Yoshua 18:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ mukalu wakahueka tô ne kunfudilu kua mukuna udi ku mpala kua tshibanda tshia muana mulume wa Hinoma, mu tshibanda tshia Bena Lefa ku nôde; wakahueka ku tshibanda tshia Hinoma ku luseke lua Bena Yebuse ku Sude, wakahueka kabidi tô ne ku Ene-logela;

MUKANDA WA MYIDI MUKULU

¹⁶ Umuka muaba awu, udi upueka kuinshi kua mukuna udi utangila tshibandabanda tshia Inome, tshidi ku mutu kua tshibandabanda tshia bena Refayime. Pashishe mukalu awu uvua ulonda tshibandabanda tshia Inome, upueka kuinshi kua kakuna ka bena Yebusa, utungunuka upueka amu kupueka too ne ku Ene-Rogele.

Yoshua 18:16 ပူးပေါင်းရင်းမြစ်များ

2 Samuele 17:17

Yonatana ne Ahimasa bakadi bashikama mu Ene-logela, ne muena mudimu mukashi wakaya kubambila, ne bobo bakaya, bakambila mukelenge Davidi; bualu bua bobo kabakamanya mua kubuela mu musoko ku mesu kua bantu.

2 Samuele 5:18

Bena Peleshete bakadi bamuangalaka kuonso mu tshibanda tshia Lefayima.

1 Bakalenga 1:9

Adoniya wakashihela Nzambi mikoko ne ngombe ne bana ba ngombe ba manyi hehi ne dibue dia mu Soheleta, didi ku luseke lua Ene-logela; yeye wakabikilaku bana babo bonso, bana ba balume ba mukelenge, ne Bena Yuda bonso ne bantu ba mukelenge;

2 Bakalenga 23:10

Wakanyanga Tofete wakadi mu tshibanda tshia bana ba Hinoma, bua muntu kahitshishi muanʼandi wa balume anyi muanʼandi wa bakashi mu kahia ka Moleke.

1 Kulondolola 14:9

Bena Peleshete hakamana kuhaula misoko ya mu tshibanda tshia Bena Lefa.

2 Kulondolola 28:3

Yeye wakosha musenga wa manananshi mu tshibanda tshia muana wa Hinoma kabidi; wakosha bana bandi mu kahia, bu muakadi tshilele tshibi tshia bisamba biakadi Yehowa muihate ku mpala kua Bena Isalele.

2 Kulondolola 33:6

Yeye wakahitshisha bana bandi mu kahia mu tshibanda tshia muana wa Hinoma; wakatempa matempu, wakatendelela bakishi, wakahaka manga, wakasangisha dî ne batempeshanganyi ba mbuku ne bena buloshi; yeye wakenza malu mabi a bungi ku mesu kua Yehowa bua kumufuisha nʼau tshiji.

Yeshaya 30:33

Bualu bua bakumana kulongolola tshioshelu tshia kuoshelahu bitalu; e, bakutshilongoluela mukelenge; bakutshivuisha tshile ne tshinene; bakutentekashaku makala ne nkunyi ya bungi; muhuya wa Yehowa, udi bu musulu wa soufre, udi ubitemesha.

Yirmeya 19:11

ubambile ne, Yehowa wa misumba udi wamba ne, Nembutule bantu aba ne musoko eu bu mudi muntu ushiha mulondo wa mufumbi udibo kabayi bamanye mua kufumba bua kuikalau mujima kabidi; nebajike bantu mu Tofete bualu bua kakuena kushala munga muaba bua kubajika.

Yirmeya 19:2

uye nʼabo mu tshibanda tshia muana mulume wa Hinoma, tshidi ku tshibuelelu tshia tshibi tshia Hâsita, ubambileku mei andi nkuambila.

Yirmeya 19:6

Nunku Yehowa udi wamba ne, Monai, mu matuku alualua kabena babikila muaba eu kabidi ne, Tofete, anyi Tshibanda tshia muana mulume wa Hinoma, kadi nebaubikile ne, Tshibanda tshia Kushihelamu Bantu.

Yirmeya 32:35

Bakasa bibumba bia Bâla bidi mu tshibanda tshia muana wa Hinoma, bua kufilahu bana babo ba balume ne bana babo ba bakashi bu milambu ya kuoshila Moleke; muanda undi tshiyi mubambile bua kuenzabo, udi kauyi mubuele mu mutshima wanyi, bua bobo benze tshinyangu etshi, bua kuenzesha ba mu Yuda malu mabi.

Yoshua 15:63

Kadi Bena Yuda kabakamanya mua kuihata Bena Yebuse ba mu Yelushalema: Bena Yebuse badi bashikama ne Bena Yuda tô ne ku dituku edi.

Yoshua 18:28

ne Sela ne Elefe ne musoko wa Bena Yebuse (Yelushalema mene), Gibena ne Kîyata; bimenga dikumi ne binai ne misoko yabi. Ebu mbuhianyi bua Bena Benyamina ku meku abo.

Balombodi 1:21

Bena Benyamina kabakihata Bena Yebuse hakadi bashikama mu Yelushalema; kadi Bena Yebuse badi bashikama ne Bena Benyamina mu Yelushalema tô ne lelu.

Balombodi 1:8

Bena Yuda bakaluangana ne Bena Yelushalema, bakaunyenga, bakashiha bena musoko ne muele wa nvita, bakosha tshimenga ne kahia.

Balombodi 19:10

Kadi mulume kakitabusha bua kulala butuku abu; wakabika, wakaya, wakafika ku Yebuse (udi Yelushalema mene) ne mukashi wandi ne mpunda ibidi yakadi ne biseba ha nyima hai.