Yoshua 14:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Bualu bua bana ba Yosefe bakadi bisamba bibidi, Manashe ne Efelayima: kabakaha Bena Lewi buhianyi mu buloba, anu misoko ya kushikamabo ne miaba ya kudishabo bimuna biabo ne ya kutekabo bintu biabo.

MUKANDA WA MYIDI MUKULU

⁴ Bualu ndelanganyi ya Levi kayivua ne bua kupeta buloba nansha bukese to. Ku ndelanganyi ya Yozefe kuvua bisamba bibidi ebi: tshia Menashe ne tshia Efrayime. Kadi bena Levi bavua bapeta anu bimenga bia kuasamu, ne maloba a kumpenga kua bimenga ebi bua kudishamu bimuna, ne kutekamu bintu biabu bikuabu.

Yoshua 14:4 ပူးပေါင်းရင်းမြစ်များ

Genese 41:51

Yosefe wakidika muanʼa bute dina ne, Manashe; bualu bua yeye wakamba ne, Nzambi wakumpuisha muoyo bua mudimu wanyi mukole ne bua bonso ba mu nsubu wa tatuʼanyi.

Genese 41:52

Wakidika muana mukuabo dina ne, Efelayima, bualu bua wakamba ne, Nzambi wakunkumbasha mu buloba bua dikenga dianyi.

Genese 46:20

Asenata, muana mukashi wa Poti-fela, mubuki wa mu Ono, mukashi wa Yosefe, wakamulelela Manashe ne Efelayima mu buloba bua Ejipitu.

Genese 48:1

Hakashika malu a bakambila Yosefe ne, Mona tatu webe udi usama; yeye wakaya kudiye ne bana bandi ba balume babidi, Manashe ne Efelayima.

Genese 48:5

Bana babidi bakakulelelabo mu Ejipitu diambedi tshiyi muanze kulua mu Ejipitu mbana banyi, Efelayima ne Manashe badi banyi bu Lubena ne Shimeona.

Genese 48:6

Biwalela bana bakuabo ku nyima kuabo, nebikale bana bebe kabidi nebabidike dina dia bana babo mu buhianyi buabo.

2 Kulondolola 30:1

Hezikiya wakatumina Bena Isalele ne Bena Yuda bonso dî; wakafundila Bena Efelayima ne Bena Manashe mikanda bua bobo balue ku nsubu wa Yehowa mu Yelushalema, bua kudiabo bidia bia disanka dia kuhita kua Yehowa, Nzambi wa Isalele.

Dibadika 26:28

Bana balume ba Yosefe ku meku abo, Manashe ne Efelayima.

Yoshua 16:4

Bana ba Yosefe, Manashe ne Efelayima, bakangata buhianyi buabo.