Yoshua 11:3 - Mukanda wa Nzambi Dihungila Dikulukulu ne Dihungila Dihia-dihia 2003

³ ne kudi Bena Kanâna ba ku esete ne ba ku wesete ne Bena Amole ne Bena Hiti ne Bena Pelizi ne Bena Yebuse ba ku mikuna ne Bena Hiwi kuinshi kua mukuna wa Hêmona mu buloba bua Misepa.

MUKANDA WA MYIDI MUKULU

³ Mukalenga Yabine kumvuangana kabidi ne bena Kenaane, bavua basombe ku musulu wa Yardene, luseke ludi diba dipatukila, ne luseke ludi diba dibuelela luawu. Kumvuanganaye kabidi ne bena Amore, bena Iti, bena Perizi, bena Yebusa bavua ku mikuna, ne bena Iti bavua basombe kuinshi, ku mukuna wa Ermone mu ditunga dia Mispa.

Yoshua 11:3 ပူးပေါင်းရင်းမြစ်များ

Genese 31:49

Misepa, bualu bua yeye wakamba ne, Yehowa atulame meme ne wewe, hatuamuangalaka muntu ne muntu.

2 Samuele 24:16

Hakamba muanjelo kuolola tshianza tshiandi ku Yelushalema bua kubutula, Yehowa wakakudimuna dî diandi, wakambila muanjelo wakadi ushiha bantu ne, Bualu abu buakukumbana; katataka kandisha tshianza tshiebe. Muanjelo wa Yehowa wakadi hehi ne tshishihuidi tshia Alauna, Muena Yebuse.

2 Samuele 24:7

bakafika ku musoko wa lumbu wa Tulo, ne ku misoko yonso ya Bena Hiwi ne ya Bena Kanâna; bakanyunguluka ku luseke lua Sude lua Yuda tô ne ku Bê-sheba.

1 Bakalenga 15:22

Hashishe mukelenge Asa wakela dî kudi Bena Yuda bonso, nansha muntu umue kashadi. Bakangata mabue a ku Lama ne mabaya akadi Bâsha wasa nʼau; mukelenge Asa wakasa nʼau Geba wa mu Benyamina ne Misepa.

1 Bakalenga 9:20

Munkatshi mua bantu bonso bakadi bashala mu buloba Bena Amole ne Bena Hiti ne Bena Pelese ne Bena Hiwi ne Bena Yebuse kabakadi ba bisamba bia Bena Isalele.

Misambu 133:3

Bidi bu mume wa ku mukuna wa Hêmona, udi uhuekela ha mikuna ya Siona. Bualu bua Yehowa wakavudishilaku bantu disanka, disanka mene dia muoyo tshiendelele.

Misambu 89:12

Wewe wakafuka luseke lua ku nôde ne lua ku sude; mukuna wa Tabô ne wa Hêmona idi isanka bua dina diebe.

Musambu wa Solomo 4:8

Mukashi wanyi muhungile, umuke nʼanyi ku Lebanona; umuke nʼanyi ku Lebanona. Umuke ku mukuna wa Amana, ne ku wa Senî ne wa Hêmona, ku miaba idi mena a nyama ya ntambue, ne ku mikuna idi ne nkashama.

Yirmeya 40:10

Mona, meme hanyi nenshikame mu Misepa, bua kunuakuila ku mpala kua Bena Kasada badi balua kutumona; kadi nuenu nusangishe tumuma tua nvinyo ne mamuma makuabo ne manyi, nubiteke mu mpanza yenu, nushikame mu misoko inuakuangata.

Yirmeya 40:6

Hashishe, Yelemiya wakaya kudi Gedaliya, muana wa Ahikama, ku Misepa; wakashikama nʼandi munkatshi mua bantu bakadi bashala mu buloba.

Yirmeya 41:14

Nunku bantu bonso bakadi Yishemaele mukuate ku Misepa uya nʼabo mu buhika bakalukila, bakahingana kudi Yohanana, muana wa Kalea.

Yirmeya 41:3

Yishemaele wakashiha Bena Yuda bonso kabidi bakadi ne Gedaliya mu Misepa; wakashiha bena nvita ba Bena Kasada bakadiku.

