Yoshua 14:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Bena Yuda bakalua kudi Yoshua mu Gilegala. Kaleba, muana wa Yefune, Muena Kenizi, wakamuambila ne, Wewe udi mumanye bualu buakambila Yehowa Mose, muntu wa Nzambi, bualu buanyi ne bualu buebe mu Kadeshe-bânea.

MUKANDA WA MYIDI MUKULU

⁶ Dituku dikuabu, bena tshisamba tshia Yuda kumonangana ne Yoshuwa ku Ngilgale. Kalebe, muana wa Yefune, wa mu diku dia Kenaze, kuambila Yoshuwa ne: — Uvuluke muvua Maweja-Nangila muambile Moshe, muntu wende, bualu buebe ne buanyi ku Kadeshe-Barneya.

Yoshua 14:6 ပူးပေါင်းရင်းမြစ်များ

1 Bakalenga 13:1

Muntu wa Nzambi wakafuma mu Yuda, wakafika ku Betele bu mu dî dia Yehowa. Yalobama wakadi muimane ku tshioshelu bua kuosheye musenga wa manananshi.

1 Bakalenga 13:14

Yeye wakalonda ku nyima kua muntu wa Nzambi, wakamusangana mushikame muinshi mua mutshi wa telebinta. Wakamuebesha ne. Wewe, muntu wa Nzambi, wakufuma mu Yuda, anyi? Yeye wakamukudimuna ne, Ka meme eu.

2 Bakalenga 4:16

Yeye wakamuambila ne, Ku tshikondo etshi, hakumbana ngondo yebe, wewe neukongoluele muana wa balume. Yeye wakamuambila ne, Nansha, mukelenge wanyi, wewe muntu wa Nzambi, kudingi muntu webe mukashi.

2 Bakalenga 4:42

Muntu wa ku Bâla-shalisha wakalua kudi muntu wa Nzambi ne bintu biakahuolabo diambedi, mitanda ya bidia bia orge makumi abidi, ne manvua mabishi mu tshibombi tshiandi. Yeye wakamba ne, Uhe bantu aba, badie.

2 Bakalenga 4:9

Yeye wakambila bayandi ne, Ndi mumanye ne, Muntu eu udi muntu muakane wa Nzambi utu walua kutudi.

2 Bakalenga 8:11

Yeye wakamutangila talalâ tô ne bakamukuata bundu. Muntu wa Nzambi wakadila.

2 Bakalenga 8:7

Elisha wakaya ku Damaseke. Bene-hadada, mukelenge wa Bena Sulia, wakadi usama; bakamuambila ne, Muntu wa Nzambi wakulua.

1 Kulondolola 23:14

Kadi bualu bua Mose, muntu wa Nzambi, bana bandi bakadi babadibue munkatshi mua tshisamba tshia Lewi.

Misambu 90:1

Mukelenge, wewe udi muikale muaba wa tuetu kushikamamu mu bikondo bionso.

Yirmeya 35:4

Nakalua nʼabo ku nsubu wa Yehowa, mu nsubu mua bana balume ba Hanana, muana mulume wa Yigedalaya, muntu wa Nzambi, wakadi ha buihi ne nsubu wa baminyampala, wakadi ha mutu ha nsubu wa Maseya, muana wa Shaluma, mulami wa ku mbelu kua nsubu.

Dibadika 13:26

Hakafikabo, bakalua kudi Mose ne kudi Alona ne kudi tshisumbu tshionso tshia Bena Isalele mu tshihela tshia Palana ku Kadesha, bakalua kudibo ne kudi tshisumbu tshionso ne dî diabo, bakabalesha mamuma a buloba abu.

Dibadika 13:30

Kaleba wakakolesha bantu ku mesu kua Mose ne, Tuyai katataka, tunyenge buloba abu, tudi bamanye mua kuhita bena buloba abu bukole.

Dibadika 13:6

Wa mu tshisamba tshia Yuda, Kaleba, muana mulume wa Yefune.

Dibadika 14:24

kadi muntu wanyi Kaleba, bualu bua yeye udi ne mutshima mukuabo munda muandi, ne yeye wakundonda bulelela, nendue nʼandi mu buloba buakayeye, tunkanunuma tuandi netubuhiane.

Dibadika 14:30

bulelela, nuenu kanuena nulua mu buloba bunakanulaya bua nuenu nushikamemu, anu Kaleba, muana mulume wa Yefune, ne Yoshua, muana mulume wa Nuna.

Dibadika 14:6

Yoshua, muana mulume wa Nuna, ne Kaleba, muana mulume wa Yefune, bakaya ne bantu bakatentekela buloba, bakadihanda bilulu biabo,

Dibadika 26:65

Bualu bua Yehowa wakamba ne, Bobo nebafue mu tshihela. Nansha umue wabo wakashala anu Kaleba, muana mulume wa Yefune ne Yoshua, muana mulume wa Nuna.

Dibadika 32:12

anu Kaleba, muana mulume wa Yefune, Muena Kenizi, ne Yoshua, muana mulume wa Nuna, bualu bua bobo bakalonda Yehowa ne mitshima yabo yonso.

Dielulula 33:1

 mmasanka akavudishila Mose, muntu wa Nzambi, Bena Isalele, diambedi yeye kayi muanze kufua.

Dielulula 34:10

Ku dituku adi kakuena muprofete mukuabo mubike munkatshi mua Bena Isalele bu Mose, wakadi mumanyangane ne Yehowa ku mesu,

Dielulula 34:5

Nunku Mose, muinu wa Yehowa, wakafua mu buloba bua Moaba muakamba Yehowa.

1 Timote 6:11

Kadi wewe, muntu wa Nzambi, nyema malu â; londa malu makane ne a buimpe bua Nzambi ne ditabusha ne dinanga ne ditantamana ne kalolo.

2 Timote 3:17

bua muntu wa Nzambi ikale mukumbashibue, mulongolola tshishiki bua midimu yonso mimpe.

Yoshua 10:43

Yoshua wakahingana, ne Bena Isalele bonso, ku tshitudilu tshia ku Gilegala.

Yoshua 14:14

Nunku Hebelone wakalua buhianyi bua Kaleba, muana wa Yefune, Muena Kenizi, tô ne ku dituku edi; bualu bua yeye wakalonda Yehowa, Nzambi wa Isalele mene mene.

Yoshua 15:17

Oteniele, muana wa Kenasa, muanʼabo ne Kaleba, wakaunyenga: yeye wakamuha Akasa, muanʼandi wa bakashi, bu mukashi wandi.

Yoshua 4:19

Bantu bakumuka ku Yadene mu matuku dikumi a ngondo wa kunfudilu, bakasa tshitudilu mu Gilegala ku esete kua Yeleko.