi wenu, bua kutumikila mei andi onso ne mikenji yandi, binakanuambila, ne wewe ne muanʼebe mulume, ne muana wa muanʼebe mulume, matuku onso a muoyo wenu; bua wewe uvudishe matuku ebe.

1 Samuele 17:46

Yehowa neakufile mu tshianza tshianyi lelu eu: nenkushihe, nenkutule mutu webe; nendishe nyunyu ya mulu ne nyama ya mu tshisuku bitalu bia bena nvita ba Bena Peleshete lelu; bantu bonso ba ha buloba nebamanye ne, Nzambi udi munkatshi mua Bena Isalele bulelela;