Dibadika 13:29

Bena Amaleka badi ku luseke lua ku Sude, Bena Hiti ne Bena Yebuse ne Bena Amole badi ku luseke lua ku mikuna, Bena Kanâna badi hehi ne mai manene ne kukala kua musulu wa Yadene.

Dielulula 4:48

ku Aloê udi ku butshika bua tshibanda tshia mai a Ânona tô ne ku mukuna wa Sileona (dina dikuabo ne Hêmona),

Dielulula 7:1

Halua Yehowa nʼenu mu buloba bunudi nuya bua kubuhiana, hanuihatshileye bisamba bia bungi ku mpala kuenu, Bena Hiti ne Bena Gîgashi ne Bena Amole ne Bena Kanâna ne Bena Pelizi ne Bena Hiwi ne Bena Yebuse, bisamba muanda mutekete bidi binuhita bunene ne bukole;

Yoshua 11:17

ku mukuna wa Halaka wa ku nshila wa ku Sei tô ne ku Bâla-gada wa mu tshibanda tshia Lebanona kuinshi kua mukuna wa Hêmona; wakakuata bakelenge hai bonso, wakabataha, wakabashiha.

Yoshua 11:8

Yehowa wakabafila mu bianza bia Bena Isalele, bakabashiha, bakabihata tô ne ku Sidona, musoko munene, ne ku Miselefota-mayima, ne ku tshibanda tshia Misepa tshia ku esete; bakabashiha tô, kabakashiya nansha umue.

Yoshua 13:11

ne Gilada ne mukalu wa Bena Geshû ne Bena Mâka ne mukuna wonso wa Hêmona, ne buloba buonso bua Bashana tô ne ku Saleka;

Yoshua 13:5

buloba bua Bena Gebala ne Lebanona mujima kudi kuhatukila diba, ku Bâla-gada udi kuinshi kua mukuna wa Hêmona tô ne ku mukalu wa Hamata;

Yoshua 15:38

ne Dileana ne Misepe ne Yoketêle,

Yoshua 15:63

Kadi Bena Yuda kabakamanya mua kuihata Bena Yebuse ba mu Yelushalema: Bena Yebuse badi bashikama ne Bena Yuda tô ne ku dituku edi.

Yoshua 18:26

ne Misepe ne Kefila ne Moza,

Yoshua 3:10

Yoshua wakamba ne, Bua bualu ebu nenumanye ne Nzambi wa muoyo udi munkatshi muenu, ne yeye kena uhanga kunuihatshila Bena Kanâna ne Bena Hiti ne Bena Hiwi ne Bena Pelizi ne Bena Gigashi ne Bena Amole ne Bena Yebuse ku mpala kuenu.

Balombodi 20:1

Hashishe Bena Isalele bonso bakaluhuka bafume ku Dana tô ne ku Bê-sheba ne ba mu buloba bua Gilada, bakadisangisha bu muntu umue kudi Yehowa ku Misepa.

Balombodi 21:5

Bena Isalele bakamba ne, Nganyi wa munkatshi mua bisamba bia Bena Isalele wahidia kulua ku disangisha dia Yehowa? Bualu bua bobo bakadi baditshiha ne kuditshiha kukole ne, Wahidia kulua kudi Yehowa ku Misepa neafue bulelela.

Balombodi 21:8

Bakakemangana ne, Tshisamba kai tshia Bena Isalele tshidi katshiyi tshitua kudi Yehowa ku Misepa? Ne monai, nansha muetu umue wa mu tshitudilu tshia Yabesha-gilada wakalua ku disangisha.

Balombodi 3:3

â mmena abo: bakelenge batanu ba Bena Peleshete, ne Bena Kanâna bonso ne Bena Sidona, ne Bena Hiwi bakadi bashikama ku mukuna wa Lebanona, ku mukuna wa Bâla-hêmona tô ne ku mukalu wa Hamata.

Balombodi 3:5

Bena Isalele bakashikama munkatshi mua Bena Kanâna ne Bena Hiti ne Bena Amole ne Bena Pelizi ne Bena Hiwi ne Bena Yebuse;

1 Samuele 10:17

Samuele wakabikila bantu bua kudisangishabo kudi Yehowa ku Misepa.