Yoshua 2:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Balume aba bakamuambila ne, Netudie mioyo yetu bua kukufuila. Biwikala kuyi usokolola bualu buetu ebu hatuha Yehowa buloba, netukuenzele malu a luse ne a bushuwa.

MUKANDA WA MYIDI MUKULU

¹⁴ Batentekedi abu kumuandamuna ne: — Tudi baditshipa kuudi. Tuetu katuyi bakumbaje bitudi tukulaya, Maweja-Nangila atushipe, kadi amu wewe kuyi muambile muntu tshitudi bavuile munemu. Nanku, padi Maweja-Nangila utupa ditunga edi, netukumbaje tshitudi bakulaye. Netukufuile luse.

Yoshua 2:14 ပူးပေါင်းရင်းမြစ်များ

Genese 24:49

Katataka binuasua kulesha mukelenge wanyi luse ne bulelela, nungambile, ne binuahidia, nungambile kabidi: nunku meme ndi mua kuya ku tshianza tshia balume anyi ku tshianza tshia bakashi.

Genese 47:29

Dituku dia lufu lua Isalele diakalua ha buihi, Wakabikila muanʼandi Yosefe, wakamuambila ne, Bingikala ne luse ku mesu kuebe, ulenge tshianza tshiebe muinshi mua tshibelu tshinyi, uditshihe bua kungenzela malu mimpe ne a bushuwa, ndi nkutendekena ne, Kabanjiki mu Ejipitu.

2 Samuele 2:5

Davidi wakatuma miloho yandi kudi Bena Yabesha-gilada, yakabambila ne, Nuenu nusankishibue kudi Yehowa, bualu bua nuenu nuakalesha mukelenge wenu Shaula malu a kalolo, nuakamujika.

2 Samuele 2:6

Yehowa anuleshe luse lujalame ne bulelela; meme kabidi nennufute bua kalolo kenu, bualu bua nuenu nuakenza bualu ebu.

2 Samuele 9:1

Davidi wakakonka ne, Muntu mukuabo wa mu nsubu wa Shaula udi mushaleku bua meme kumufuila luse bualu bua Yonatana, anyi?

1 Bakalenga 20:39

Hakahita mukelenge, yeye wakadila kudi mukelenge, wakamba ne, Muntu webe wakaya munkatshi mua nvita; mona, muntu mukuabo wakalua kundi ne munga muntu, wakangambila ne, Ulame muntu eu; biajimineye, nebalombe muoyo webe ku muoyo wandi, anyi wewe neufute ntalanta wa argent.

Nsumuinu 14:22

Badi bahangidisha malu mabi kabena bahambuka mu nshila, anyi? Kadi badi bahangidisha malu mimpe badi basangana luse lujalame ne bulelela.

Nsumuinu 18:24

Muntu udi ne balunda ba bungi udi udibutuisba, kadi kudi mulunda udi uhita muanʼabo ne muntu kumulamata.

Matayi 5:7

Badi ne luse badi ne disanka, bua bantu bakuabo nebabafue luse.

Bienzedi 23:22

Nunku kamanda wakatuma nsongalume, wakamuambila ne, Kuambidi muntu mukuabo bu muwakunsokoluela malu â.

Yoshua 2:13

nuenu nusungile tatu wanyi ne mamu wanyi, ne bana betu balume ne bana betu bakashi, ne bonso hadibo nʼabo, nusungile mioyo yetu ku lufu.

Yoshua 2:15

Nunku yeye wakabatuma ne muonshi ha dididishi dia nsubu, bualu bua nsubu wandi wakadi mutuangane ne lumbu lua musoko, yeye wakashikama ha mutu ha lumbu.

Yoshua 6:17

Musoko eu ne bintu bionso bidimu bikale bia tshijila kudi Yehowa. Anu Lahaba, mukashi wa tshiendenda, ikale ne muoyo ne bantu bonso badi nʼandi mu nsubu muandi, bualu bua yeye wakasokoka batentekedi batuakatuma.

Yoshua 6:22

Yoshua wakambila balume babidi bakaya kutentekela buloba ne, Yai bienu mu nsubu wa mukashi au muena tshiendenda, nulue ne mukashi ne bintu bionso bidiye nʼabi, bu munu akadi tshiha kudiye.

Yoshua 6:25

Kadi Yoshua wakasungila Lahaba, mukashi muena tshiendenda, ne bantu bonso ba mu nsubu wa tatu wandi ne bintu bionso biakadiye nʼabi; yeye wakashikama munkatshi mua Bena Isalele tô ne ku dituku edi, bualu bua yeye wakasokoka batentekedi bakatuma Yoshua bua kutentekela Yeleko.

1 Samuele 20:8

Nunku ufuile muntu webe luse, bualu bua wewe wakamana kuhunga nʼanyi tshihungidi mu dina dia Yehowa; bikala bualu bubi munda muanyi, unshihe nkayebe; udi musue kulua nʼanyi ku mesu kua tatu webe bishi?