Yoshua 2:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Tuakunvua lumu bu muakumisha Yehowa mai a Dishiba Dikunze ku mpala kuenu, hanuakaluhuka mu Ejipitu; ne bu munuakenzela bakelenge babidi ba Bena Amole, Sihona ne Oga, bakadi dishiya dia Yadene, banuakashiha.

MUKANDA WA MYIDI MUKULU

¹⁰ Tuvua bapete lumu ne: diba dinuvua numuka mu ditunga dia Ejipitu, Maweja-Nangila uvuamumishe Mayi manene makunze bua nuenu kusabuka. Kabidi tuvua bumvue ne: nuvua bashipe Sihone ne Oge, bakalenga ba matunga abidi a bena Amore, banyangakaje kabidi bintu biabu. Bakalenga abu, bavuabase luseke ludi diba dipatukila lua Yardene.

Yoshua 2:10 ပူးပေါင်းရင်းမြစ်များ

Misambu 74:15

Wakahanda nshila bua mishimi ya mai ne tusulu bihuekelemu, wakabaluisha misulu yakadi ihueka misangu yonso.

Dibadika 20:14

Mose wakatuma miloho ku Kadesha kudi mukelenge wa Edome ne, Muanʼenu Isalele udi wamba ne, Wewe udi mumanye makenga onso akutukuata:

Dibadika 23:22

Nzambi wakabaha tula mu Ejipitu, yeye udi ne bukole bu nyama wa mbowa.

Dibadika 24:8

Nzambi wakamubadila mu Ejipitu, yeye udi ne bukole bua nyama wa mbowa, yeye neamine bisamba bia bantu badi nʼandi lukuna, neatshibule mifuba yabo bituha, yeye neabatubule ne mikete.

Dielulula 2:30

Kadi Sihona, mukelenge wa Heshebona, wakahidia bua tuetu tuhite mu buloba; bualu bua Yehowa, Nzambi wenu, wakanyengabasha meji andi, wakakolesha mutshima wandi, bualu bua kumufila mu tshianza tshienu, bu muakenzeye lelu.

Yoshua 24:12

Nakatuma matembue ku mpala kuenu, akabihata ku mpala kuenu, bakelenge babidi ba Amole mene; ka nku muele webe wa nvita, anyi ku buta buebe.

Yoshua 4:24

bua bantu bonso ba ha buloba bamanye ne, Tshianza tshia Yehowa tshidi tshikole; ne bua nuenu nutshine Yehowa, Nzambi wenu, tshiendelele.

Yoshua 5:1

Hakunvua bakelenge bonso ba Bena Amole bakadi dishiya dia Yadene dia ku wesete, ne bakelenge bonso ba Bena Kanâna bakadi bashikama kukala kua mai manene, lumu ne, Yehowa wakûmisha mai a Yadene ku mpala kua Bena Isalele tô ne hakasabukabo bonso, hashishe mitshima yabo yakahandika, kabakadi ne dikima kabidi bualu bua Bena Isalele.

Yoshua 9:10

ne malu akenzeleye bakelenge babidi ba Bena Amole bakadi dishiya dia Yadene, Sihona, mukelenge wa Heshebona, ne Oga, mukelenge wa Bashana, wakadi mu Ashatelota.