Yoshua 2:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hatuakunvua lumu alu, mitshima yetu yakahandika, kakuena muntu umue udi mushale ne dikima mu mutshima wandi bualu buenu; bualu bua Yehowa, Nzambi wenu, udi Nzambi wa mu diulu ne ha buloba kabidi.

MUKANDA WA MYIDI MUKULU

¹¹ Tuetu bamane kumvua lumu lua bionsu abi, tuvua tupampakana bikole, kakuyi udi mumvue bukole bua kunubunda kabidi to. Bualu Maweja-Nangila Mvidi Mukulu wenu udi Mvidi Mukulu muena kulu ne muena buloba.

Yoshua 2:11 ပူးပေါင်းရင်းမြစ်များ

1 Bakalenga 8:60

bua bantu bonso ba ha buloba bamanye ne, Yehowa udi Nzambi; kakuena mukuabo.

2 Bakalenga 5:15

Nunku wakahingana kudi muntu wa Nzambi, yeye ne tshisumbu tshiandi tshionso, bakimana ku mpala kuandi; wakamuambila ne, Katataka ndi mumanye ne, Kakuena Nzambi mukuabo ha buloba buonso anu mu Isalele; nunku ndi nkusengelela ne, Wangate kuha kudi muntu webe.

Nehemya 6:16

Hakunvua bena lukuna betu bonso lumu elu, bisamba bionso bia bantu biakatunyunguluka biakatshina, biakadi ne bundu bunene ku mesu; bualu bua bobo bakajingulula ne, Nzambi wabo nguakenzesha mudimu eu.

Estere 8:17

Mu nseke yonso ne mu misoko yonso yakafika mikanda ya mukenji, Bena Yuda bakadi ne musangelu ne disanka, bakalongolola bia kudia bia disanka, bakadi ne dituku dimpe. Bantu bakuabo ba bungi ba mu buloba bakandamuka bu Bena Yuda; bualu bua ditshina dia Bena Yuda diakabakuata.

Misambu 102:15

Nunku ba mu bisamba bia bantu nebatshine dina dia Yehowa, bakelenge bonso ba ha buloba nebatshine butumbi buebe.

Misambu 22:14

Ndi muhongoloke bu mai, mifuba yanyi yonso idi mihauke mu manungu ai; mutshima wanyi udi bu dihula, wakufingatuka munda muanyi.

Misambu 58:7

Bajimine bu mudi mai ahueka, adi akaminyina; haludikilabo mikete yabo, yoyo ikale bu idi mitshibuke.

Misambu 83:18

Mbua bamanye biabo ne wewe nkayebe, ngudi muidike dina dia Yehowa, udi Mutambe Bunene wa ha mutu ha buloba bujima.

Ekesode 15:14

Bantu bakunvua lumu, bakutshina, mikemu yakukuata Bena Peleshete.

Ekesode 15:15

Bakelenge ba Edome bakukema, balume bakole ba Moaba badi bazakala, bantu bonso ba mu buloba bua Kanana bakujimina.

Yeshaya 13:7

Nunku bianza bia bantu bonso nebitekete, mutshima wa muntu yonso newenguluke,

Yeshaya 19:1

Di dia tshijila bualu bua Ejipitu. Monai, Yehowa udi wenda mubande ba ditutu didi diya lukasa, ne neafike ku Ejipitu. Mpingu ya mu Ejipitu neyizakale ku mpala kuandi, mitshima ya ba mu Ejipitu neyivingutuke munda muabo.

Yezekiyele 21:15

Nakubabishila muele wa nvita bua kubakuatshisha buowa, tô ne hahandika mitshima yabo, bua bantu ba bungi badishinde hehi ne bibi biabo bionso. Muele wa nvita udi uhenya bu muele wa nvula, udi musekeshibue bua kushiha nʼau bantu!

Nahume 2:10

Musoko eu udi mutuhu, kauyi bantu, kauyi bintu! Mutshima udi uteketa, binu bidi bikanka, bimono bionso bidi bisama bikole, ne mpala ya bantu bonso idi itokoloka.

Dielulula 1:28

Netubuelemu munyi? Bana betu bakatekesha mitshima yetu, bakamba ne, Bantu aba badi batuhita hunene ne bule; misoko yabo idi minene, ne mpangu yai ya mabue idi miye mulu mule; bualu bukuabo, tuakatangilamu bana balume ba Bena Anaka.

Dielulula 20:8

Ba ha mutu habo nebambile bantu mei makuabo kabidi ne, Nganyi udi ne ditshina ne mutshima mutekete? Bimpe yeye ahingane ku nsubu kuandi, anyi yeye neatekeshe mitshima ya bantu bakuabo.

Dielulula 4:39

Numanye bienu lelu, nubueshe bualu ebu mu mitshima yenu ne, Yehowa udi Nzambi wa mu diulu ne hanshi ha buloba kabidi: kakuena mukuabo.

Yoshua 14:8

Bana betu batuakaya nʼabo bakatekesha mitshima ya bantu; kadi meme nakalonda Yehowa, Nzambi wanyi.

Yoshua 2:24

Bobo bakambila Yoshua ne, Bulelela, Yehowa wakadia buloba buonso mu bianza bietu; ne bualu bukuabo kabidi, bena buloba bonso badi batekete-teketê ku mpala kuetu.

Yoshua 5:1

Hakunvua bakelenge bonso ba Bena Amole bakadi dishiya dia Yadene dia ku wesete, ne bakelenge bonso ba Bena Kanâna bakadi bashikama kukala kua mai manene, lumu ne, Yehowa wakûmisha mai a Yadene ku mpala kua Bena Isalele tô ne hakasabukabo bonso, hashishe mitshima yabo yakahandika, kabakadi ne dikima kabidi bualu bua Bena Isalele.

Yoshua 7:5

Bena Ai bakashiha bantu bu makumi asatu ne basambombo, bakabihata ku tshibi tshia musoko tô ne ku Shebalima: bakabashiha mu tshibanda kabidi; mitshima ya bantu yakatekete-teketê, yakakudimuka bu mai.

Yoshua 9:24

Bobo bakakudimuna Yoshua dî ne, Bualu bua bakambila bantu bebe bu muakadi Yehowa, Nzambi wenu, muambile muntu wandi Mose bua kunuha buloba buonso, ne bua kushiha bena buloba bonso ku mpala kuenu; nunku tuakatshina bikole bua bualu buenu, ne tuakenza bualu ebu.

Didimanyisha 6:16

Ne badi bambila mikuna ne mabue ne, Nutuhukile, nutusokoke ku mesu kua udi ushikama ha nkuasa wa butumbi, ne ku tshishi tshia Muana wa Mukoko;