Yoshua 20:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Dishiya dia Yadene ku Yeleko ku esete bakasungula Besê wa mu tshihela tshia mu mpata wa tshisamba tshia Bena Lubena, ne Lamota wa mu Gilada wa mu tshisamba tshia Bena Gada, ne Golana wa mu Bashana wa mu tshisamba tshia Bena Manashe.

MUKANDA WA MYIDI MUKULU

⁸ Luseke ludi diba dipatukila lua tshimenga tshia Yeriko, dishiya dia musulu wa Yardene, bavua basungula tshimenga tshia Beshere tshidi mu mpata ya mu tshipeta ya mu buloba bua bena Rubene; tshimenga kabidi tshia Ramote tshidi mu Ngilaade, buloba budibu bapeshe bena Ngade; ne tshimenga tshia Ngolane mu Bashane, buloba budibu bapeshe bena Menashe.

Yoshua 20:8 ပူးပေါင်းရင်းမြစ်များ

1 Bakalenga 22:6

Hashishe mukelenge wa Isalele wakasangisha baprofete bu nkama inai, wakabebesha ne, Nye kuluangana ne Bena Lamota-gilada, anyi nshale? Bakamuambila ne, Uye biebe, bualu bua Yehowa neafile musoko mu bianza bia mukelenge.

2 Bakalenga 8:28

Yeye wakaya ne Yolama, muana wa Ahaba, bua kuluanganabo ne Hazaele, mukelenge wa Sulia, ku Lamota-gilada; Bena Sulia bakataha Yolama mputa.

1 Kulondolola 6:78

dishiya dia Yadene ku Yeleko ku esete kua Yadene, bakabaha mu tshisamba tshia Lubena, Besê mu tshihela ne miaba ya ku mpenge, ne Yasa ne miaba ya ku mpenge,

1 Kulondolola 6:80

mu tshisamba tshia Gada, Lamota mu Gilada ne miaba ya ku mpenge, ne Mahanayima ne miaba ya ku mpenge,

Dielulula 3:10

misoko yonso ya mu mpata, ne misoko yonso ya mu Gilada, ne ya mu Bashana tô ne ku Saleka ne Edelei, misoko ya bukelenge bua Oga mu Bashana.

Dielulula 4:43

Mena a misoko ei akadi: Besê mu tshihela, mu muaba wa mpata, wa mu Bena Lubena; ne Lamota mu Gilada wa Bena Gada; ne Golana mu Bashana wa Bena Manashe.

Yoshua 20:7

Bakasungula Kedeshe wa mu Galela wa mu mikuna ya Nafatale, ne Shekeme wa mu mikuna ya Efelayima, ne Kîyata-âba (dina dikuabo ne, Hebelone) wa mu mikuna ya Yuda.

Yoshua 20:9

Ai mmisoko yakasunguilabo Bena Isalele bonso, ne benyi bakadi bashikama munkatshi muabo, bua muntu yonso washiha muntu mukuabo ku mpukahuka anyemenemu, kafu biandi ku tshianza tshia musombuedi, tô ne himaneye ku mpala kua tshisumbu.

Yoshua 21:27

Bakaha bana ba Geshona ba mu meku a Bena Lewi bimenga bia munkatshi mua tshituha tshia tshisamba tshia Manashe: Golana wa mu Bashana ne miaba ya ku matshika, tshimenga tshia kunyemenabo kudi mushihianganyi, ne Bêshetela ne miaba ya ku matshika; bimenga bibidi.

Yoshua 21:36

Munkatshi mua tshisamba tshia Lubena: Besê ne miaba ya ku matshika, ne Yahasa ne miaba ya ku matshika,

Yoshua 21:38

Munkatshi mua tshisamba tshia Gada: Lamota wa mu Gilada ne miaba ya ku matshika, tshimenga tshia kunyemenabo kudi mushihianganyi, ne Mahanayima ne miaba ya ku matshika,