Yoshua 15:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ mukalu wakabandila ku Debî ku tshibanda tshia Akola, wakayila ku nôde kudi kutangilangana ne Gilegala udi kuinshi kua mukuna wa Adumima, udi ku muelelu wa musulu wa ku sude; mukalu wakayila ku mai a Ene-shemeshe, wakashiha ku Ene-logele;

MUKANDA WA MYIDI MUKULU

⁷ Mukalu awu uvua upitshila ku tshibandabanda tshia Akore, ubandila kabidi ku Debire, pashishe ubendela ku mutu wa ditunga, uya ku Ngilgale, mutangilangane ne mukuna wa Adumime, udi kuinshi kua lubuwa. Pashishe uvua upitshila pabuipi ne mpokolu ya mayi ya mu Ene-Shemeshe, ushikidila ku Ene-Rogele.

Yoshua 15:7 ပူးပေါင်းရင်းမြစ်များ

2 Samuele 17:17

Yonatana ne Ahimasa bakadi bashikama mu Ene-logela, ne muena mudimu mukashi wakaya kubambila, ne bobo bakaya, bakambila mukelenge Davidi; bualu bua bobo kabakamanya mua kubuela mu musoko ku mesu kua bantu.

1 Bakalenga 1:9

Adoniya wakashihela Nzambi mikoko ne ngombe ne bana ba ngombe ba manyi hehi ne dibue dia mu Soheleta, didi ku luseke lua Ene-logela; yeye wakabikilaku bana babo bonso, bana ba balume ba mukelenge, ne Bena Yuda bonso ne bantu ba mukelenge;

Yeshaya 65:10

Shalona nealue budimi bua mashinde bua mikoko, ne Luhongo lua Akola neluikale muaba wa bimuna kulalamu, bua bantu banyi bakunkeba.

Osheya 2:5

Bualu bua mamu wabo wakulonda malu a masandi; yeye wakabalela wakuenza malu a bundu. Bualu bua wakamba biandi ne, Nendonde bannangi badi bampa bidia bianyi ne mai a kunua, miosa yanyi ya mikoko ne buanda bua lin, manyi anyi ne bia kunua bianyi.

Yoshua 10:43

Yoshua wakahingana, ne Bena Isalele bonso, ku tshitudilu tshia ku Gilegala.

Yoshua 15:15

Wakaya kuluangana ne Bena Debî: dina dia Debî diambedi diakadi Kîyata-sefe.

Yoshua 15:6

mukalu wakabandila ku Bete-hogola, wakayila ku nôde kua Bete-alabâ; mukalu wakabandila ku dibue dia Bohana, muana wa Lubena;

Yoshua 18:17

wakayila ku nôde, wakahatuka ku Ene-shemeshe ne ku Gelilota ku mpala kua mukuna wa Adumima; wakahueka ku dibue dia Bohana, muana wa Lubena;

Yoshua 4:19

Bantu bakumuka ku Yadene mu matuku dikumi a ngondo wa kunfudilu, bakasa tshitudilu mu Gilegala ku esete kua Yeleko.

Yoshua 7:24

Yoshua ne Bena Isalele bonso bakangata Akana, muana wa Zela, ne tshiamu tshia argent ne tshilulu ne tshiamu tshia or ne bana bandi balume ne bana bandi bakashi ne ngombe yandi ne mpunda yandi ne mikoko yandi ne ntenta wandi ne bionso biakadiye nʼabi: bakalua nʼabi mu tshibanda tshia Akola.

Yoshua 7:26

Bakunguisha mushiki munene wa mabue ha mutu handi; udiku tô ne lelu; ne Yehowa wakalekela tshiji tshiandi. Nunku badi babikila muaba au ne, Tshibanda tshia Akola tô ne lelu.