Yoshua 18:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bualu bua Bena Lewi kabena ne buhianyi munkatshi muenu: bualu bua buakuidi bua Yehowa budi buhianyi buabo. Bena Gada ne Bena Lubena ne tshituha tshia tshisamba tshia Manashe bakamana kuangata buhianyi buabo dishiya dia muamua dia Yadene ku esete, buakabahabo kudi Mose, muntu wa Yehowa.

MUKANDA WA MYIDI MUKULU

⁷ Ndelanganyi ya Levi kayena mua kupeta tshiayi tshitupa tshia buloba to. Bualu tshiabu tshintu tshidi amu mudimu wa batuangaji udibu benzela Maweja-Nangila. Kadi tshisamba tshia Ngade, tshia Rubene, ne tshia bibidi tshia tshisamba tshia Menashe, mbimane kupeta biabu bitupa bia buloba luseke ludi diba dipatukila lua Yardene. Moshe nkayende, muntu wa Maweja-Nangila, ke uvua mubapeshe miaba yabu.

Yoshua 18:7 ပူးပေါင်းရင်းမြစ်များ

Dibadika 18:20

Yehowa wakambila Alona ne, Wewe kuena ne buhianyi mu buloba buabo, wewe kuena ne tshituha munkatshi muabo meme ndi tshituha tshiebe ne buhianyi buebe munkatshi mua Bena Isalele.

Dibadika 18:23

Kadi Bena Lewi nebenze mudimu wa mu ntenta wa kusambakena, bobo nebadituadile bubi buabo eu udi mukenji wa tshiendelele ku bikondo bienu bionso, bobo kabena ne buhianyi munkatshi mua Bena Isalele.

Dibadika 18:7

Wewe ne bana bebe balume badi nʼebe nenuikale ne mudimu wa buakuidi bua bintu bionso bia tshioshelu ne bintu bidi ku nyima kua tshilulu tshikudika, nuenu nenuenze mudimu eu, nakunuha mudimu wa buakuidi bu mudimu wa kuha kuenu, muenyi udi ulua ha buihi, nebamushihe.

Dielulula 10:9

Bua bualu ebu Bena Lewi kabena ne buhianyi munkatshi mua bana babo; Yehowa udi buhianyi buabo bu muakabambila Yehowa, Nzambi wenu).

Yoshua 12:6

Mose, muntu wa Yehowa, ne Bena Isalele bakabashiha; ne Mose, muntu wa Yehowa, wakamuha Bena Lubena ne Bena Gada ne tshituha tshia tshisamba tshia Manashe bu buhianyi buabo.

Yoshua 13:33

Kadi Mose kakaha tshisamba tshia Lewi buhianyi nansha: Yehowa, Nzambi wa Isalele, mbuhianyi buabo bu muakabambileye.