Yoshua 11:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Yehowa wakambila Yoshua ne. Kanubatshinyi; makelela diba edi nembafile bonso bashihibue ku mpala kua Bena Isalele; nenukose tubalu tuabo tuonso mifungu yatu ya mikono, nenuoshe makalu abo mu kahia.

MUKANDA WA MYIDI MUKULU

⁶ Maweja-Nangila kuambila Yoshuwa ne: — Kubatshinyi to. Malaba pa diba ditudi edi, nemfile bantu aba bonsu mu bianza bia bena Izrayele, bamane kutapika mputa ya lufu. Neukose nyama yabu ya tubalu mifimgu ya mikonu. Newoshe matempu abu a mvita.

Yoshua 11:6 ပူးပေါင်းရင်းမြစ်များ

2 Samuele 8:4

Davidi wakamunyenga bantu bakadi benda ha nyima ha tubalu tshinunu tshimue ne nkama muanda mutekete, ne bakadi benda hanshi binunu makumi abidi; Davidi wakakosa tubalu tuonso mifungu yatu, kadi wakasungula tukuabo bua makalu lukama.

2 Bakalenga 6:16

Yeye wakamuambila ne, Kutshinyi nansha; bualu bua badi nʼetu badi bahita badi nʼabo bungi.

2 Kulondolola 20:16

Makelela nuye kudibo; monai, bobo badi baluila ku mukuna wa Sisi; nenusangakene nʼabo kunfudilu kua tshibanda, ku mpala kua tshihela tshia Yeluele.

Misambu 46:10

Imanai talalâ, numanye bienu ne, Meme ndi Nzambi. Nentumbishibue munkatshi mua bisamba bia bantu, nentumbishibue ha buloba.

Misambu 46:11

Yehowa wa misumba udi nʼetu; Nzambi wa Yakoba udi tshinyemenu tshietu.

Misambu 46:9

Yeye udi ulekesha nvita bua ishike tô ne kunfudilu kua buloba; udi utshibula buta, udi ukosa difuma bituha bituha; udi wosha makalu a nvita mu kahia.

Nsumuinu 20:7

Muntu muakane udi wenda mu buakane bua mutshima wandi,— bana bandi badi bamulonda badi bavudishibue disanka!

Yeshaya 30:16

kadi nuakuamba bienu ne, Nansha, bualu bua netunyeme ba nyima ha tubalu! Nunku, nenunyeme bulelela. Nuakuamba kabidi ne, Netuende babande ha nyima ha nyama idi inyema lubilu; nunku badi banuihata nebanyeme lubilu kabidi.

Yeshaya 31:1

Mulau wikale kudi bantu badi bahueka mu nshila wa ku Ejipitu bua kudiangatshila dikuatshisha diabo, badi batekemena tubalu, badi beyemena makalu a nvita bualu bua adi a bungi, ne badi babanda ha nyima ha tubalu bualu bua badi batamba bukole, kadi kabena batangila kudi Wa Tshijila wa Isalele, ne kabena bakeba lungenyi kudi Yehowa!

Yezekiyele 39:9

Mu diba adi badi bashikame mu misoko ya mu Isalele nebaluhuke, nebatemeshe kahia kabo ne bielelu abi bia nvita, nebabioshe bu nkunyi yabo: ne ngabu ya ha tshiadi ne ngabu ya ku diboko, ne mata ne mikete, ne mafuma mibi ne mafuma male; nebatemeshe kahia ne bintu ebi tô ne hahita bidimu muanda mutekete.

Osheya 14:3

Bena Ashû kabena batusungila; katuena tubanda ha nyima ha tubalu tua nvita bua kuenda; katuena tuambila bintu bituakufula ku bianza bietu ne, Nudi nzambi yetu; bualu bua bana ba nshiya badi baheta luse kûdi.

Nahume 2:13

Yehowa wa misumba udi wamba ne, Mona, ndi nkuhidia, nenshidishe makalu ebe mu kahia, muele wa mata neumane bana bebe ba ntambue, bintu biebe biwakunyenga, nembiumushe ha buloba, bantu kabena bunvua kabidi dî dia ba-messager bebe.

Dielulula 7:16

Nujimishe bantu bonso badi Yehowa, Nzambi wenu, ufila mu bianza bienu; kanubafuidi luse, kanutendeledi nzambi yabo; bualu ebu nebuikale bu buteyi kunudi.

Yoshua 10:8

Yehowa wakambila Yoshua ne, Kubatshinyi nansha, bualu bua nakubafila mu tshianza tshiebe; kakuena muntu wa kudibo udi mua kuimana ku mpala kuebe.

Yoshua 11:5

Bakelenge aba bonso bakadisangisha hamue; bakalua, bakasa tshitudilu ku mai a Meloma bua kuluangana ne Bena Isalele.

Yoshua 11:7

Nunku Yoshua wakalua kudibo lubilu ne bena nvita bonso bakadi nʼandi ku mai a Meloma, wakadiela kudibo.

Yoshua 11:9

Yoshua wakabenzela bu muakamuambila Yehowa: wakakosa tubalu mifingu ya mikono, wakosha makalu abo mu kahia.

Yoshua 3:5

Yoshua wakambila bantu ne, Nudijidile, bualu bua makelela Yehowa nênze malu a kukema munkatshi muenu.

Balombodi 20:28

ne Pinehasa, muana wa Eleazâ, muana wa Alona, wakadi muimane ku mpala kua mushete mu matuku au), bamba ne, Netuye bua kuluangana ne bana betu Bena Benyamina kabidi, anyi nealekele? Yehowa wakabambila ne, Yai bienu, bualu bua nembafile mu bianza bienu makelela.

Balombodi 7:9

Butuku abu mene Yehowa wakamuambila ne, Bika biebe, hueka ku tshitudilu tshiabo, bualu bua nakabifila mu bianza biebe.

1 Samuele 11:9

Bakambila miloho yakalua kudibo ne, Nuambile Bena Yabesha-gilada nunku ne, Makelela hafika diba munda munya, nuenu nenusungidibue. Miloho yakalua, yakambila Bena Yabesha dî edi, ne bobo bakasanka.