Yoshua 4:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bantu bakumuka ku Yadene mu matuku dikumi a ngondo wa kunfudilu, bakasa tshitudilu mu Gilegala ku esete kua Yeleko.

MUKANDA WA MYIDI MUKULU

¹⁹ Bena Izrayele bavua basabuka musulu wa Yardene mu matuku dikumi a ngondu wa kumpala. Pashishe bakasa mitanda yabu ku Ngilgale, ku luseke ludi diba dipatukila lua Yeriko.

Yoshua 4:19 ပူးပေါင်းရင်းမြစ်များ

2 Bakalenga 2:1

Hakafika tshikondo tshiakasungula Yehowa bua kuya ne Eliya mu diulu mu nvunde, Eliya wakafuma ne Elisha mu Gilegala.

Amosa 4:4

Luai ku Betele, enzai malu mabi enu; ne ku Gilegala, vudishai mibi yenu; luai ne milambu yenu buatshia-buatshia, ne bintu bienu bia tshia dikumi ku matuku asatu ku matuku asatu.

Amosa 5:5

kadi kanukebi Betele, kanuyi ku Gilegala, kanuyi ku Bê-sheba. Bualu bua ba mu Gilegala nebabuele mu buhika bulelela, ne Betele nealue muaba wa hatuhu.

Mika 6:5

Bantu banyi, vulukai bienu mpindiu bualu buakahangidisha Balaka, mukelenge wa Bena Moaba, bua kuenza; ne mei akamukudimunabo kudi Belâma, muana wa Beô; vulukai luendu lua ku Shitima tô ne ku Gilegala, bua nuenu nujingulule bienzedi biakane bia Yehowa.

Dielulula 1:3

Mu tshidimu tshia makumi anai ne mu ngondo wa dikumi ne umue ne dituku dia kumudilu dia ngondo eu, Mose wakamanyisha Bena Isalele bua malu onso akamuambila Yehowa mu mikenji yakabeleleye;

Dielulula 11:30

Idi dishiya dia Yadene mu nshila wa kudi diba dibuela, mu buloba bua Bena Kanâna bakadi bashikama mu Alabâ, hehi ne Gilegala, hehi ne mitshi ya telebinta ya Mole.

Yoshua 10:43

Yoshua wakahingana, ne Bena Isalele bonso, ku tshitudilu tshia ku Gilegala.

Yoshua 10:6

Bena Gibeona bakatumina Yoshua dî ku tshitudilu tshia ku Gilegala, bamba ne, Kukandi tshianza tshiebe kudi bahika bebe nansha, lua biebe kutudi lubilu, utusungile, utukuatshishe, bualu bua bakelenge bonso ba Bena Amole badi bashikama ku mikuna bakadisangisha bua kutuluisha.

Yoshua 15:7

mukalu wakabandila ku Debî ku tshibanda tshia Akola, wakayila ku nôde kudi kutangilangana ne Gilegala udi kuinshi kua mukuna wa Adumima, udi ku muelelu wa musulu wa ku sude; mukalu wakayila ku mai a Ene-shemeshe, wakashiha ku Ene-logele;

Yoshua 24:11

Nuakasabuka Yadene, nuakalua ku Yeleko; Bena Yeleko bakaluangana nʼenu ne Bena Amole ne Bena Pelizi ne Bena Kanâna ne Bena Hiti ne Bena Gîgashi ne Bena Hiwi ne Bena Yebuse; nakabafila mu bianza bienu.

Yoshua 4:18

Hakumuka bakuidi bakadi batuala mushete wa tshihungidi tshia mei a Yehowa, hakadiatabo makasa abo ha buloba bume, hashishe mai a Yadene akahingana mu muaba wau, aka tua ku muelelu bu diambedi.

Yoshua 5:10

Bena Isalele bakasa tshitudilu mu Gilegala; dilolo bakadia bidia bia disanka dia Kuhita kua Yehowa mu mpata ya Yeleko mu matuku dikumi ne anai a ngondo.

Yoshua 5:9

Yehowa wakambila Yoshua ne, Lelu nakumusha bundu bua Ejipitu kunudi. Nunku badi babikila muaba au ne, Gilegala tô ne lelu.

Yoshua 9:6

Bakaya kudi Yoshua mu tshitudilu ku Gilegala, bakamuambila ne Bena Isalele bonso ne, Tuetu tuakufuma kule ku buloba bukuabo, nunku nuhunge nʼetu tshihungidi.

1 Samuele 10:8

Bûdi nʼabu mbua kudianjila ku mpala kuanyi ku Gilegala; ne mona, meme nempueke kûdi bua kufila milambu ya kuosha ha kahia ne milambu ya kuvuishila nʼai bantu ditalala; ungindileku matuku muanda mutekete ne hanalua bua kukulesha bualu bûdi ne bua kuenza.

1 Samuele 15:33

Samuele wakamba ne, Bulelela, bu muakadi muele webe wa nvita mushiye bakashi kabayi ne bana, nunku mamu webe neikale munkatshi mua bakashi kayi ne bana. Samuele wakakosa Agaga bituha bituha ku mpala kua Yehowa mu Gilegala.