Yoshua 15:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ mukalu wakabandila ku tshibanda tshia muana wa Hinoma tô ne ku luseke lua Bena Yebuse ku sude (eu udi Yelushalema mene); mukalu wakabandila ku mutu kua mukuna udi ku mpala kua tshibanda tshia Hinoma ku wesete, udi kunfudilu kua tshibanda tshia Bena Lefa ku nôde;

MUKANDA WA MYIDI MUKULU

⁸ Pashishe mukalu awu uvua ubandila ku tshibandabanda tshia Inome, tshidi kuinshi kua kakuna ka bena Yebusa, muaba udibu base tshimenga tshia Yerushalayime. Pashishe uvua upitshila ku lusongu lua mukuna ludi luseke ludi diba dibuelela lua tshibandabanda tshia Inome, ne luseke lua ku mutu menemene lua tshibandabanda tshia bena Refayime.

Yoshua 15:8 ပူးပေါင်းရင်းမြစ်များ

2 Samuele 5:18

Bena Peleshete bakadi bamuangalaka kuonso mu tshibanda tshia Lefayima.

2 Samuele 5:22

Bena Peleshete bakalua tshikondo tshikuabo, bakamuangalaka mu tshibanda tshia Lefayima.

2 Bakalenga 23:10

Wakanyanga Tofete wakadi mu tshibanda tshia bana ba Hinoma, bua muntu kahitshishi muanʼandi wa balume anyi muanʼandi wa bakashi mu kahia ka Moleke.

1 Kulondolola 11:4

Davidi ne Bena Isalele bonso Bakaya ku Yelushalema (udi Yebuse mene); Bena Yebuse, bena buloba bakadiku.

2 Kulondolola 28:3

Yeye wakosha musenga wa manananshi mu tshibanda tshia muana wa Hinoma kabidi; wakosha bana bandi mu kahia, bu muakadi tshilele tshibi tshia bisamba biakadi Yehowa muihate ku mpala kua Bena Isalele.

Nehemya 11:30

ne mu Zanoa ne mu Adulama ne mu misoko yai, ne mu Lakisha ne mu madimi au, ne mu Azeka ne mu misoko yau. Nunku bakashikama mu Bê-sheba tô ne ku tshibanda tshia Hinoma.

Yeshaya 17:5

Bualu ebu nebuikale bu mudibo benza hadi banowi ba blé banowa maminu adi ashala mu budimi, ne tshianza tshiandi tshidi tshinowa miehu ya blé, muomu, nebuikale bu mudibo benza hanowa muntu miehu ya blé mu tshibanda tshia Bena Lefa.

Yirmeya 19:14

Hashishe Yelemiya wakafuma ku Tofete, kuakamutumabo kudi Yehowa bua kuambeye dî edi, ne wakimana mu tshiendelu tshia mu nsubu wa Yehowa, wakambila bantu bonso ne,

Yirmeya 19:2

uye nʼabo mu tshibanda tshia muana mulume wa Hinoma, tshidi ku tshibuelelu tshia tshibi tshia Hâsita, ubambileku mei andi nkuambila.

Yirmeya 19:6

Nunku Yehowa udi wamba ne, Monai, mu matuku alualua kabena babikila muaba eu kabidi ne, Tofete, anyi Tshibanda tshia muana mulume wa Hinoma, kadi nebaubikile ne, Tshibanda tshia Kushihelamu Bantu.

Yoshua 15:63

Kadi Bena Yuda kabakamanya mua kuihata Bena Yebuse ba mu Yelushalema: Bena Yebuse badi bashikama ne Bena Yuda tô ne ku dituku edi.

Yoshua 18:16

mukalu wakahueka tô ne kunfudilu kua mukuna udi ku mpala kua tshibanda tshia muana mulume wa Hinoma, mu tshibanda tshia Bena Lefa ku nôde; wakahueka ku tshibanda tshia Hinoma ku luseke lua Bena Yebuse ku Sude, wakahueka kabidi tô ne ku Ene-logela;

Yoshua 18:28

ne Sela ne Elefe ne musoko wa Bena Yebuse (Yelushalema mene), Gibena ne Kîyata; bimenga dikumi ne binai ne misoko yabi. Ebu mbuhianyi bua Bena Benyamina ku meku abo.

Balombodi 1:21

Bena Benyamina kabakihata Bena Yebuse hakadi bashikama mu Yelushalema; kadi Bena Yebuse badi bashikama ne Bena Benyamina mu Yelushalema tô ne lelu.

Balombodi 1:8

Bena Yuda bakaluangana ne Bena Yelushalema, bakaunyenga, bakashiha bena musoko ne muele wa nvita, bakosha tshimenga ne kahia.

Balombodi 19:10

Kadi mulume kakitabusha bua kulala butuku abu; wakabika, wakaya, wakafika ku Yebuse (udi Yelushalema mene) ne mukashi wandi ne mpunda ibidi yakadi ne biseba ha nyima hai.