Yoshua 22:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Bualu bua Yehowa wakateka Yadene bu mukalu hankatshi hetu nʼenu, nuenu Bena Lubena ne Bena Gada; kanuena ne buhianyi kudi Yehowa: nunku bana benu nebakande bana betu bua kutshinabo Yehowa.

MUKANDA WA MYIDI MUKULU

²⁵ Bualu Maweja-Nangila nkayende mmumane kuteka Yardene bu mukalu pankatshi petu nenu. Nanku nuenu bena Rubene ne bena Ngade, kanuena ne tshinudi mua kuamba kumpala kua Maweja-Nangila to.” Diba adi ndelanganyi yenu idi mua kukandika yetu bua kayitendeledi Maweja-Nangila.

Yoshua 22:25 ပူးပေါင်းရင်းမြစ်များ

2 Samuele 20:1

Muntu mubi wakadiku, dina diandi Sheba, muana wa Bikili, Muena Benyamina; yeye wakela mpungi, Wamba ne, Tuetu katuena ne tshituha kudi Davidi, katuena ne buhianyi kudi muana wa Yishai, nuenu Bena Isalele, muntu ne muntu ahingane ku ntenta wandi.

1 Bakalenga 12:16

Hakamona Bena Isalele ne Mukelenge kakabunvuila, bantu bakandamuna ne, Tudi ne tshituha kai mu Davidi? Katuena ne buhianyi mu muana wa Yishai. Nuenu Bena Isalele nuhingane ku ntenta yenu! Nuenu Bena Davidi nudilamine nsubu yenu. Nunku Bena Isalele bakaya ku ntenta yabo.

1 Bakalenga 14:16

Yeye nealekele Bena Isalele bua malu mabi akenza Yalobama ne bua malu mabi akenzesheye Bena Isalele.

1 Bakalenga 15:30

bualu bua malu mabi akenza Yalobama ne akenzesheye Bena Isalele ne bua tshiji tshiakafuisheye Yehowa, Nzambi wa Isalele.

Nehemya 2:20

Hashishe nakitaba kudibo, nakabambila ne, Nzambi wa mu diulu neakuatshishangane nʼetu; nunku tuetu bantu bandi netubike, netuase lumbu elu; kadi nuenu kanuena ne buhianyi, nansha tshituha, nansha tshivulukidi mu Yelushalema.

Misambu 16:5

Yehowa udi luanyi luseke lua buhianyi buanyi ne lua luhanza luanyi; wewe mene udi unjadikila luseke luanyi lua buhianyi.

Bienzedi 8:21

Wewe kuena ne tshituha anyi luseke mu bualu ebu, bua mutshima webe kawena muimpe ku mesu kua Nzambi.

Yoshua 22:24

Tuakenza bualu ebu tuela meji ne, Halua matuku makuabo bana benu nebakonke bana betu ne, Nuenu nudi ne Yehowa, Nzambi wa Isalele, bualu, anyi?

Yoshua 22:26

Nunku tuakuambilangana ne, Tudiashile tshioshelu, kambualu bua kuoshilahu nyama, anyi mulambu;

Yoshua 22:27

kadi netshikale bu mumanyi wa bualu hankatshi hetu nʼenu, ne hankatshi ha milongo idi ilonda ku nyima kuetu, bua tuetu kuenzela Yehowa mudimu ku mpala kuandi ne milambu ya kuosha ne milambu yetu ya kuvuisha nʼai ditalala; ne bua bana benu kabambidi bana betu mu matuku alualua ku mpala ne, Nuenu kanuena ne buhianyi kudi Yehowa.

1 Samuele 26:19

Katataka ndî nkusengelela ne, Mukelenge wanyi unvue mei a muntu wandi. Bikala Yehowa nguakakusonsolola bualu buanyi, yeye itabushe mulambu; kadi bikala bantu mbakenza nunku, bobo bedibue mulau kudi Yehowa, bualu bua bobo bakungihata lelu bua meme tshikadi mu buhianyi bua Yehowa, badi bangambila ne, Ya, ukuatshile nzambi mikuabo mudimu.