Yoshua 12:2 - Mukanda wa Nzambi Dihungila Dikulukulu ne Dihungila Dihia-dihia 2003

² Sihona, mukelenge wa Bena Amole, wakadi mushikame mu Heshebona, ne wakadi mukokeshe ku Aloe udi ku muelele wa tshibanda tshia Ânona, ne musoko udi munkatshi mua tshibanda, ne tshituha tshia Gilada tô ne ku musulu wa Yaboka, mukalu wa Bena Amona;

MUKANDA WA MYIDI MUKULU

² Mukalenga wa kumpala uvua Sihone, muena Amore, uvua musombele mu tshimenga tshia Eshebone. Uvua ulombola bantu bavua basomba mu tshitupa tshia tshibandabanda tshia musulu wa Amone, biangatshile ku Aroyere, ulombola kabidi bavua basombe mu tshitupa tshia Ngilaade too ne ku musulu wa Yaboke, udi wenza mukalu wa ditunga dia bena Amone.

Yoshua 12:2 ပူးပေါင်းရင်းမြစ်များ

Genese 32:22

Butuku abu wakabika biandi wakangata bakashi bandi babidi ne bakashi babidi benji ba mudimu ne bana bandi dikumi ne umue, bakasabuka ku dilobo dia Yaboka.

1 Kulondolola 5:8

ne Bêla, muana wa balume wa Azaza, muana wa balume wa Sheme, muana wa balume wa Yoele, wakashikama mu Aloe tô ne ku Nebo ne Bâla-meona;

Nehemya 9:22

Wewe wakabaha makelenge ne ba ha buloba biwakababanyina bu muakadi bituha biabo; nunku bakahiana buloba bua Sihona ne buloba mene bua mukelenge wa Heshebona ne buloba bua Oga, mukelenge wa Bashana.

Misambu 135:11

Sihona, mukelenge wa Bena Amole, Oga, mukelenge wa Bashana, ne bakelenge bonso ba mu Kanâna.

Yirmeya 48:19

Wewe muana mukashi udi mushikame mu Aloê, imana kukala kua nshila, utentekeleku; konka muntu mulume udi unyema biandi ne muntu mukashi udi uhanduka ne, Bualu kai buakulua?

Dielulula 1:4

hakashiheye Sihona, mukelenge wa Bena Amole, wakadi ushikama mu Heshebona, ne Oga, mukelenge wa Bashana, wakadi ushikama mu Ashetalota ku Edelei.

Balombodi 11:13

Mukelenge wa Bena Amona wakakudimuna ba-messager ba Yefeta dî ne, Bualu bua Bena Isalele bakanyenga buloba buanyi hakaluabo mu Ejipitu, ku musulu wa Ânona tô ne ku Yaboka ne ku Yadene; nunku utuhingishile maloba au kabidi talalâ.

Balombodi 11:22

Bakangata buloba buonso bua Bena Amole ku mikalu yabo yonso, ku Ânona tô ne ku Yaboka, ne ku tshihela tô ne ku Yadene.