Yoshua 23:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Hakahita matuku a bungi, ne hakamana Yehowa kuha Bena Isalele dikisha kudi bena lukuna babo bonso bakadi babanyunguluka, ne hakalua Yoshua muntu mununu ne bidimu biandi biakakumbana,

MUKANDA WA MYIDI MUKULU

¹ Matuku a bungi awa apita, pavua Maweja-Nangila mumane kupesha bena Izrayele ditalala, mubasungidile kudi baluishi babu bavua nabu mutumba. Yoshuwa ukavua mumane kukola mukulakaje.

Yoshua 23:1 ပူးပေါင်းရင်းမြစ်များ

Genese 25:8

Abalahama wakahuola muoyo wandi, wakafua mununu, bidimu biandi biakakumbana bia bungi, ne yeye wakadisangisha ne bankambua bandi.

1 Bakalenga 1:1

Mukelenge Davidi wakadi muntu mununu, mukoke wa bidimu bia bungi; bakamubikila ne bilulu bia bungi, kadi yeye kakunyua luya.

1 Kulondolola 23:25

Bualu bua Davidi wakamba ne, Yehowa, Nzambi wa Isalele, wakaha bantu bandi ditalala; yeye udi mushikame mu Yelushalema tshiendelele;

1 Kulondolola 27:1

Bena Isalele mu bungi buabo, bakadi ku mutu kua nsubu ya batatuʼabo, ne tupitene tua bantu tshinunu ne tua bantu lukama, ne bakokeshi bakadi bakuatshila mukelenge wabo mudimu mu milongo yonso ya mu ngondo ne ngondo ya mu ngondo yonso ya mu tshidimu, mu tshisumbu ne tshisumbu muakadi bantu binunu makumi abidi ne binai.

2 Kulondolola 14:1

Abiya wakalala tulu ne bankambua bandi, bakamujika mu musoko wa Davidi; Asa muanʼandi wakakokesha mu muaba wandi. Mu matuku andi buloba buakadi ne ditalala bidimu dikumi.

2 Kulondolola 14:5

Yeye kabidi wakumusha mpingu yakadi mu misoko ya Yuda ne mpingu ya ku mutu kua mikuna yakatendelelabo nʼai diba; bukelenge buakadi ne ditalala ku mpala kuandi.

2 Kulondolola 20:30

Nunku bukelenge bua Yehoshafata buakadi ne ditalala; bualu bua Nzambi wakamuha ditalala mu nseke yonso.

Misambu 46:9

Yeye udi ulekesha nvita bua ishike tô ne kunfudilu kua buloba; udi utshibula buta, udi ukosa difuma bituha bituha; udi wosha makalu a nvita mu kahia.

Yeshaya 63:14

Bu mudi ngombe idi ihueka mu tshibanda, Nyuma wa Yehowa wakabaha dikisha. Wewe wakalombela bantu bebe nunku bua kudivuishila dina dia butumbi.

Dielulula 31:2

Yeye wakabambila ne, Lelu nakuhita bidimu lukama ne makumi abidi; tshiena mua kuya ne mua kulua kabidi; ne Yehowa wakamana kungambila ne, Wewe kuena usabuka Yadene eu.

Yoshua 11:23

Nunku Yoshua wakanyenga buloba buonso bu muakambila Yehowa Mose; Yoshua wakabuabanyina Bena Isalele bu buhianyi buabo, tshisamba luseke luatshi tshisamba luseke luatshi. Buloba buakashala talalâ, kakuyi nvita.

Yoshua 13:1

Yoshua wakadi muntu mununu ne wa bidimu bikumbane; Yehowa wakamuambila ne, Wewe udi muntu mununu ne wa bidimu bikumbane, ne buloba bunene butshidi bushala bua nuenu kubuangata.

Yoshua 21:44

Yehowa wakabaha dikisha ku nseke yonso bu muakalayeye bankambua babo; kakuakadi umue wa bena lukuna babo bonso wakamanya mua kubatantamena; Yehowa wakafua bena lukuna babo bonso mu bianza biabo.

Yoshua 22:4

Katataka Yehowa, Nzambi wenu, wakaha bana benu dikisha bu muakabambileye; nunku nuhingane, yai bienu ku ntenta yenu, ku buloba bua buhianyi buenu, buakanuha Mose, muntu wa Yehowa, dishiya dia Yadene.

1 Samuele 12:2

Katataka monai, mukelenge udi wenda ku mpala kuenu, ne meme ndi muntu mununu, nsuki yanyi idi mitoke tô; bana banyi balume badi nʼenu; meme nakuenda ku mpala kuenu ku buana buanyi tô ne ku dituku edi.