Yoshua 15:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ mukalu wakadi ku mutu kua mukuna tô ne ku mushimi wa mai a Nefetoa, tô ne ku bimenga bia ku mutu kua mukuna wa Efelona; mukalu wakayila tô ne ku Bala (eu udi Kîyata-yalima mene);

MUKANDA WA MYIDI MUKULU

⁹ Muaba awu mukalu uvua ubenda ku mpokolu ya Neftowa, ufika ne ku bimenga bidibu base pabuipi ne mukuna wa Efrone, pashishe utungunuka ku tshimenga tshia Baala, tshidibu binyika kabidi ne: Kiriyate-Yeyarime.

Yoshua 15:9 ပူးပေါင်းရင်းမြစ်များ

2 Samuele 6:2

Davidi wakajuka ku Bâle-yuda ne bantu bonso bakadi nʼandi, bakaya kuhingisha mushete wa Nzambi udibo babikila ku DINA, dina mene dia Yehowa wa misumba udi mushikame ha mutu munkatshi mua bakeluba.

1 Kulondolola 13:6

Davidi ne Bena Isalele bakaya ku Bâla, udi Kîyata-yalima mene, ku luseke lua Yuda, bua kuangatabo mushete wa Nzambi, udi mushikame ku mutu kua bakeluba kudibo babikila Dina dia Yehowa.

Yoshua 15:29

Bâla ne Iyima ne Eseme,

Yoshua 15:60

Kîyata-bâla (eu udi Kîyata-yalima kabidi) ne Laba; bimenga bibidi ne misoko yabi.

Yoshua 18:15

Mukalu wa ku Sude wakadi kunfundilu kua Kîyata-yalima; mukalu wa ku wesete wakayila tô ne ku mishimi ya mai a Nefetoa;

Yoshua 9:17

Bena Isalele bakabisha luendu luabo, bakalua ku misoko yabo dituku disatu. Mena a misoko yabo akadi Gibeona ne Kefila ne Bêlota ne Kîyata-yalima.

Balombodi 18:12

Bakaya, bakatula tshitudilu tshiabo mu Kîyata-yalima mu Yuda; nunku badi babikila muaba au ne, Mahane-dana tô ne lelu; monai, udi ku nyima kua Kîyata-yalima.

1 Samuele 6:21

Bakatuma miloho kudi Bena Kîyata-yalima bambila ne, Bena Peleshete bakahingisha mushete wa Yehowa; luai bienu, nuye nʼau kuenu.