Yoshua 14:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Ntshidi ne bukole lelu, bu munakadi nʼabu dituku diakantuma Mose; bu muakadi Bukole buanyi dituku adi, mbu mutshidibu katataka, bua kuluangana nvita ne bua kuya ne bua kuhingana.

MUKANDA WA MYIDI MUKULU

¹¹ Kabidi ntshidi anu ne bukole bu mumvua nabu musangu uvua Moshe muntume bua kutentekela ditunga. Ntshidi amu ne bukole buonsu bumvua nabu tshikondu atshi, nansha bua kuluangana mvita, nansha bua kuenza midimu mikuabu.

Yoshua 14:11 ပူးပေါင်းရင်းမြစ်များ

Misambu 103:5

udi ukuatshisha ne bintu bimpe bidimu biebe bionso, nunku bukole bua bunsongalume buebe budi buhingane bu bua nyunyu wa mukanku.

Misambu 90:10

Matuku a mu bidimu bietu adi akumbana bu bidimu makumi muanda mutekete; anyi, bituikala ne bukole, bidi mua kukumbana bidimu makumi muanda mukulu; kadi dileha diabi didi dituvuishila anu mudimu mukole ne kanyinganyinga, bualu bua bidi bihita lubilu, ne ludi tuya lukasa.

Yeshaya 40:31

badi bindila Yehowa nebasangashe bukole buabo; nebabande mulu ne mahuahua bu nyunyu ya mukanku, nebanyeme lubilu ne kabena babungila, nebende ne kabena bateketa.

Dielulula 31:2

Yeye wakabambila ne, Lelu nakuhita bidimu lukama ne makumi abidi; tshiena mua kuya ne mua kulua kabidi; ne Yehowa wakamana kungambila ne, Wewe kuena usabuka Yadene eu.

Dielulula 33:25

Milonda yebe ya bibi bia musoko neyikale ya tshiamu tshifike ne tshiamu tshia mitaku, bukole buebe nebuikale bule bua matuku ebe onso.

Dielulula 34:7

Hakafua Mose, yeye wakadi ne bidimu lukama ne makumi abidi: mesu andi kâkadi bileshileshi ne bukole buandi kabuakahua.

Yoshua 14:10

Katataka mona, Yehowa wakundama ne ntshidi ne muoyo, bu muakambeye tô bidimu ebi makumi anai ne bitanu, ku dituku diakambila Yehowa Mose dî adi, hakadi Bena Isalele bendakana mu tshihela: lelu ndi ne bidimu makumi muanda mukulu ne bitanu.